Iniciar sesión: Acceso

Benvida

Benvidos á páxina web do CEIP Nº1 de Melide. Aquí poderedes consultar todas as novas relacionadas co centro en cada unha das sección que compoñen o mesmo.

Entroido no CEIP de Melide Nº1

Neste 2023, o CEIP de Melide Nº1 continúa a traballar a celebración dos diferentes Entroidos que temos en Galicia. O pasado ano centramos o traballo na figura dos Xenerais da ulla, todo un éxito. Este ano viaxamos un pouquiño máis ao sur para coñecer o Entroido de Cobres, no Concello de Vilaboa(Pontevedra), para enchernos de cores e flores coas Madamas e Galáns. Unha vestimenta moi vistosa que fará que o noso alumnado rebose de cor.

Ao final desta publlicación deixámosvos unha pequeniña mostra de como deben ser os traxes.

Por outra banda, como todos os anos, ao longo da semana de 13 ao 17 de febreiro imos seguir as consignas do Entroido, nas que cada un dos días teremos que vir con parte do traxe. Aquí vos queda de xeito máis detallado:

1.O LUNS NON O IMOS COMPLICAR, DÚAS CINTAS DE CORES EN AMBOS BRAZOS E LISTOS PARA BAILAR.

2.O MARTES SE DE GALÁN TE QUERES DISFRAZAR, CON GARABATA VIRÁS. E SE QUERES VIR DE MADAMA, XOIAS E ALFAIAS.

3.SEGUIMOS A COMPLETAR O DISFRAZ O MÉRCORES: TOCARÁ MANDIL CON CINTAS PARA AS DAMAS E MANTÓN DE FLECOS PARA OS GALÁNS.

4.O MAIS VISTOSO DO DISFRAZ, O XOVES TRAERÁS: UN SOMBREIRO DE COPA GRANDE BEN DECORADO VIRÁ. CANTAS MAIS FLORES, CINTAS E PLUMAS, MAIS BONITO QUEDARÁ.

5.O VENRES VESTIDOS DE BRANCO VIRÁN E NO TORSO, PANO CRUZADO OU PEITORIL POÑERAN PARA ASI ACABAR O TRAXE DE REMATAR.

AGRADECEMOS MOITO A VOSA COLABORACIÓN.

 

   

 

 

Tamén, para poñernos máis en contexto, deixámosvos unha pequena reportaxe sobre o Entroido de Cobres que nos pode servir para coñecer un chisco mellor este interesante entroido.

Entroido de Cobres

 

 

Xogos Populares e Tradicionais no noso centro

Desde o Equipo de Dinamización da Lingua Galega deste centro estamos a fomentar o uso de xogos populares e tradicionais nos tempo de lecer. Aquí vos deixamos un enlace para poder ver un extenso catálogo que se nos proporciona desde o Observatorio do Patrimonio Lúdico. Á súa vez, tamén poderemos descargar a App dos xogos tradicionais nos nosos dispositivos móbiles para que poidamos desfrutar cos cativos en calquera momento. A App está dispoñible tanto para os dispositivos iOS(iPhone/iPad) coma para Android(resto de dispositivos agás Huawei).

 

Xogos Populares e Tradicionais

Reserva de praza para 1º E.S.O. do alumnado de 6º Educación Primaria

Como reza o título desta entrada, ábrese o prazo de reserva de praza do alumnado de 6º Educación Primaria no IES para o 1º curso de E.S.O. 

Para unha información máis pormenorizada, podedes clicar AQUÍ e poder ver un documento informativo.

Menú Comedor Escolar Xaneiro 2023

Como cada mes, aquí vos deixamos o menú do noso comedor escolar.

Felicitación Nadal 2022

Desde o CEIP Nº1 de Melide desexamos a toda a comunidade educativa unhas boas festas e moita saúde. 

 
Vémonos á volta !!!

Vídeo sobre a Violencia de Xénero

O pasado mes de novembro, parte do alumnado de 6º de Educación Primaria ideou o guión e rodou un vídeo no que se quería plasmar o punto de vista que eles e elas teñen sobre un problema que, desgraciadamente, está moi presente na nosa sociedade.

Menú Comedor Escolar Decembro 2022

Como de costume, aquí vos deixamos o menú do comedor escolar para o mes de Nadal.

Sesións de cine e teatro coeducativo

O pasado luns e martes desta semana tivemos no centro unhas sesións de teatro e cine coeducativo para o alumnado de educación Infantil. Aquí tendes unha pequena mostra.

25N: Día Internacional Contra a Violencia de Xénero

No día de hoxe conmemorouse esta data, como todos os anos, con solemnidade e respecto ás persoas que día a día teñen que pasar polo calvario de ser vítimas desta violencia. Durante o acto celebrado neste día poidemos visionar unha curtamentraxe que o alumnado de 6º de Educación Primaria grabou duranto o pasado mes de outubro. Tamén se cantou a canción "Loba" de Rozalén e gardouse un minuto de silencio honrando ás vítimas desta lacra que nos acompaña día a día.

Distribuir contido