Orientación

Como xa vén a ser costume, o día 3 de decembro celebramos no noso centro o Día das Persoas con Discapacidade. Este ano o lema utilizado foi "Tod@s baixo o memso paraugas" co cal desde o noso centro queremos simbolizar que todos somos iguais independentemente das nosas capacidades e sen limitacións. Para eso, ao longo destes días, desenvólvense actividades dentro do horario escolar sobre esta temática a través do visionado de curtametraxes e actividades de carácter manipulativo.

Ademáis, decoráronse os corredores con paraugas que cada grupo visitara e reflexionará sobre a importancia de conmemorar esta data que avoga por convivir dentro do respecto.

O pasado luns, 20 de novembro, o profesorado do CEIP de Melide Nº1, do CEIP Plurilingüe de Toques e do CEIP de Arcediago, recibiu unha sesión de formación sobre o TDAH (Trastorno de Déficit de Atención e Hiperactividade). Foi unha experiencia moi enriquecedora para mellorar no noso labor como docentes de cara a afrontar a diversidade no noso alumnado.

Esta semana que remata vimos de finalizar a decoración do espazo lúdico que xa estamos desde principios do presente curso usando de xeito ininterrompido como alternativa ao patio tradicional. Non queremos deixar pasar esta ocasión para agradecer a colaboración da ANPA do centro para ter este fermoso mural a prol da igualdade en todos os espazos do centro.

Ao longo do xa case rematado curso 2022-2023, o noso centro e a súa comunidade educativa tiveron como principal centro de interese mellorar a convivencia entre os seus integrantes. Desde o  Departamento de Orientación levouse a cabo un Plan de Formación Permanente do Profesorado (PFPP) no que se incidiu na posta en práctica dun cambio dos espazos de lecer dos que dispón o centro.

Nos tempos que corren, tempos nos que a tecnoloxía ten unha ampla presenza nos momentos de lecer das nosas crianzas, e en consecuencia mérmanse as súas habilidades sociais e de convivencia, desde o centro considerouse que era necesario fomentar dinámicas de xogo onde prime máis a colaboración que a competitividade, a creación máis que o elaborado. 

Neste PFPP o profesorado centrouse na creación de xogos e xoguetes elaborados con materias que nos dá a propia natureza, tamén na recuperación de xogos tradicionais e populares.

Para implementar estes aspectos, desenvolvéronse sesións de formación levadas a cabo pola Asociación Galega de Xogos Populares e Tradicionais(AGXPT) da man do seu ilustre estudoso da materia e benquerido profesor do noso IES de Melide, Paco Veiga. Tamén, dentro destas sesións tivemos o gusto de aprender con José Manuel García Fernández, lourenzán e estudoso dos xogos e xoguetes elaborados con cousas que a natureza nos proporciona.

Cómpre salientar tamén a habilitación dun novo espazo nas instalacións no que o alumnado pode xogar de xeito organizado a xogos de mesa, manualidades, tenis de mesa, … Neste terceiro trimestre usouse de forma esporádica, pois estaba en proceso de creación, sen todo o material aínda dispoñible. 

Para complementar este cambio, tivemos a aportación do Equipo de Biblioteca que propuxo a creación dos carros de libros. Estes carros saen nos tempos de lecer ao patio para que calquera alumno/a poida ler ao aire libre sen ter que desprazarse á Biblioteca do centro.

Este material está organizado por niveis e os propios nenos e nenas colaboradores/as da Biblioteca encárganse de sacar e levar de volta ao seu sitio.

Por outra banda, e non menos importante, temos que amosar a nosa gratitude á inestimada colaboración do profesorado e alumnado do Ciclo Medio de Madeira do IES de Melide, que elaboraron no seu obradoiro o material de xogo dos que o centro poderá dispor a finais deste curso.

Grazas infinitas por esta colaboración, pois os nenos e nenas do noso centro poderán mellorar a súa calidade de xogo, ademais de diversificala cara modelos de lecer máis favorables á convivencia e o respecto entre eles/as.

Por último, non podemos tampouco esquecer a sempre inestimada e constante predisposición da ANPA para colaborar en todo o que se propuxo, pois sen dúbida é un pilar importantísimo na nosa comunidade educativa para trasladar ao alumnado todos estes valores alén dos muros do centro.

O 2 de abril celébrase o Día Mundial de Concienciación sobre o Autismo, unha data instaurada por Nacións Unidas para visibilizar ás personas con trastorno do espectro autista (TEA) e contribuir a promover o exercicio efectivo dos seus dereitos.

Dende o noso Centro queremos unirnos a esa reivindicación e por iso,nestes días se estuvieron a realizar símbolos de ♾️ co alumnado e , no día de hoxe, traballamos nas distintas titorías o visionado de curtas,contos e videos sobre diversidade, inclusión e de concienciación sobre o TEA Dende o noso Centro queremos unirnos a esa reivindicación e por iso,nestes días se estuvieron a realizar símbolos de ♾️ co alumnado e , no día de hoxe, traballamos nas distintas titorías o visionado de curtas,contos e videos sobre diversidade, inclusión e de concienciación sobre o TEA.

Ademáis de encher o noso Centro de infinitos diversos!!

E cal é o porqué destes infinitos?

O símbolo do infinito colorido está fortemente ligado coa descrición propia do termo autismo. O autismo non é lineal, senón un espectro, unha condición diversa. Este infinito coa gama de cores do arco da vella amosa esa gran diversidade e singularidade.

Animámosvos a participar desta iniciativa dende os vos fogares enchendo fiestas, portas...de infinitos decorados polos vos pequen@s

Máis Info AQUÍ

Desde o Dpto. de Orientación do noso centro levouse a cabo unha inciativa en prol de celebrar o Día Mundial do Síndrome de Down. Coa sempre presente intención de educar desde a diversidade, pediuse ao alumnado, profesorado e persoal non docente sumarse a traer nese día calcetíns desparellados como símbolo da diferenza dentro da igualdade. Aquí deixamos unha mostra, ademais do mural que estivo nese día colocado na entrada do centro.

Acceso á Aula Virtual do Departamento de Orientación.