1º Curso

Luns 22 de xuño de 2020

Chega o verán e con el... un novo aniversario na clase de 1.º de Primaria. Hoxe XABI celebra o seu día. Esta é a preciosa felicitación que lle fixemos entre todos/as!

 F E L I C I D A D E S !!!

Luns 15 de xuño de 2020

Xa sabedes que cando rematamos un trimestre, sempre facemos unha portada para arquivar as fichas realizadas.

Na bolsa que recollestes a samana pasada no colexio tedes todo o material necesario para facela. Así que, imos alá!

Instrucións:

1.º XELADO:

Coloreade ou pintade a galleta do cucurucho e as tres bólas dos sabores que queirades. Podedes empregar: ceras duras, ceras brandas, rotuladores ou témperas. Ao rematar, recortádeo ben e pegádeo na cortolina rosa. Pode ir vertical ou un pouco inclinado para o lado que vos guste.

2.º TARXETA CO NOME:

Poñede o voso nome na tarxeta e decorádea como queirades. Recortádea e pegádea ao lado do xelado, na parte baixa da cartolina rosa.

3.º CEREIXAS:

Imos poñer unhas cereixas pola parte baleira da cartolina. Como as facemos?: pegamos 2 gomets circulares vermellos un ao lado do outro. Cortamos un gomet rectangular polo medio e saen os 2 rabiños. Pegámolos enriba das cereixas, xuntando os extremos de arriba para que as cereixas queden unidas. Podedes facer todas as que queirades.

Ao rematar, facédeslle unha foto vistosa e enviádesma por email a:

profeolallanantes@gmail.com

O último día para enviar é o venres 19 de xuño.

Non vos esquezades que publicarei todos os traballos recibidos.

Van quedar unhas portadas preciosas!!!

A profe Olalla

Luns 8 de xuño de 2020

Bos días!!!:

Xa non queda case nada para que remate este curso tan diferente. Como hai nenos/as da clase que estarán de aniversario nos meses de xuño e agosto, imos realizar, como fixemos ata agora, unha  FELICITACIÓN DE ANIVERSARIO colectiva desde a distancia para cada un/unha deles/as.

Instrucións:

1. Escribides un só email cunha mensaxe para cada neno/a que está de aniversario e enviádesllo á profe. Podedes poñelo así:

• Mensaxe para Xabi:
• Mensaxe para Alba:
• Mensaxe para Joel:
• Mensaxe para Sabela G.:
• Mensaxe para Hugo:

2. Os nenos/as que cumpren anos escriben un email coas mensaxes para os outros compañeiros/as e o agradecemento polas felicitacións. Tamén llo envían á profe.

3. A profe fai unha montaxe moi bonita con todas as achegas.

4. A profe envía as felicitacións e publícaas para que todos/as a vexades.

O procedemento é o mesmo que ata agora. A única diferencia é que en lugar de enviar un email cunha soa mensaxe escrita, hai que enviar un email con 5 mensaxes a:

profeolallanantes@gmail.com

A data límite para facer o envío é o venres 12 de xuño.

É importante que participedes TODOS/AS para que a felicitación estea completa.

Agardo as vosas mensaxes!

A profe Olalla

Mércores 3 de xuño de 2020

Bo día a todos/as!!!! Que tal estades? Desexo que vos atopedes mooooooooi ben!!!

Imos alá coa actividade colectiva. Co mes de xuño chega a "Semana da Arte", unha proposta dirixida a todo o alumnado que levamos desenvolvendo no centro desde hai uns anos.

As circunstancias especiais nas que nos atopamos fai que teñamos que cambiar a súa organización, pero vai ser igual de interesante e moi divertida!

Trátase de que intentedes recrear unha obra de arte mediante composicións coa vosa figura e diferentes materiais e obxectos que teñades pola casa. Non fai falta facer composicións grandes nin complicadas. O importante é que participedes e poidamos gozar coas vosas creacións.

No seguinte enlace tedes as instrucións:

https://www.edu.xunta.gal/centros/ceipnantes/node/1857

Non esquezades facer os envíos á profe Isa:

clase.segundo.nantes@gmail.com

Seguro que coa vosa imaxinación e creatividade saen obras fantásticas!!!

Espero ver as vosas achegas.

A profe Olalla.

Luns 25 de maio de 2020

Esta semana propóñovos como actividade colectiva que participedes nunha proposta moi interesante organizada polo Equipo de Dinamización da Lingua Galega do noso colexio.

Chámase #DígochoEu. Podedes ver en que consiste na páxina de inicio da web ou clicando aquí.

Nesta ocasión debedes mandar as vosas achegas ao email da profe Bea, de 4.º de Primaria:

cuartonantes@gmail.com

Seguro que aprendedes moito e o pasades xenial gravando os vosos vídeos!

A profe Olalla