Luns 8 de maio de 2017
Os alumnos e alumnas de Infantil e 1.º e 2.º de Primaria, acompañados das nosas titoras, fomos ao Pazo da Cultura de Pontevedra a visitar a exposición: "Imaxinar a educación. 50 anos con Frato".
Frato é o alter ego de Francesco Tonucci, un coñecido pedagogo italiano que reinvindica sempre, a través dos seus libros e viñetas humorísticas, o sobrecargados que están os nenos e nenas de hoxe en día de xoguetes comerciais, videoxogos e tecnoloxía, aspecto que os priva de desenvolver a imaxinación e a creatividade propias da infancia. Tonucci sempre recorda que os seus xoguetes preferidos eran unha caixa de cartón, a cal imaxinaba que se convertía en millóns de cousas distintas, e un cabalo de papel, co que xogaba a facer carreiras de sopridos cos seus irmáns.
Nesta exposición, están moi presentes esas viñetas tan características de Tonucci e as caixas de cartón.
Pero especialmente, descubrimos unha gran zona de recreo na que experimentar coas mans, observar, explorar, mancharse, xogar e aprender.
Para iso, durante a visita, repartíronnos en dous grupos:
- 1.º e 2.º de Primaria: realizamos construccións de madeira e experimentamos con elementos da natureza.
- Infantil: tamén experimentamos coa auga, area... e xogamos cunha balanza e con xoguetes feitos de caixas de cartón.
Podedes ver a saída completa premendo en calquera das fotografías.