Comedor/ Madrugadores

SERVIZO DE MADRUGADORES E DE COMEDOR

Mar, 07/02/2023 - 00:10 — 0

DENDE O CONCELLO DE SANTIAGO FANNOS CHEGAR A SEGUINTE INFORMACIÓN

NOTA INFORMATIVA SOBRE O SERVIZO DE MADRUGADORES E DE COMEDOR

A partir de agora o cobro dos recibos deste servizo será realizado directamente polo Concello de Santiago (desde o mes de xaneiro e sucesivos) e neste proceso segue a colaborar a empresa adxudicataria do Servizo.

Todas as persoas usuarias deben contar cun número de conta bancaria (non se admitirán transferencias), onde efectuar o cargo correspondente.

A partir do 1 de febreiro iníciase un novo contrato do servizo, coa mesma empresa que xa o está prestando actualmente – Alimentación Saludable Gallega S.L.”. Os prezos tanto de comedor como de madrugadores serán os mesmos para as persoas usuarias.

Seguirá en funcionamento a aplicación APP ColeChef, de comunicación bidireccional donde se pode consultar a programación diaria de menús, a información nutricional e realizar as xestións de contratación dos servizos (altas e baixas).

O Departamento de Educación. Concello de Santiago

Aberto prazo de matrícula para o comedor escolar do centro dependente do Concello de Santiago

Mar, 09/08/2022 - 12:05 — 0

O Concello de Santiago abre o prazo de inscrición no servizo de comedor e madrugadores

O Concello de Santiago informa que xa está aberto o prazo para inscribirse no servizo de comedor e/ou madrugadores na rede de centros públicos de educación infantil e primaria do Concello de Santiago de Compostela, para o curso escolar 2022-2023.

Divídese en dúas modalidades: as novas incorporacións, que teñen de prazo ata o día 29 de agosto (incluído) para formalizar a inscrición; e as familias que durante o curso pasado fixeron uso do servizo, que quedan incorporadas automaticamente.

As solicitudes presentaranse segundo o MODELO ED001 EDUCACIÓN (dispoñible na sede electrónica do Concello) ben por medios electrónicos ou de xeito presencial, no Rexistro xeral do Concello de Santiago (Rúa Presidente Salvador Allende 4, Galeras) ou en calquera das formas previstas no artigo 16.4 da Lei 39/2015 do 1 de outubro, de procedemento administrativo común das Administracións Públicas.

MÁIS INFO:

IMPRESO DE MATRÍCULA 2022-2023

INFORMACIÓN APP COMEDOR XIXIREI

Páxina Web do Concello co contido

1 adxunto

Datos xerais do comedor escolar

Lun, 28/02/2022 - 17:59 — 0

Comedor Xixirei

O CEIP Mestre Rodríguez Xixirei conta con servizo de madrugadores e comedor xestionado polo Concello de Santiago.

O horario de madrugadores é de 07:30 a 08:50 e o do comedor de 14:00 a 16:30.

Se precisa poñerse en contacto coa persoa encargada pode chamar en horario de 07:30 a 10.00h e de 13:30 a 17:30h.

Teléfono de contacto: 638 261 526 Nacho

Fóra de ese horario contactar co coordinador Ángel Castro no tlf: 686959826

Correo electrónico: ceiprodriguezxixirei.vig@alimentacionsaludablegallega.com

Para cambios de modalidade e non asistencias: atencioncomedorsantiago@alimentacionsaludablegallega.com

Para incidencias, suxerencias ou queixas con respecto ao servizo de comedor, por favor, escriban ao enderezo: atencioncomedorsantiago@alimentacionsaludablegallega.com

ABERTO PRAZO DE MATRÍCULA DENDE O 5 AO 29 DE AGOSTO

IMPRESO DE MATRÍCULA 2022-2023

INFORMACIÓN APP COMEDOR XIXIREI

Páxina Web do Concello co contido

2 adxuntos

PROTOCOLO PARA A RECOLLIDA DO ALUMNADO USUARIO DO SERVIZO DE COMEDOR DE XANTAR.

Lun, 20/09/2021 - 12:09 — 0

PROTOCOLO PARA A RECOLLIDA DO ALUMNADO USUARIO DO SERVIZO DE COMEDOR DE XANTAR.

A partir desta semana, crearanse tres quendas de recollida no tempo de custodia do comedor:

1ª quenda: Dende as 15:15 ás 15:30

2ª quenda: Dende as 15:45 ás 16:00

3ª quenda: dende as 16:15 ás 16:30

As familias deben notificar ó coordinador do servizo en que quenda irán a recoller a súa crianza, para unha mellor organización do servizo.

Moitas grazas pola súa colaboración.

Ángel Castro

Coordinador Xeral

INFORMACIÓN IMPORTANTE PARA OS USUARIOS DO COMEDOR

Ven, 10/09/2021 - 13:52 — 0

PRAZO EXTRAORDINARIO PARA A ALTA, REXISTRO E A CONTRATACIÓN A TRAVÉS DA APP COLECHEF DOS SERVIZOS DE MADRUGADORES E DE COMEDORES ESCOLARES PARA O MES DE SETEMBRO.

INFORMACIÓN ENVIADA POLO CONCELLO

Poñemos no seu coñecemento que dende hoxe ata o domingo, 12 de setembro ás 16 h. as familias que non teñan solicitados os servizos de madrugadores e comedores para o mes de setembro na APP Colechef e que o necesiten, poderán contratar estes servizos para o mes de setembro.

É moi importante informarlles ás familias que non é suficiente estar inscrito como solicitante de beca (en servizos sociais) ou solicitante de comedor (no Departamento de Educación)se non está dado de alta, rexistrado e contratado os servizos na APP ColeChef. Rematado este proceso na APP, recibirán como resultado unha mensaxe no correo electrónico facilitado na citada plataforma.

Toda a información sobre o proceso de matrícula nos servizos de madrugadores e de comedores está disponible na web municipal www.santiagodecompostela.gal <http://www.santiagodecompostela.gal/> pero tamén o achegamos en documento adxunto para facilitar a súa difusión.