Secretaría

Estimadas familias:
Comunicámoslles que se confirmaron 4 casos nesta fin de semana (2 o sábado e 2 o domingo) da Covid-19 no centro educativo ao que acoden os seus fillos. Tras realizar o estudo de contactos no centro, NON foi identificado/a como contacto estreito, polo que, agás as dúas aulas corentenadas, os alumnos poden seguir acudindo ao centro, extremando as medidas de precaución e vixiando a aparición de síntomas compatibles coa Covid-19.
Poden consultar máis información en
https://www.edu.xunta.gal/portal/sites/web/files/modelo_carta_educovid_2020_09_29.pdf

Estimadas familias.
Detectouse un caso de positivo da COVID-19 nunha persoa pertencente a comunidade educativa do colexio.
O equipo COVID activou o protocolo establecido e comunicou a situación á Consellería de Sanidade.
Seguindo indicacións das autoridades sanitarias os pais da aula afectada foron avisadas e de maneira preventiva,  non deberán enviar aos alumnos ao centro nos vindeiros días. O Centro de Seguemento de Contactos (CSC) poñerase en contacto coas familias coa finalidade de facer un seguemento do caso e daranlles indicacións do proceso a seguir, que probablemente será de confinamento domiciliario.
O resto do alumnado doutras aulas e cursos do centro virá coa normalidade que a situación actual esixe: extremando as medidas de alerta, hixiene e distanzamento.
Desde o colexio nestes momentos queremos transmitir moito ánimo a todas as familias.
Un saúdo.
A dirección do centro.

Imaxe Regreso a la escuela por un nuevo concepto de estilo de vida normal. freepik. Autor: user 11158201

O venres 13 de novembro saiu publicada a Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados  no curso 2020/21 (código de procedemento ED330E)

ALUMNADO DESTINATARIO
Alumnado matriculado en educación primaria, educación secundaria obrigatoria e educación especial:
a) Non ten que presentar solicitude:
O alumnado beneficiario da axuda de material escolar no curso 2020-2021. Porque é beneficiario directo e recibirá as máscaras directamente.
b) Ten que presentar solicitude:
O alumnado que non foi beneficiario da axuda de material escolar no curso 2020-2021 que cumpra algunha das seguintes condicións:

• Que pertenza a unha familia cunha renda per cápita igual ou inferior a 6.000 €.
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

SOLICITUDES PARA ALUMNADO NON BENEFICIARIO DA AXUDA DE MATERIAL ESCOLAR
Poderán solicitarse dende o 14 ata o 27 de novembro no centro educativo con cita previa.

Teléfono do centro: 981 26 26 12

* Coa solicitude acompañarase fotocopia do libro de familia

**Lembramos que o horario da Secretaría do centro é de luns a venres de 9 a 13:30 h. e as tardes do luns de 16 a 18 h.

Publicidade: No taboleiro do centro o luns 30 de novembro publicarase a listaxe de beneficiarios das máscaras.
O reparto das máscaras realizarase no mes de decembro. Informarase do procedemento os vindeiros días.

Haberá solicitudes a disposición das familias na conserxería do centro.

Acceso á publicación no DOG

Información na SEDE ELECTRÓNICA da Xunta de Galicia

Modelo de solicitude (galego)

Desde o día de hoxe, venres 3 de xullo están publicadas no taboleiro de anuncios situado no interior do centro as listaxes provisionais do fondo de libros. O prazo para reclamar a estas listaxes é de  2 días (6 e 7 de xullo). O vindeiro mércores, día 8 de xullo publicaranse as listaxes definitivas.

As persoas solicitantes poderán acceder por vía electrónica ao seu expediente, a través da aplicación Fondolibros  (https://www.edu.xunta.es/fondolibros/), empregando a Chave 365 ou certificado dixital da Fábrica Nacional de Moneda e Timbre.

A entrega de vales para adquisición de libros de texto para 1º e 2ºEP e/ou material escolar (de 1ºEP a 6ºEP), será entre o luns 13 de xullo e o venres 17 de xullo en horario de 10 h a 13 h. na secretaría do colexio.

As familias que non recollan os vales nesas datas, terán que esperar ao mes de setembro para recollelos.

Listado de libros de texto para o vindeiro curso escolar 2020/2021

Accedese ao listado facendo clic na seguinte imaxe