Secretaría

Luns, 15 de marzo, a partir das 16 h.

Emprazamento: Comedor escolar do centro (edificio administrativo)

Cada alumno deberá asistir acompañado por un adulto responsable.

As alumnas e alumnos de 4º de Educación Infantil entrarán pola porta da aula de 4º C (Profesora Alejandra), atravesando o pequeño patio de 4º de Infantil e sairán pola porta principal do edificio administrativo.

(**) As alumnas e alumnos de 4º A non terá que facer a proba ao estar en confinamento domiciliario.

O alumnado de 5º e 6º de infantil, que a diario accede pola rampla do pavillón, entrará polo portalón grande (usado a diario polas alumnas e alumnos de 1º ata 4º de primaria) e agardará mantendo as distancias no patio cuberto de primaria, accederá ao comedor e sairá pola porta principal do edificio administrativo.

As alumnas e alumnos de educación infantil usuarios do servizo de comedor, por mor da desinfección do comedor, deberán ser recollidos o luns ás 15 h. polo portalón do patio de infantil de 3 anos.

É moi importante a rigurosa puntualidade para non producirse aglomeracións nin demoras na entrada e na realización da proba, xa que o persoal sanitario atópase moi estresado nestes momentos e deberá acodir despois a outros emprazamentos.

Ao longo do percorrido estarán acompañados por persoal do centro, para calquera indidencia que poidera producirse.

A realización desta proba non é obrigatoria, polo que aquelas familias que non queren que o seu fillo ou a súa filla a realice, deberán comunícalo ás titoras ou ao centro antes de mañán luns.

Como xa lles informaron da ANPA do centro, as actividades extraescolares dos alumnos de infantil quedan suspendidas o luns 15 de marzo, pola realización desta proba.

Disculpen as molestias ocasionadas e moitas grazas pola súa colaboración.

A dirección do centro.

Horarios:

16:00 h. 4º B (aula da profe Diana)

16:10 h. 4º C (aula da profe Alejandra)

16:20 h. 5º A (aula da profe Nuria)

16:30 h. 5º B (aula da profe Andrea)

16:40 h. 5º C (aula da profe Fátima )

16:50 h. 6º A (aula da profe Maite)

17:00 h. 6º B (aula da profe Lis )

17:10 h. 6º C (aula da profe Sonia)

Hoxe, 28 de xaneiro, celébrase o Día Internacional da Protección de Datos, data proclamada en 2006 polo Consello de Europa co obxectivo de informar e concienciar sobre os dereitos e obrigacións en materia de protección de datos.
No ámbito europeo, a norma que garante a protección das persoas físicas no que respecta ao tratamento dos seus datos persoais e á libre circulación destes é o Regulamento (UE) 2016/679 do Parlamento Europeo e do Consello, do 27 de abril de 2016 (RXPD), plenamente aplicable desde o 25 de maio de 2018.  Pola súa banda, a Lei Orgánica 3/2018, do 5 de decembro, de Protección de Datos Persoais e garantía dos dereitos dixitais (LOPDGDD) adapta a lexislación española ao devandito Regulamento europeo.
A continuación exponse o que a citada lexislación considera “datos persoais”, as diferentes categorías de datos persoais que podemos atopar e a protección que se brinda a estas, así como as actividades consideradas “tratamento” de datos persoais e, polo tanto, suxeitas á normativa vixente.
Que é un dato persoal?
Os datos persoais son calquera información referente a persoas físicas identificadas ou identificables.
Pode ser identificable toda persoa cuxa identidade poida determinarse mediante un identificador (por exemplo, un nome, un número de identificación, datos de localización ou un identificador en liña) ou mediante o uso dun ou varios elementos propios da identidade física, fisiolóxica, xenética, psíquica, económica, cultural ou social.
Exemplos de datos persoais son: o nome e apelidos; o D.N.I./Pasaporte; a sinatura; a dirección de correo electrónico nominativo ou persoal; o número de teléfono; o domicilio; a dirección IP; a matrícula do vehículo; a imaxe ou voz dunha persoa; a información económica ou patrimonial; o estado de saúde física ou mental; os datos biométricos (pegadas dixitais, iris do ollo, ADN...); a ideoloxía; a información obtida da navegación na internet (cookies); etc.
A normativa en materia de protección de datos persoais non regula o tratamento de datos das persoas xurídicas, en particular as empresas constituídas como sociedades mercantís respecto ao seu nome ou razón social ou datos de contacto.
Tipoloxía dos datos persoais
Pódense destinguir, entre outros, os seguintes tipos de datos persoais:

• Datos identificativos: nome e apelidos, DNI, nº da Seguridade Social ou tarxeta sanitaria, dirección, teléfono, firma/pegada, imaxe/voz...
• Datos de natureza penal.
• Datos de infraccións e sancións administrativas.
• Datos de categorías especiais: Orixe étnica ou racial; opinións políticas; conviccións relixiosas ou filosóficas; afiliación sindical; datos xenéticos; datos  biométricos dirixidos a identificar de maneira unívoca a unha persoa física; datos relativos á saúde incluíndo posibles discapacidades e datos relativos á vida sexual ou a orientación sexual.
• Datos de circunstancias sociais: características da vivenda; situación familiar; propiedades; posesións; afeccións e estilo de vida; pertenza a clubs e asociacións; licenzas, permisos e autorizacións.
• Datos de características persoais: datos de estado civil; idade; datos de familia; sexo; data de nacemento; nacionalidade; lugar de nacemento; idioma; características físicas ou antropométricas.
• Datos académicos e profesionais: formación; titulacións; expediente académico; experiencia profesional; pertenza a colexios ou asociacións profesionais.
• Datos detalle de emprego: corpo/escala; categoría/grao; postos de traballo; datos non económicos de nómina; historial do traballador.
• Datos económico-financeiros e de seguros: ingresos, rendas; inversións, bens patrimoniais; créditos, préstamos, avais; datos bancarios; plans de pensións, xubilación; datos económicos de nómina; datos deducións impositivas/impostos; seguros; hipotecas; subsidios, beneficios; historial créditos; tarxetas crédito, etc.
• Datos de transaccións: bens e servizos subministrados pola persoa afectada; bens e servizos recibidos pola persoa afectada; transaccións financeiras; compensacións/indemnizacións; etc.

Que é un tratamento de datos persoais?
Calquera operación ou conxunto de operacións na que estean presentes datos persoais constituirá un tratamento de datos, que poderá ser manual ou automatizado (total ou parcialmente).
Constitúen un tratamento de datos persoais, entre outras, as seguintes actividades: a recollida dos datos; o rexistro; a organización; a estruturación; a conservación; a adaptación ou modificación; a extracción; a súa consulta ou utilización; a comunicación dos datos por transmisión, difusión ou calquera outra forma de habilitación de acceso, cotexo ou interconexión; a limitación e a supresión ou destrución dos datos.

Normativa relacionada:
REGLAMENTO (UE) 2016/679 del Parlamento Europeo y del Consejo, de 27 de abril de 2016 Relativo á protección das persoas físicas no que respecta ao tratamento de datos personais
Artículo 8.1. “En relación con la oferta directa a niños de servicios de la sociedad de la información, el tratamiento de los datos personales de un niño se considerará lícito cuando tenga como mínimo 16 años.” (...)
LEY ORGÁNICA 3/2018, de 5 de diciembre, de protección de datos personales y garantía de los derechos digitales
Artículo 7.1. "El tratamiento de los datos personales de un menor de edad únicamente podrá fundarse en su consentimiento cuando sea mayor de 14 años”(...)

Detectáronse no día de hoxe tres casos de positivo da COVID-19 en persoas pertencentes á comunidade educativa do colexio.

O equipo COVID activou o protocolo establecido e comunicou a situación á Consellería de Sanidade.

Seguindo indicacións das autoridades sanitarias os pais dos alumnos dunha aula de educación infantil afectada foron avisados e de maneira preventiva, os alumnos deberán permanecer nos seus domicilios un período de 10 a 14 días que será supervisado polas citadas autoridades.

Os outros dous casos detectados, comprobada a última data de asistencia destas persoas ao centro, as autoridades consideran que non xeraron contactos estreitos no centro educativo.

Como noutras ocasións recomendamos extremar as medidas de seguridade e hixiene vixentes.

Moito ánimo.

A dirección do centro.

Despois de longa espera agardando as propostas de diferentes empresas para a adquisición de máscaras para o alumnado beneficiario das mesmas, hoxe día 22 de decembro, recibimos o pack que lle corresponderá a cada alumno. Trátase de dúas máscaras de cores azul e amarelo en material reutilizable que garantiza ata 85 lavados en cada unha das mesmas, o que garantiza a súa utilidade para o presente curso escolar.