SEMANA DO ENTROIDO
Para ver todas as fotos pica na galería
XA CHEGOU O ENTROIDO!!!!!!!!!
Estabámolo esperando!!!
Xa están aquí Dona Xertrudis e Don Manuel que veñen celebrar o entroido con nós.
Como cada ano daránnos unha consigna diraria que nos librará de acabar enfariñados.
Remataremos o VENRES DE ENTROIDO cunha gran festa de disfraces.
CONSIGNAS:
LUNS: Debemos vir todos con algo orixinal na cabeza.
MARTES: Todos cun coador colgado da cintura.
MÉRCORES: Todos con mandil.
XOVES: Temos que vir todos de garavata.
VENRES: Cada un ven disfrazado da casa como quere.
DíA DA PAZ
A nosa actividade, todo o noso traballo dos últimos 25 anos (1985-2010), pretende difundir, na escola, na vida e na sociedade, que a paz é moito máis que un fermoso conto infantil, de pombas e globos...para representar cada ano a finais do mes de xaneiro, no cabodano da morte do Mahatma Gandhi.
(Manuel Dios Diz. Presidente do Seminario Galego de Educación para a Paz.)
MAGOSTO
O venres 22 celebramos O Magosto.
A primeira hora tuvo lugar o II Concurso de doces elaborado con productos de outono.
Resultaron premiados:
1º PREMIO: Pudin de pan con noces. Presentado por Yeray e Aimar Díaz Peña, de 2º e 1º de Primaria.
2º PREMIO: Tarta de chocolate con noces. Presentada por Brais García Pol, de 5º de Primaria.
3º PREMIO: Madalenas de noces. Presentadas por Xabier Crespo de 1º de Primaria.
MELLOR PRESENTACIÓN: Tronco recheo de crema de castañas con baño de chocolate. Presentado por Elena e Pablo González López , de E.I. de 5 anos e 3º de Primaria.
A partir das 12:00h. celebráronse xogos tradicionais, asáronse castañas, e logo, por suposto, comémolas, e tamén os doces.
Queremos agradecer aos pais e nais, e aos nenos e nenas, sobre todo de 5º e 6º, a súa colaboración.
Se queredes ver as fotos todas clicade aquí.
II CONCURSO DE DOCES CON PRODUCTOS DO OUTONO
O vindeiro venres día 20 de novembro celebraremos "O magosto".
O Equipo de Normalización Lingüística en colaboración con Ravertiña (que xa anda apañando castañas), convocan o "II CONCURSO DE DOCES ELABORADOS CON PRODUCTOS DO OUTONO".
Animamos a todos/as pais/nais e alumnos/as a participar neste concurso que ten como premio a satisfacción de facer as ledicias de todos os nenos e nenas cando proben os vosos doces.
A recollida de doces farase o venres a partir das 9:00h.
A degustación levarase a cabo na biblioteca por un xurado escollido entre pais e nais así como mestres que queiran participar.
Boa sorte a todos.
OS ESQUÍOS DAN A BENVIDA AO OUTONO
Nós, coma os esquíos deste vídeo, tamén damos a benvida ao outono, que agora si que parece que chegou de verdade.
Esperamos que vos guste.
Dance of the Seasons from joe daniels on Vimeo.
A MOCHILA VIAXEIRA
Hoxe comeza a súa andaina A Mochila Viaxeira.
Viaxará por todos os fogares compartindo momentos de lecer e diversión coas familias.
LIBROS DE TEXTO 2009-2010
GRATUIDADE SOLIDARIA
O Goberno decidiu que variará o seu programa de gratuidade de libros de texto, así implantará neste curso o novo programa de GRATUIDADE SOLIDARIA, baseado en bolsas de axuda, que substituirá progresivamente ó modelo de préstamo vixente.
Os cursos que se ven afectados por este cambio serán 1º, 2º, 5º e 6º de primaria.
Os cursos de 3º e 4º de primaria seguirán disfrutando do sistema de préstamo cos lotes de libros que hai no centro.
O prazo para solicitar as axudas será do 1 ó 30 de setembro.
Os formularios pódense cubrir na rede, imprimilos e traelos ó centro impresos xunto coa documentación.
Pódese consultar toda a información relacionada co programa de GRATUIDADE SOLIDARIA (plazos, documentación, cuantía das axudas, descargar formularios de solicitude,...) no seguinte enlace:
Mamá Cabra
Fomos ao Auditorio a ver unha actuación do grupo musical "Mama Cabra". Cantamos, bailamos e pasámolo moi ben como se pode ver nas fotos que atoparedes na "galeria".
- « primeira
- ‹ anterior
- …
- 16
- 17
- 18
- 19
- 20
- 21
- 22
- 23
- 24
- seguinte ›
- última »