O prazo de solicitude de matrículas para o curso 2022-2023, é do 1 ao 21 de marzo.

Video das nenas e nenos do CEIP Plurilingüe Inmaculada cantando para celebrar o Día de Rosalía de Castro

Ed. Infantil

Ed. Primaria

Ed.Primaria

Ed.Infantil

Estimadas familias, o vindeiro 28 de xaneiro celebraremos o DÍA DA PAZ no centro seguindo as medidas e protocolos establecidos pola administración educativa.

A celebración consistirá en dúas actividades:
-    Lectura dun manifesto e canto dunha canción durante a xornada escolar.
-    Decoración dos andares do centro cunha manualidade.

Para esta última actividade solicitamos a implicación voluntaria das familias para realizar a manualidade, que consistirá en facer grullas de papiroflexia (origami) seguindo a lenda de orixe nipón “As mil grullas” , o centro facilitará  folios de cor ao alumnado, e poderanse aportar todas as que desexen.
Poderán traelas ata o día 27 de xaneiro.

TITORIAL ED.INFANTIL, 1º e 2º DE PRIMARIA

TITORIAL 3º a 6º de PRIMARIA

Un cordial saúdo.

O Ministerio de Sanidade vén de publicar os novos protocolos de xestión epidemiolóxica en centros educativos.

Destacamos a continuación os aspectos principais a ter en conta:

• As persoas da comunidade educativa que sexan caso confirmado deberán permanecer 7 días en illamento. Pasado este tempo, e sempre que non tivera síntomas durante cando menos os 3 últimos días, poderá incorporarse ao centro, mantendo unha vixilancia activa sobre a aparición de posibles síntomas ata completar polo menos 10 días desde o inicio do illamento.

Nin o alumnado, nin o persoal do centro, en ningún caso require de proba algunha para reincorporarse ao centro.

• Os autotest non requirirán dunha proba complementaria para confirmar o caso.

• A definición e contacto estreito non variou: persoa que pasa máis de 15 minutos a menos de 2m dun caso positivo ata as 48h antes da consideración de inicio da enfermidade (inicio de síntomas ou toma de mostra para proba diagnóstica) sen uso axeitado de medidas de protección (máscara).

• O persoal docente e non docente, así como o alumnado de 12 ou máis anos, que teña a consideración de contacto estreito seguirá as indicacións de corentena que se propoñen para a poboación xeral de acordo á Adaptación da Estratexia de detección precoz, vixilancia e control, publicada o día 30 de decembro de 2021. Así, as persoas con pauta vacinal completa, salvo as excepcións previstas no documento citado, non terán que facer corentena.

• No caso de alumnado menor de 12 anos, ante a aparición dun primeiro caso nunha aula e ata un total de 4, o alumnado non realizará corentena, independentemente do seu estado vacinal.

• Ante agrupacións de casos (5 ou máis casos confirmados de infección activa), seguiranse as pautas xerais para a determinación das corentenas dos contactos estreitos. Esta corentena será de 7 días desde o inicio de síntomas do último caso confirmado (sempre que non se desenvolvan síntomas durante este período).

• Os centros de educación especial considéranse contornos vulnerables e aplícaselles o indicado na Adaptación da Estratexia de detección precoz, vixilancia e control.

- Adaptación da guía de actuación ante casos COVID-19 en centros educativos (08-01-22).

- Reforzo e adaptación de medidas de prevención COVID-19 en centros educativos (08-01-22).

- Protocolo de vixilancia e control fronte ao COVID-19 no ámbito educativo (14-01-22).

Christmas carols sung by students of the C.E.I.P. Plurilingüe Inmaculada. Christmas 2021