Estimadas familias:
Hoxe remata o curso 19/20, un curso que seguro que nunca esqueceremos pola situación excepcional que nos tocou vivir. Gustaríanos darvos as gracias polo voso esforzo, implicación e adicación durante este tempo. Sabemos que non foi unha situacion doada, en moitos casos moi complicada. Nós, como centro educativo, tentamos axudar na medida das nosas posibilidades e procurar que todo o noso alumnado tivera acceso á educación a distancia, e cremos que o esforzo mereceu a pena. Somos conscientes de que esta modalidade está moi lonxe do significado que ten a educación para nós e todo o que implica, pero non nos quedou outra que adaptarnos ás circunstancias.
Pero a nosa maior admiración vai, sen dúbida, para os vosos fillos e fillas, todo un exemplo de adaptación e esforzo, a pesar de seren os grandes esquecidos desta pandemia.
Agardamos volver a vernos en setembro, nas mellores condicións posibles, e desexámosvos que pasedes unhas boas vacacións de verán.
Un agarimoso saúdo de parte de todo o equipo educativo do cole de Vilariño.
