Novas

Protocolo COVID ANPA Brexo-Lema

Preme no arquivo adxunto para ver e descargar o documento

COMEDOR ESCOLAR 2020/21

CONFIRMADAS TODAS AS SOLICITUDES PARA COMEDOR ESCOLAR

Todas as solicitudes de praza para o Servizo de Comedor quedan confirmadas. Para dar cabida a todo o alumnado solicitante e tendo en conta a normativa vixente, organizáronse dous turnos de Comedor nos que se manterán os Grupos de Convivencia Estable, repartidos do seguinte xeito:

PRIMEIRO TURNO: Educación Infantil - 14:00h

As monitoras recollerán nas portas das súas aulas ao alumnado de 4º, 5º e 6º de Educación Infantil, e o acompañará ao comedor as 14:00h. Cada grupo de convivencia estable ocupará as mesas asignadas, asegurándose de que se cumpren todas as medidas de seguridade.

PRIMEIRO TURNO CORRIDO: 1º e 2º de Educación Primaria – 14:30h

As monitoras recollerán nas portas das súas aulas ao alumnado de 1º e 2º de Educación Primaria, e o acompañará ao comedor as 14:30h, incorporándose no Comedor ao alumnado de educación infantil. Cada grupo de convivencia estable ocupará as mesas asignadas, asegurándose de que se cumpren todas as medidas de seguridade.

SEGUNDO TURNO: Educación Primaria – 15:10h (agás 1º e 2º E.P)

O alumnado de 3º, 4º, 5º e 6º de Educación Primaria, baixará ás 14:30h ata a Aula de Informática, acompañado polo persoal docente. Alí, o alumnado será ubicado polas monitoras nas súas respectivas zonas de xogo, mantendo os grupos de convivencia estable e cumprindo todas as medidas de seguridade. Ás 15:10h*, as monitoras acompañarán aos nenos/as ás súas mesas designadas no comedor.

*Na medida do posible, intentarase adiantar uns minutos o acceso ao comedor do segundo turno

Cada grupo de convivencia estable permanecerá sentado ata que todos os integrantes acaben de comer. Chegado o momento, as monitoras dirixirán aos menos e nenas á zona de xogo que lles corresponda.

HORARIO DE SAÍDA

Primeira Quenda

- De 15:00h a 15:15h: Educación Infantil + 1º e 2º Educación Primaria

- De 15:15h a 15:30h: 3º, 4º, 5º e 6º de Educación Primaria.

Segunda Quenda

- De 16:15h a 16:30h: Todo o alumnado restante

Os nenos e nenas, organizados nos seus respectivos grupos de convivencia estable, serán chamados polas monitoras para a súa entrega, sempre pola PORTA PRINCIPAL, xunto coas súas pertenzas.

Pregamos puntualidade ás familias para evitar riscos e impedir aglomeracións innecesarias. Todas podedes escoller indistintamente a 1ª ou a 2ª quenda de recollida.

Ante calquera incidencia ou emerxencia, enviade un mail a anpabrexolema2013@gmail.com ou contactade con Jardanay, S.L. no teléfono: 981 12 66 27

Podedes consultar e descargar O Protocolo Covid-19 Completo, redactado específicamente para o Comedor Escolar do CEIP Emilio González López por Jardanay, nos apartados da ANPA da web co Centro:

https://www.edu.xunta.gal/centros/ceipemiliogonzalez/

 

Podedes descargar a información en formato PDF premendo no adxunto

Banco de Libros de Texto da ANPA - Curso 2020/21

Informamos a todas as familias de 4º Ed. Primaria e 6º Ed. Primaria de que temos dispoñibles os lotes de libros de texto de préstamo para o curso 2020/21.

 

Agradecemos ás familias interesadas que remitades a SOLICITUDE cuberta ao noso correo:

 

anpabrexolema2013@gmail.com

 

Faremos a nosa entrega conxuntamente co Centro (estade atentos as novas do centro na web)

 

Preme no arquivo ADXUNTO para ver e descargar o documento:

 

 

Circular Inicio do Curso 2020/21

Preme no link adxunto para ver o documento 

Devolución do mes de marzo correspondente ao pago do 2º Trimestre

Estimadas familias, informarvos de que a partir do día 08/07/2020, as apuntadas no segundo trimestre en actividades extraescolares, veredes nas vosas contas bancarias habituais un ingreso que fixemos dende a ANPA. 

 

Ese importe corresponde á devolución do voso pago do mes de marzo. 

 

Sabede que en lugar de  calcular só os 15 días que non se impartiron no segundo trimestre polo Estado de Alarma, conseguimos encaixar as contas e vos devolvemos o mes de marzo enteiro 

 

Por favor, revisade que tendes o abono! e para calquera aclaración contactade connosco a través do mail: anpabrexolema2013@gmail.com

 

Moitas grazas! Manterémosvos ao corrente da data de inscrición nas actividades extraescolares do curso 2020/21.

CIRCULAR FIN DE CURSO 2019/20

ANPA Brexo-Lema do CEIP Emilio González López Subvenciona:

Rúa Lamelas, 21

15659 Brexo-Lema

Tlf. 881880365

anpabrexolema2013@gmail.com

 

CIRCULAR FIN DE CURSO 2019/2020

 

Estimadas familias:

Desexamos que esteades todas ben e que levarades o confinamento e a desescalada o mellor posible.

Como sabedes, remata este curso sen que as nosas nenas e nenos puideran volver ás aulas, así que

verémonos de novo o vindeiro mes de setembro. Ata entón, desexámosvos un feliz verán.

Na ANPA estivemos agardando información da Consellería de Educación para poñer en orde as nosas

prioridades e tomar as medidas necesarias de cara a “nova normalidade” que nos atoparemos o curso

que ven, pero esta información, polo momento, non está apenas definida polas Autoridades.

A continuación vos detallamos os temas pendentes relacionados coa ANPA, co fin de resolver as vosas

dúbidas o mellor posible:

 

Actividades Extraescolares e alta de familia socia:

 

A ANPA ten recollido no seu Regulamento Interno de AAEE a oferta de actividades durante o mes de xuño.

Vos informamos que no presente curso 2019/20, de xeito excepcional, a ANPA asinou o retraso desta

oferta ata o 1 de setembro 2020, debido as características especiais creadas pola COVID-19.

En calquera caso, vos adiantamos que se intentarán ofertar as mesmas AAEE do presente curso

adaptadas ás condicións (aforo máximo, lugar de celebración, condicións hixiénicas, etc.) que vaian

decidindo as Autoridades.

Deste xeito, ofertaranse as AAEE ao mesmo tempo tanto para o alumnado do Centro como para o

alumnado de nova inscrición, e no caso de ser necesario, levarase a cabo o sorteo de prazas do modo

habitual previsto no Regulamento Interno de AAEE que podedes consultar na web:

https://www.edu.xunta.gal/centros/ceipemiliogonzalez/taxonomy/term/217

Colgaremos os formularios de inscrición na web e farémosvolos chegar e vos informaremos a través do

noso Facebook (https://www.facebook.com/anpaceipemilio.gonzalezlopez/) e dos Grupos

de Whatsapp dos cursos e das actividades extraescolares xa existentes.

Se tedes calquera dúbida, queda á vosa disposición o correo: anpabrexolema2013@gmail.com que estará

operativo todo o verán.

Lembrarvos ás familias con nenas e nenos anotados en actividades no curso 2019/20, que vos faremos a

devolución nas vosas contas bancarias do pago correspondente ás actividades que non se prestaron en

marzo debido ao Estado da Alarma.

 

Comedor Escolar:

 

Confirmamos a continuidade do Servizo de Comedor Escolar ofertado pola ANPA Brexo-Lema a través da

empresa Jardanay, S.L e que estará operativo dende o inicio das clases o día 10 de setembro.

Como sabedes, dende o curso 2019/20, a inscrición ao Servizo de Comedor farase directamente a través

da web: https://jardanaycomedores.es/ A inscrición poderase levar a cabo a partir do 15 de agosto

2020.

As autoridades aínda non facilitaron as medidas ás que deberán adaptarse os Comedores Escolares, pero

tanto dende a ANPA como dende Jardanay estamos a traballar para adaptarnos a esas medidas – sexan

cales sexan – de cara a acoller todas as solicitudes e dar o servizo a todas as familias que o soliciten.

Informamos que ofreceráse a máxima flexibilidade para a asistencia, que habilitaráse o turno corrido en

caso de ser necesario (se a limitación do aforo no comedor non permite acoller todas as solicitudes) e

que habilitaráse un servizo de Comida para Levar para as familias que o prefiran.

 

No caso de ter que habilitar unha lista de espera, indicarvos que a selección de prazas farase co seguinte

criterio:

• Terá prioridade 1 o alumnado anotado no Servizo de Comedor a 13/03/2020

• Terá prioridade 2 o novo alumnado que teña irmáns inscritos no comedor a 13/03/2020

• Terá prioridade 3 o alumnado anotado ás Actividades Extraescolares ofertadas pola ANPA Brexo-

Lema no curso 2020/21.

• Se aínda fóra preciso, adxudicaranse as prazas por orde de data e hora de inscrición válida

na web de Jardanay.

Por último, recordarvos que deberiades ter xa nas vosas contas bancarias o ingreso feito por Jardanay en

concepto de devolución do servizo correspondente ao mes de marzo que non se prestou debido ao Estado

de Alarma. Comprobádeo, e se tedes calquera dúbida, contactade connosco ou directamente

con Jardanay.

 

Banco de libros de texto:

 

Cambiarán os libros de texto 3º e 5º de Primaria. Para o resto dos cursos,

poñeranse á vosa disposición os lotes de libros en setembro. Achegaremos as follas de solicitude polas

mesmas canles xa mencionadas.

 

Cheques Comedor:

 

Entregaranse os cheques co importe da axuda correspondente ao curso 2018/19

unha vez comezadas as clases xa que require da vosa sinatura. Concretaremos o prazo de recollida dos

cheques ao inicio do curso. As familias que aínda non cobrastes o cheque do curso anterior, por favor,

pasade a retiralo na oficina do Deutsche Bank da Avda. Linares Rivas de A Coruña o antes posible.

Eventos: Debida a situación suscitada pola crise sanitaria e o Estado de Alarma, quedou cancelada a

representación habitual que a ANPA celebraba no fin de curso. Intentaremos trasladar a excursión das

familias e a orla ao vindeiro, sempre que sexa posible.

 

Concello de Cambre:

 

Podedes atopar a información respecto aos campamentos de verán, uso das

instalacións deportivas e servizo de Mañanceiro e Transporte escolar contactando directamente co

Concello.

 

Agardamos aclarar as vosas dúbidas coa presente circular. Lembrade que tedes a ANPA á vosa disposición

no correo anpabrexolema2013@gmail.com e que vos manteremos ao tanto das novidades.

Moitas grazas pola vosa atención e felices vacacións.

Atentamente.

A ANPA En Brexo-Lema, a 19 de xuño de 2020

Información fin 2ª Avaliación

1.      

Enquisa Federación ANPAs de Galicia:

https://docs.google.com/forms/d/e/1FAIpQLSdplRhHfACEPOd6gvJeAyPltUEAdL3BsdQ5ytAryhooPDxOGA/viewform

Este é un pequeño formulario anónimo sobre a situación das familias en Galicia para que as ANPAs teñan unha visión inicial da situación. Se podedes e queredes participar, só tedes que ir á ligazón.

2.      

2ª Avaliación:

O Centro activou a aplicación ABALAR para que as familias poidamos coñecer as notas da 2ª avaliación. Se hai alguén que aínda non a teña instalada no seu móbil ou teña problemas coa activación, ésta é unha ligazón a un video tutorial: https://www.youtube.com/watch?v=_7SkyNklCoU Se aínda así se necesita máis axuda, pódese contactar co Centro.

AS NOTAS PUBLICARANSE HOXE 03/04/2020 ÁS 10:00H

3.      

Contacto co Centro Escolar e as Titoras:

O centro escolar está a atender consultas de todo tipo no mail: ceip.emilio.gonzalez@edu.xunta.gal  Ademáis, desde o 01/04/2020, os teléfonos 881880363, 881880364 e 881880365 están desviados ao móbil de Marisa, a Directora, que atenderá persoalmente as consultas das familias, preferentemente en horario de mañá.

Cada titora facilitou un mail ou un espazo virtual para comunicarse coas familias e o seu alumnado, todos podemos facer uso destas canles para comunicarnos con elas. Se temos calquera problema, contactaremos co Centro para solucionalo ou atopar altenativas.

 

4.      

Materias comúns: 

Na web do CEIP:https://www.edu.xunta.gal/centros/ceipemiliogonzalez/ estanse a publicar tarefas das seguintes asignaturas. Aquí vos adiantamos as ligazóns:

EDUCACIÓN FÍSICA: https://www.edu.xunta.gal/centros/ceipemiliogonzalez/system/files/Proposta%20EF%20definitiva.pdf

MÚSICA: https://www.edu.xunta.gal/centros/ceipemiliogonzalez/system/files/Reto%20cancions-1.pdf

INGLÉS: https://www.edu.xunta.gal/centros/ceipemiliogonzalez/system/files/Ingl%C3%A9s.pdf

RELIXIÓN: https://www.edu.xunta.gal/centros/ceipemiliogonzalez/system/files/Actividades%20Ana%20reli.pdf

 

5.      

Tarefas na casa e período de vacacións:

Cada titora está escollendo os contidos segundo o seu criterio. Recomendan que se leven a cabo as tarefas da casa na medida do posible. Elas están a revisar todos os días o que se traballa na casa.

Durante Semana Santa, DO LUNS 6 AO LUNS 13 DE ABRIL DE 2020, non se enviarán tarefas novas ao alumnado.

 

6.      

Novos servizos do Concello de Cambre:

CONCELLERÍA DE SANIDADE: Servizo gratuito de psicoloxía (xa en activo) para axudar na xestión das emocións: tensións, angustia, ansiedade, soidade... ou para orientar ás familias con fillas e fillos en idade escolar.

- Teléfono gratuito: 645421659 (chamada o videochamada)

- Mail: yomequedoencasacambre@gmail.com

Dispoñibles de luns a vernes de 10:00h a 13:00h y de 16:00h a 20:00h e tamén fines de semana para casos urxentes.

CONCELLERÍA DE EDUCACIÓN: Servizo de fotocopia e impresión con entrega a domicilio dos traballos escolares. As familias que non dispoñan de medios informáticos (internet, impresora, PC), poden solicitar ao concello que lle leve as tarefas impresas ao seu domicilio. Para iso, débese enviar un mail facendo a solicitude a: alcaldia@cambre.org, donde apareza o nome completo, a dirección e o teléfono, o centro escolar e o curso.

Cada XOVES, o CEIP Emilio González López actualizará a documentación para que o Concello poda facer as entregas.

Máis info nas Redes: da ANPA en FACEBOOK e de TECA en INSTAGRAM

Enlace ó Facebook da ANPA: https://www.facebook.com/?ref=logo

Para atopar o Instagram de TECA: tecabrexo 

 

MOITO ÁNIMO, FAMILIAS

NOVAS INSTRUCCIÓNS EN RELACIÓN Ó COVID-19 DA CONSELLERÍA DE EDUCACIÓN



 
Ven, 13/03/2020 - 13:56

Instrucións do 13 de marzo de 2020, provisionais dirixidas ás direccións dos centros educativos de ensino non universitario sobre a concreción das medidas a adoptar  en relación coa pandemia covid-19 para os vindeiros 14 días naturais contados dende o 16 de marzo de 2020

Xunta de Galicia. Consellería de Educación, Universidade e Formación Profesional

SUSPENSIÓN DAS CLASES POR PREVENCIÓN DE CONTAXIO POR CORONAVIRUS

Suspéndense oficialmente as clases, o mañanceiro, o comedor e as actividades extraescolares

 

Hoxe xoves 12/03/2020: a xornada transcurrirá con normalidade tanto no centro, como no comedor como nas actividades extraescolares.

 

Mañá venres 13/03/2020: a asistencia ao mañanceiro, ao cole, ao comedor e ás actividades extraescolares será voluntaria aínda que desaconséllase á asistencia.

 

A partir do luns 16/03/20 e a contar os seguintes 14 días, quedan oficialmente suspendidas as clases, o mañanceiro, o comedor e as actividades extraescolares do Emilio González López e en xeral de todos as escolas públicas e privadas de Galicia.

 

Mañá publicaranse no DOG todas estas medidas e vos faremos chegar o documento oficial. Moitas grazas

Distribuir contido