Admisión e matrícula

INFORMACIÓN SOBRE O PROCESO DE ADMISIÓN DO ALUMNADO PARA O CURSO ACADÉMICO 2024-2025

• O procedemento para a admisión do alumnado en centros docentes sostidos con fondos públicos regúlase polo Decreto 13/2022 do 3 de febreiro (DOG do 11 de febreiro de 2022) e pola Orde do 21 de outubro de 2022 (DOGdo 8 de novembro). 

• Oferta de postos escolares:

• O prazo de presentación de solicitudes abrangue dende o día 1 ata o 20 de marzo de 2024, ambos os dous inclusive. 

• O impreso de solicitude (Anexo II - formulario normalizado ED550B) será facilitado gratuitamente no centro e tamén estará dispoñible na sede electrónica da Xunta de Galicia e na aplicación “admisionalumnado” (https://www.edu.xunta.gal/admisionalumnado). 

• A presentación de solicitudes poderá realizarse de dúas maneiras:

             - NA SECRETARÍA DO CENTRO: Presentar o Anexo II na Secretaría do noso centro, xunto coa documentación requerida

          - ON-LINE,  A TRAVÉS DA APLICACIÓN INFORMÁTICA: Presentar a solicitude a través da aplicación informática admisionalumnado (https://www.edu.xunta.gal/admisionalumnado).

• No suposto de que exista máis demanda que oferta de postos escolares, abrirase un prazo de 10 días hábiles, contados a partir dos dous días seguintes ao remate do prazo, para presentar a documentación xustificativa dos criterios de baremación alegados. 

• A relación nominal de todo o alumnado admitido e non admitido, por cursos, publicarase o 25 de abril mediante listaxes ordenadas por puntuación. Esta listaxe provisional poderá ser obxecto de reclamación no prazo de 5 días hábiles contados a partir do seguinte ao da súa publicación.  

• Só se pode presentar unha única solicitude e será no centro que se solicita praza en primeiro lugar. Nesta solicitude poñeranse os centros educativos solicitados por orde de preferencia. 

• O horario de entrega e recollida de solicitudes será no horario de secretaría do centro:

            - Luns de 9 a 9.50

            - Martes, mércores e xoves de 12.20 a 13.10

            - Venres de 13.10 a 14

IMPRESO DE SOLICITUDE (Anexo II - formulario normalizado ED550B)

- Galego

- Castelán 

DOCUMENTACIÓN A PRESENTAR COA SOLICITUDE (pincha aquí)

Están publicadas as listaxes definitivas de admitidos para o curso 2023-24 no taboleiro ubicado dentro do recinto do centro. 

Nota: Todas as solicitudes presentadas foron admitidas. Recordarvos que todas as solicitudes deberán ser formalizadas no período de matrícula que abrangue do 20 ao 30 de xuño.

Seguindo instrucións da Dirección Xeral de Centros e Recursos Humanos sobre o proceso de admisión para o curso académico 2023/2024, non podemos publicar as listaxes de alumnado na páxina web nin no taboleiro exterior, en base ás recomendacións vixentes en materia de protección de datos persoais.

O proceso de admisión, para o novo alumnado, estará aberto do 1 ao 20 de marzo de 2023.

A presentación de solicitudes poderá realizarse de dúas maneiras:

1. NA SECRETARÍA DO CENTRO: Presentando o Anexo II na Secretaría do noso centro, xunto coa documentación requerida, no horario de atención especificado no documento de Información sobre o proceso de admisión.

2. ON-LINE,  A TRAVÉS DA APLICACIÓN INFORMÁTICA: Presentar a solicitude a través da aplicación informática admisionalumnado

Adxuntamos os seguintes documentos que poden ser de interese:

a. Información sobre o proceso de admisión.

b. Documentación necesaria para facer a solitude.

c. Anexo II.

De conformidade coa Orde do 21 de outubro de 2022 pola que se desenvolve o Decreto 13/2022, do 13 de febreiro, e se regula o procedemento de admisión do alumnado nos centros docentes sostidos con fondos públicos, inícianse os trámites do procedemento (código ED550A), para a reserva de praza nun centro de adscrición do alumnado que cambia de etapa.

O prazo de solicitudes abranguerá do 16 de xaneiro ao 6 de febreiro (ambos incluidos).

A consulta das listaxes de alumnado admitido, que se publicarán antes do 22 de febreiro, debe realizarse no centro no que está matriculado no presente curso ou na aplicación admisionalumnado.

IMPORTANTE: o feito de reservar praza no centro adscrito (neste caso, o IES María Sarmiento) implica que, no caso de querer, a posteriori, matricularse noutro IES, deberán darse de baixa no centro adscrito e iniciar os trámites de matrícula no outro IES

NORMATIVA: 

Decreto 13/2022, do 13 de febreiro 

Orde do 21 de outubro de 2022

IMPRESOS: 

ANEXO I