Skip to Content

CELEBRACIÓNS

Máis traballos conmemorativos. Día das Letras Galegas

Lun, 15/05/2023 - 11:54 — biblioteca

Presentamos máis traballos para conmemorar o Día das Letras Galegas.

Propostas realizadas por 2º, 3º e 4º de Educación Primaria.

PREME NA IMAXE PARA PODER VER ESTES TRABALLOS

E ... UN ANO MÁIS CHEGOU A MICRORREDE!!!

Dom, 30/04/2023 - 19:36 — biblioteca

Xa estamos na semana intensa de celebracións das Microrrede.

Aquí deixamos o cartel gañador e o programa de actos.

Non esquezades acudir ao salón de exposicións para ver os traballos que se realizaron no colexio durante todo o ano e por suposto, as diversas actividades e traballos de diversos centros da Mariña.

UNHA SEGUNDA OPORTUNIDADE PARA OS LIBROS DA BIBLIOTECA

Dom, 23/04/2023 - 13:56 — biblioteca

Na nosa intención de reutilizar os recursos do colexio e tendo en conta que celebrabamos a Semana do libro, repartimos un libro para cada alumn@ procedente da biblioteca. Esta experiencia levouse a cabo o venres día 21 de abril e hoxe 23 de abril, Día do Libro, ensinámosvos unha mostra desa experiencia.

PREME NA IMAXE PARA PODER VER O VÍDEO

The legend of: "Saint George and the dragon"

Dom, 23/04/2023 - 12:56 — biblioteca

 

 A mestra de inglés, Rosa e o axudante de conversa, JohaN, xunto cos alumn@s de 2ª de EP. prepararon a obra de teatro:THE LEGEND OF: "SAINT GEORGE AND THE DRAGON". A LENDA DE " SAN XURXO E O DRAGÓN"

Todo o colexio disfrutamos da súa magnifica representación. Noraboa a tod@s!!!

 

 PREME NA FOTOGRAFÍA PARA PODER VER O VÍDEO DA REPRESENTACIÓN.

 

 

AQUÍ TEDES AS FOTOGRAFÍAS DA MESMA OBRA

SEMANA DO LIBRO NO COLEXIO

Sáb, 15/04/2023 - 11:27 — biblioteca

Imos entrar na semana do Día do Libro ( 23 de abril), por iso a Biblioteca, aulas e equipos están preparando moitas actividades:

  • Exposición de libros novos e sobre Miguel de Cervantes: Don Quijote de la Mancha.

 

 O alumnado de 6º de Primaria realizou un programa de Radio na Biblio, sobre recomendacións lectoras.

  • Tamén faremos unhas sesións de contacontos para Infantil e Primaria nas horas de ler. As representacións estarán realizadas polo alumnado de 2º de Primaria e foron  preparadas na aula de inglés coa colaboración do auxiliar de conversa Johan.
  • Deixamos aquí o enlace á páxina especial do Día do Libro onde poderedes ver as diferentes actividades que realizamos en cursos anteriores

PREME NA IMAXE

8 DE MARZO, DÍA DA MULLER

Xov, 09/03/2023 - 18:12 — biblioteca

Para conmemorar a data do 8 de marzo, Día da Muller, propuxemos ao noso alumnado que plasmara en debuxo, fotografía, collage... á muller da súa vida, despois escribiron o nome e o motivo polo que a escolleron. 

Unha vez entregados os traballos fixemos unha pequena exposición nas ventás e entrada do colexio e así o podemos ver no seguinte vídeo.

Deixamos tamén un pequeno traballo do alumnado de 1º de Primaria

PREME NA IMAXE PARA VER O VÍDEO

HOMENAXE A ROSALÍA DE CASTRO

Xov, 23/02/2023 - 19:23 — biblioteca

Hoxe, 23 de febreiro é o día de Rosalía de Castro; para conmemorar este día realizamos un mural coas caras das nenas e nenos do colexio dentro do rostro de Rosalía, acompañados de palabras que expresaban diferentes emocións.

PREME NA IMAXE PARA VER O VÍDEO

Despois do recreo xuntámonos todos no ximnasio do colexio para homenaxear a Rosalía cun Recital Poético-Musical.

Participamos todo o alumnado e profesorado cantando todos os poemas de Rosalía  que foron musicados pola mestra de música, Marta Pérez, desde o ano 2013 ata este curso:

HAS DE CANTAR (Cantares Gallegos) (PROFESORADO)

 

PASA RÍO, PASA RÍO (Cantares Gallegos) (INFANTIL)

 

VIUDAS DOS VIVOS… (Follas novas) (5ºE 6º)

 

NASÍN CANDO AS PRANTAS NASEN (Cantares Gallegos) (3º E 4ª)

PASENIÑO, PASENIÑO (Cantares Gallegos) (1º E 2º)

“TECÍN SOIA A MIÑA TEA” (Follas novas)(TODOS)

 

 O alumnado de 5º de Primaria preparou un pequeno podcats sobre Rosalía de Castro e podedes velo no seguinte vídeo.

GRAN FESTA DE ENTROIDO

Sáb, 18/02/2023 - 10:53 — biblioteca

O venres, 17 de febreiro, o colexio encheuse de disfraces moi diversos e divertidos. Foi un día moi especial pois realizamos o xa tradicional desfile polas rúas do Chao, acompañáronnos as familias que estaban desexosos de ver desfilar ás nenas e nenos. O tempo tamén nos acompañou, lucía un sol expléndido que convidaba ao paseo.

Despois do desfile degustamos os típicos doces de Entroido: rosquillas, orellas, fereixós... Rematamos bailando e xogando ao noso xeito e pasámolo moi ben!. 

Nos seguintes enlaces podemos ver o que fixemos como preparativos para esta celebración. Tamén deixamos o vídeo do desfile.

ENTRAMOS NO ENTROIDO

ACTIVIDADES DE ENTROIDO

 

 Tamén podedes escoitar unhas entrevistas realizadas polo alumnado de 6º de Primaria durante o desfile.  O son non é moi bo pero vale moito máis a súa iniciativa. Un aplauso polo seu entusiasmo!!!

ACTIVIDADES DE ENTROIDO

Xov, 16/02/2023 - 11:31 — biblioteca

Unha semana chea de actividades:

  • Unha exposición de máscaras e elementos dos Entroidos máis característicos de Galicia
  • Exposición de Caroutas
  • Desfile dos Peliqueiros de 5º de Infantil.

PREME NAS IMAXES

 

DÍA MUNDIAL DA RADIO

Lun, 13/02/2023 - 17:46 — biblioteca

No ano 2013 a ONU aprobou a declaración da UNESCO do Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a cooperación internacional entre os organismos de radiodifusión."   SEGUIR LENDO

Este programa especial foi realizado polo alumnado de 6º de Primaria e nel falan da invención da radio e da celebración do entroido no colexio

Distribuir contido


by Dr. Radut