Skip to Content

CELEBRACIÓNS

Ningún aro sen redes. Un proxecto da Fundación Breogán

Mér, 31/01/2024 - 21:51 — biblioteca

Hoxe participamos na campaña “Ningún aro sen redes”,  un proxecto da Fundación Breogán que consiste en dotar aos centros seleccionados ( dez en toda a provincia) de redes de baloncesto artesanais, recicladas e sostibles. 

Pasámolo xenial...xogamos,coñecemos a xogadores de baloncesto e á mascota oficial do Club baloncesto Río Breogán: Máximus. 

A actividade inclúe un CONCURSO PARA O QUE SOLICITAMOS A VOSA COLABORACIÓN:

O mesmo día da instalación das redes por parte da Fundación Breogán, instalarase un contedor de reciclaxe. O material para depositar será: bolígrafos, rotuladores, fluorescentes, marcadores, portaminas, correctores (de cinta, líquido e tipo bolígrafo), plumas estilográficas e cartuchos de tinta.

A idea é recoller a meirande cantidade. O alumnado tamén pode  TRAER ese material para reciclar da casa. 

Todos a colaborar!!

Moitas grazas!!

I

Por unha Paz Global todos os días

Mar, 30/01/2024 - 19:16 — biblioteca

Hoxe celebramos un día moi especial:O día da Paz.

Xa levamos moitas xornadas preparando este acto. Entre todo o alumnado creamos, deseñamos e montamos un mural moi especial. Coas cores como protagonistas.

O alumnado de 5º e 6º preparou dúas cancións e bailes en inglés. "A friend" e "We are the world".

Creamos chapas conmemorando este día e izamos a bandeira que simboliza a unión entre centros educativos docentes da zona. Dentro do Proxecto: Microrrede A Mariña.

Todas estas actividades teñén un fin común, un obxectivo básico: A Paz empeza en nós mesmos.

Un agradecemento moi especial aos voluntarios da biblioteca do centro.

Noraboa a tod@s!!!

Clica na imaxe para poder ver o vídeo

XORNADA MICOLÓXICA

Mar, 28/11/2023 - 16:56 — biblioteca

Hoxe o alumnado do centro tivo o pracer de recibir a Luís Cuba que nos explicou todo sobre o apaixoante mundo dos cogomelos.

A maiores preparounos unha marabillosa exposición dos cogomelos máis típicos da nosa zona.

Quedamos encantados e encantadas con todo o que aprendimos das súas experiencias.

Luís ten unha canle de Youtube @luiscubalamicologia1160 onde podedes subcrivirvos e seguir as súas andainas no mundo da micoloxía.

 

 

PREME NA IMAXE PARA VER O VÍDEO

 

 

 

O alumnado de 6º de Educación Infantil e 2º de Educación Primaria están levando a cabo un proxecto micolóxico no que experimentan e observan este mundo tan interesante a través do seu "kit" de autocultivo.

Unha vez máis fomentan a aprendizaxe a través da experimentación. Noraboa a tod@s!!!

 

 

SEMANA DA CIENCIA

Dom, 26/11/2023 - 20:46 — biblioteca

Iniciamos a Semana da Ciencia coa clase de 2º de Educación Primaria.

Fixeron un experimento co que observaron as diferentes densidades dos líquidos e para iso crearon un fermosísimo Arco da Vella.

Unha bonita forma de aprender experimentando. 

PREME NAS IMAXES PARA PODER VER OS VÍDEOS

 

 

 

 

 

 

 

  PREME NA IMAXE PARA PODER VER O VÍDEO

 

 

 

 

20 DE NOVEMBRO, DÍA UNIVERSAL DA INFANCIA

Mér, 22/11/2023 - 11:22 — biblioteca

Para conmemorar o Día Universal da Infancia realizamos diferentes actividades: murais, debuxos...  e viñemos tod@s en pixama como lembranza a todos aqueles menores que  non teñen unha familia.

Foi moi divertido!!!

MAGOSTO ENTRE XOGOS

Ven, 10/11/2023 - 19:19 — biblioteca

 

Mañá intensa de xogos no pavillón para celebrar o Magosto entre risas.

Como parte da celebración do Magosto realizamos un circuíto de xogos.

Grandes e pequenos disfrutamos co acompañamento dos alumnos de sexto, que exerceron de monitores como auténticos profesionais.

Diversión e castañas a partes iguais!!

PREME NA IMAXE PARA PODER VER O VÍDEO

 

  

 

 

 

DÍA CARGADO DE ACTIVIDADES EN SAMAÍN

Xov, 02/11/2023 - 16:40 — biblioteca

Durante esta semana celebramos o Samaín cargado de actividades.

Aquí deixamos  unha pequena mostra  de cada unha delas.

PREME NA IMAXE PARA PODER VER O VÍDEO

PRESENTACIÓN DA BIBLIOTECA

Sáb, 07/10/2023 - 23:01 — biblioteca

Laura e Dylan de 3º de EP, Matías e Adriana de 4º de EP, Mateo e Paula de 5º de Ep e Julia e Hugo de 6º de EP, fixeron a presentación da biblioteca ao resto do alumnado do centro.

Fixéronno xenial!!!. Explicaron o funcionamento, os espazos, as normas, repartiron as Mochilas Viaxeiras e o resto de alumnado atendeu a todas estas explicacións.

Foi unha experiencia moi fermosa!!!

PREME NA IMAXE PARA PODER VER O VÍDEO

 

 

 

 

 

 

 

Proxecto competencial

Xov, 15/06/2023 - 00:00 — biblioteca

O alumnado de 3º de EP. levou a cabo un proxecto de Maruja Mallo impresionante, con debuxos e textos que mostraban a súa biografía.

Noraboa!!!

XORNADA MEDIOAMBIENTAL

Sáb, 10/06/2023 - 21:38 — biblioteca
O venres pasado Porto de Cleiro e Lucas Requejo organizaron unha actividade centrada no coidado dos océanos.  Esta iniciativa,  financiada pola Xunta de Galicia e o FEMP (Fondo Europeo Marítimo e da Pesca),  nace  froito do convenio de colaboración entre o CEIP de Celeiro e Porto de Celeiro S.A OPP-77 para promover actividades que contribúan a concienciar ao alumnado de Celeiro sobre o medio ambiente mariño, e o coñecemento da realidade económica e social da súa contorna e dos produtos de pesca.

 

 Nesta xornada tivemos actividades como: Coidado do medio próximo ao centro para o alumnado de E. Infantil e percorrido por Celeiro ata a praia para facer facer unha recollida de lixo para E. Primaria. Así como charlas e deseño de carteis.

O obxectivo é que sexa unha xornada lúdica pero tamén de aprendizaxe sobre o mar e a necesidade de coidar e respectar o medio ambiente.

O alumnado de 5º e 6º de Primaria está convocado a participar nun concurso onde poderán deixar voar a súa imaxinación e creatividade coa presentación dunha manualidade onde deixarán patente o que para elas e eles significa o mar. Valorase de xeito positivo a utilización de materiais de refugallo. Trátase dunha actividade onde quedará plasmada a vea artística destas pequenas e pequenos. 
 
 
 
PREME NA IMAXE PARA PODER VER O VÍDEO
Distribuir contido


by Dr. Radut