Xa podedes consultar as listaxes provisionais da relación de alumnado que se beneficiará do Fondo Solidario de libros de texto.

As listaxes están publicadas no taboleiro ubicado dentro do recinto escolar e na aplicación Fondolibros

Seguindo instrucións da Dirección Xeral de Centros e Recursos Humanos, non podemos publicar as listaxes de alumnado na páxina web nin no taboleiro exterior, en base ás recomendacións vixentes en materia de protección de datos persoais.

Xa podedes consultar a listaxe provisional da relación do alumnado que se beneficiará dos VALES para a compra de libros de texto e material escolar. 

As listaxes están publicadas no taboleiro ubicado no interior do recinto escolar e na aplicación Fondolibros

O alumnado que non apareza como beneficiario terá 2 días para presentar reclamacións.

Seguindo instrucións da Dirección Xeral de Centros e Recursos Humanos, non podemos publicar as listaxes de alumnado na páxina web nin no taboleiro exterior, en base ás recomendacións vixentes en materia de protección de datos persoais.

Hoxe comeza o prazo de matrícula para o alumnado de novo ingreso que solicitou praza neste centro ou foi remitido a el por non obter praza noutro centro educativo.

O prazo para formalizar a matrícula será do 20 ao 30 de xuño, ambos incluídos.

Para solicitar a documentación e entregar a mesma, realizarase na secretaría do centro. Tamén se pode descargar a documentación nos arquivos adxuntos.

Os documentos que se deben presentar serán os seguintes:

- Impreso de matrícula.

- Fotocopia da folla de inscrición do/a alumno/a no libro de familia.

- Fotocopia do documento de identificación do alumnado e dos pais/nais ou titores legais: DNI, Pasaporte ou Tarxeta de residencia.

- Certificado de empadroamento e/ou certificado do centro de traballo onde conste o enderezo do mesmo.

- Convenio regulador ou resolución xudicial de separación ou divorcio, de ser o caso.

- Autorizacións:

• Elección de ensinanzas.
• Recollida do alumnado (no caso de non ser recollido polos pais/nais ou titores legais).
• Uso da imaxe persoal do/a alumno/a.
• Realización de actividades previstas na Programación Xeral Anual.

- O alumnado de infantil deberá acompañar a documentación con dúas fotos tamaño DNI

NOTA: Os papeis de matrícula deberán vir firmados polas dúas persoas proxenitoras. Todos aqueles documentos que xa se presentaron no proceso de admisión, non será necesario volver a presentalos.