Hoxe comeza o prazo de matrícula para o alumnado de novo ingreso que solicitou praza neste centro ou foi remitido a el por non obter praza noutro centro educativo.

O prazo para formalizar a matrícula será do 20 ao 30 de xuño, ambos incluídos.

Para solicitar a documentación e entregar a mesma, realizarase na secretaría do centro. Tamén se pode descargar a documentación nos arquivos adxuntos.

Os documentos que se deben presentar serán os seguintes:

- Impreso de matrícula.

- Enquisa sobre o uso da lingua materna

- Autorizacións:

• Elección de ensinanzas.
• Recollida do alumnado (no caso de non ser recollido polos pais/nais ou titores legais).
• Uso da imaxe persoal do/a alumno/a.
• Realización de actividades previstas na Programación Xeral Anual.

- O alumnado de infantil deberá acompañar a documentación con dúas fotos tamaño DNI

- Certificado de matrícula do centro do que procede (só para Educación Primaria)

NOTA: Os papeis de matrícula deberán vir firmados polas dúas persoas proxenitoras.

Xa está publicada a convocatoria para a solicitude das Becas para o alumnao con NEAE para o vindeiro curso 2024-25, que abranguerá do 30 de abril ao 13 de setembro. 

Podedes consultar toda a información pinchando aquí.

INFORMACIÓN SOBRE O PROCESO DE ADMISIÓN DO ALUMNADO PARA O CURSO ACADÉMICO 2024-2025

• O procedemento para a admisión do alumnado en centros docentes sostidos con fondos públicos regúlase polo Decreto 13/2022 do 3 de febreiro (DOG do 11 de febreiro de 2022) e pola Orde do 21 de outubro de 2022 (DOGdo 8 de novembro). 

• Oferta de postos escolares:

• O prazo de presentación de solicitudes abrangue dende o día 1 ata o 20 de marzo de 2024, ambos os dous inclusive. 

• O impreso de solicitude (Anexo II - formulario normalizado ED550B) será facilitado gratuitamente no centro e tamén estará dispoñible na sede electrónica da Xunta de Galicia e na aplicación “admisionalumnado” (https://www.edu.xunta.gal/admisionalumnado). 

• A presentación de solicitudes poderá realizarse de dúas maneiras:

             - NA SECRETARÍA DO CENTRO: Presentar o Anexo II na Secretaría do noso centro, xunto coa documentación requerida

          - ON-LINE,  A TRAVÉS DA APLICACIÓN INFORMÁTICA: Presentar a solicitude a través da aplicación informática admisionalumnado (https://www.edu.xunta.gal/admisionalumnado).

• No suposto de que exista máis demanda que oferta de postos escolares, abrirase un prazo de 10 días hábiles, contados a partir dos dous días seguintes ao remate do prazo, para presentar a documentación xustificativa dos criterios de baremación alegados. 

• A relación nominal de todo o alumnado admitido e non admitido, por cursos, publicarase o 25 de abril mediante listaxes ordenadas por puntuación. Esta listaxe provisional poderá ser obxecto de reclamación no prazo de 5 días hábiles contados a partir do seguinte ao da súa publicación.  

• Só se pode presentar unha única solicitude e será no centro que se solicita praza en primeiro lugar. Nesta solicitude poñeranse os centros educativos solicitados por orde de preferencia. 

• O horario de entrega e recollida de solicitudes será no horario de secretaría do centro:

            - Luns de 9 a 9.50

            - Martes, mércores e xoves de 12.20 a 13.10

            - Venres de 13.10 a 14

IMPRESO DE SOLICITUDE (Anexo II - formulario normalizado ED550B)

- Galego

- Castelán 

DOCUMENTACIÓN A PRESENTAR COA SOLICITUDE (pincha aquí)