Este ano 2011 adicamos o Entroido á Idade Media. Así os pequenos e pequenas de Educación Infantil disfrazáronse de cabaleiros e damas, os alumnos e alumnas de 1º Ciclo, de habitantes dos bosques, Robines e Robinas dos bosques; os nenos e nenas de 2º Ciclo eran o campesiñado e os chicos e chicas de 3º Ciclo de bufóns e  e malabaristas. Paseamos ao Meco por toda Cedeira e despois queimámolo, xa que este ano, representaba aos mercados e bancos que nos asoballan e cobran uns xuros abusivos. Pero, sobre todo, pasámolo moi ben!

Este Entroido os nenos e nenas de 1º  fixemos filloas cunha receita tradicional. Trouxemos o preparado da casa e liámonos a facelas na filloeira. Hai que ver que ben nos saíron!! E o ricas que estaban!! Non quedou nin a proba!!

Este ano o tema escollido para celebrar o entroido foi o das FESTAS. Así, os de Infantil representaban a Festa da Coca (coas penlas e as burras, a danza das espadas e os cabezudos). O primeiro ciclo de Primaria ía disfrazado de Peliqueiros, un dos personaxes tradicionais do entroido galego. O segundo ciclo lembrou ao San Fermín. Finalmente, o terceiro ciclo ía co disfraz de viquingos (aludindo á festa que se celebra en Catoira).

Tamén tivemos un Meco. Este ano foi a Gripe A.

O desfile pola parroquia foi moi bonito. En varios puntos do percorrido houbo moitos espectadores, o que fixo moita ilusión aos nenos/as.

Grazas a toda a comunidade educativa por conseguir, entre todos, unha festa tan fermosa.

Se queredes ver as fotos desta celebración premede aquí.