Neste momento de volta ao cole, Entreculturas quere chamar a atención sobre a realidade de 61 millóns de nenos e nenas de todo o mundo que, ao non poder acceder á educación, carecerán de oportunidades e de ferramentas para afrontar a vida. Si ti tamén queres evitar esta inxustiza podes colaborar.    

Nestes días previos ao 30 de xaneiro, os nosos corredores están cheos de "pombas de paz". Foron realizadas polas familias en colaboración co alumnado, amosando cada unha delas unhas boas doses de creatividade. Agardemos que as mensaxes de paz calen en todos/as para conseguir unha sociedade e un mundo máis xustos.

O pasado día 25 recibimos no colexio a Marisé e María Jesús, representantes de UNICEF en Vigo.

Xuntámonos na planta baixa do colexio. Limos uns textos no que expresabamos a nosa solidariedade co pobo de Haití, duramente castigado por un tremor de terra.

As nosas convidadas faláronnos do labor que fai UNICEF e outras ONG no mundo. Entre todos/as temos que apoialos, pois loitan por mellorar as condicións de vida dos nosos semellantes.

Finalmente fixemos a entrega simbólica dun cheque por valor de 943 € que recadamos entre todos no colexio para axudar aos damnificados/as. 

Aquí podedes ver o texto que limos e unha presentación feita polos nenos e nenas de Infantil de 4 anos. Fai clic na imaxe.

Aquí podedes ver dúas imaxes do acto.