Educación Primaria

No día de hoxe, estivemos a facer unha fermosa actividade, na que o alumnado puido participar na elaboración dunha receita de cociña. 

Coa axuda dos titores/as, de Esther e da Cociñeira Ana, os alumnos/as estiveron a elaborar unhas deliciosas pizzas con ingredentes naturais. Ademáis, puideron gozar dun sabroso brownie de chocolate.

Que fame nos entrou de súpeto!

PD: deixámos máis imaxes dentro da galería, podedes acceder premendo aquí.

Traballar a paz na educación primaria é fundamental para crear unha sociedade máis responsable e respectuosa.

Os nenos e nenas son os futuros líderes e cidadáns, por iso é importante ensinarlles desde cedo valores como a empatía, o diálogo e a resolución pacífica de conflitos.

A través da educación, podemos formar xeracións máis sensibles á igualdade e á tolerancia, e axudar a construír un mundo máis xusto e harmonioso.

Traballar a paz é unha tarefa de todos, e a educación é unha ferramenta poderosa para acadala.

A continuación, compatimosvos un vídeo no que podemos visualizar o alumnado do CEIP A Castellana, conmemorando o día da Paz, a través dunha actividade que consistiu en elaborar laciños personalizados, nos que cada neno e nena escribiron unha palabra relacionada coa Paz.

No vídeo tamén podemos ver os alumnos e alumnas dicindo as palabras escritas no laciño en diferentes linguas (inglés, francés, galego e castelán).

Estes laciños arrouparon a Pomba da Paz que podemos ver na entrada do coleixo.

Hoxe compartimos con todos vós, os adornos de Nadal do colexio e uns vídeos onde poderemos ver a actuación de Nadal dos alumnos e alumnas do centro, a continuación a actuación do mago Román que nos visitou no día de hoxe coa actuación chamada "Laberinto de ilusiones", organizado polo Concello de Aranga. 

Que ben o pasamos! 

Sen dúbida, unha fermosa xornada onde toda a Comunidade Educativa se puido reunir logo de varios anos de pandemia que nos obrigaron a estar máis separados. 

Dende o equipo docente, queremos agradecer a enorme participación de todas as familias. 

A continuación compartimos un par de vídeos da xornada de hoxe no festival.

Ademáis, dende a materia de música, tódolos nenos e nenas estivemos a traballar nesta felicitación de Nadal que con moito afán e agarimo elaboramos para todos vos. 

Por último, queremos compartir con vós, 5 consellos para gozar deste Nadal. Para descubrilos, deberedes facer clic en cada unha das boliñas de Nadal. 

Agardamos que vos guste!

Para conseguir unha igualdade real é importante educar no respecto ás persoas dende pequenos.

Educar en base a valores é fundamental para lograr unha mentalidade inclusiva nos nenos, e este ensino debe entregarse tanto na escola como na familia, para formar nenos/as e mozos/as empáticos, solidarios e respectuosos das diferenzas individuais.

No día de hoxe os alumnos/as de 3º, 4,º 5º e 6º de Primaria estiveron a desfrutar dunha charla práctica e moi interactiva, na que aprendemos valores de Non discriminación e afondamos no feminismo e a igualdade de xénero, tan importante na sociedade actual.

Agradecer a participación da Cruz Vermella de Betanzos nesta actividade.

Se lles falamos aos nenos e nenas de Educación Infantil do MÉTODO CIENTÍFICO pode que non resulte interesante e significativo para eles/as… mais se nos achegamos a este a través da realización dun EXPERIMENTO, a emoción e a curiosidade están aseguradas!

Así, estas propostas xa forman parte do noso día a día na aula posto que nos permiten traballar de xeito lúdico aspectos tan importantes como a observación, a atención, o razonamento lóxico-matemático, o traballo en equipo, a expresión oral e escrita en diferentes linguas ou a motricidade fina.

A semana pasada as nosas protagonistas foron as cores… que acontecerá se poñemos caramelos de cores en auga temperada? POIS HABERÁ QUE EXPERIMENTAR E COMPROBALO: