Educación Primaria

Hoxe desfrutamos de Pako Pakolas e as súas cancións, xunto coa súa ilustradora Laura; que ao mesmo tempo que cantábamos as cancións debuxou os protagonistas das súas cancións tan marchosas.

*Nota: na galería tedes máis imaxes do día de hoxe.

 Agradecer a ANPA e o Concello pola participación na actividade.

Hoxe visitounos Paco Nogueiras, para darnos ledicia e festa a todos e todas! Gozamos con este músico, actor e contacontos todos e todas xuntos na escoliña pequena.

Pasámolo xenial, encantáronnos os contos que nos relatou. 

*Nota: na galería tedes máis imaxes do día de hoxe.

 Agradecer a ANPA e o Concello pola participación na actividade.

Hoxe veunos visitar Paco Pakolas. Bailamos e brincamos "rokeando" con Ramona Órbita.

Pasámolo en grande!

Compartimos algunha imaxe e un vídeo onde nos poderedes ver con moita marcha no corpo.

Ademáis, Paco Pakolas fíxonos un fermoso agasallo para a Biblioteca do CEIP A Castellana, o seu libro de A Ramona Pequena vai á Lúa!

*Nota: na galería tedes máis imaxes do día de hoxe.

Agradecer a ANPA e o Concello pola participación na actividade.

No día de hoxe tivemos a visita de Anxo Moure. Anxo Moure Mosquera é un escritor, contacontos e ecopacifista español. Coñecido polas súas actividades cómicas e educativas con nenos, mentres ensina o que lle pasa ao mundo ao non coidar da natureza.

Pasámolo xenial!

Anxo fomentou nos nenos e nenas o Respecto á natureza, ós árbores e a importancia de recoñecer nosa identidade propia, as tradicións e costumes que herdamos dos nosos antepasados, e a maneira en que estas influencias moldaron a nosa forma de ver o mundo.

Agradecemos a ANPA e o Concello de Aranga pola súa colaboración.

Compartimos algunha imaxe do día de hoxe con todos vós, aínda que recordade que na galería de imaxes podedes atopar máis.

Durante esta semana estivemos a traballar O Samaín. Fixemos moitas tarefas entretidas, nas que coñecemos esta festividade.

Samaín, palabra gaélica, non significa máis que fin do verán, principio do inverno. Na antiga cultura céltica o tempo de Samaín, especialmente a noite do 31 de outubro ao 1 e novembro, era o período máis importante do ano.

Nesta celebración, os celtas crían que os espíritos dos mortos volvían á Terra e facían rituais para protexerse e espantar os malos espíritos. Co paso dos anos, a festividade de Samaín fusionouse co Día de Todos os Santos cristián, que se celebra o 1 de novembro.

A continuación deixamos algunha imaxe dos disfraces terroríficos cos que viñeron moitos dos alumnos e alumnas. 

Asimesmo, podedes ver as cabazas que, sen dúbida quedaron de medo! Moitísimas grazas a todas as familias que colaboraron.

PD: recordade que teredes todas as imaxes na galería. 

Por certo! Apareceron unhos misteriosos morcegos voando pola páxina web... Alguén sabe algo disto?