Skip to Content

Educación Primaria

Aprendemos matemáticas cos cadernos interactivos!

Ven, 28/04/2023 - 14:22 — Pablo Sanchez

Ademais das sumas, as restas e o cálculo mental, as táboas de multiplicar constitúen unha das bases fundamentais das matemáticas.

Os cadernos interactivos son unha ferramenta moi útil xa que promoven a creatividade e a orixinalidade, coa finalidade de que as clases deixen de ser aburridas e se active a aprendizaxe visual.

Deste xeito, practicar as táboas de multiplicar cun compañeiro ou cunha compañeira, dálles a oportunidade de traballar o cálculo mental dun xeito máis relaxado, polo que memorizan as operacións mellor, perden o medo ás táboas e gañan confianza.

Aquí vos deixamos unhas imaxes de como estiveron a traballar os nenos e nenas de 2° de Primaria, que ben o pasaron!

Novos monitores interactivos!

Xov, 27/04/2023 - 11:04 — Pablo Sanchez

A Xunta de Galicia ben de dotarnos 4 paneis interactivos de 75 pulgadas para cada unha das aulas principais do centro (unha para EI, outra para 1º e 2º, outra para 3º e 4º e a última para 5º e 6º). 

Deste xeito mantemos todas as aulas principais cunha total conectividade. Ditos monitores interactivos permiten unha gran funcionalidade táctil, son moi versátiles e facilitan en gran medida a aprendizaxe. 

 

Aprendemos de xeito interactivo!

Xov, 13/04/2023 - 11:30 — Pablo Sanchez

As novas tecnoloxías son unha ferramenta que permite o ensino interactivo, xa que ofrece a posibilidade de interactuar co contido de forma visual e dinámica. 

No día de hoxe estivemos traballando os tempos verbais (presente, pasado e futuro) en Lengua Castellana nos cursos 3º e 4º.

 

Reciclamos e xogamos ao dominó

Xov, 30/03/2023 - 22:54 — Pablo Sanchez

Educar na reciclaxe en educación primaria é fundamental para inculcar nos nenos e nenas hábitos e valores responsables co medio ambiente. A reciclaxe é unha práctica esencial para o coidado do medio ambiente, xa que axuda a reducir a cantidade de residuos que se xeran e a diminuír a contaminación ambiental.

Os alumnos de 5º e 6º de Educación Primaria, estiveron a reciclar e fixeron un divertido dominó, fixádevos que partidas máis interesantes e saudables saíron.

 

Coidemos o medio ambiente!

Xov, 30/03/2023 - 22:49 — Pablo Sanchez

Traballar o medio ambiente en educación primaria é de vital importancia xa que, nesta etapa educativa, os nenos e nenas están nunha etapa de formación da súa personalidade e valores, e é o momento ideal para conciencialos acerca da importancia de coidar e preservar o medio ambiente.

Hoxe compartimos con vos unha imaxe dos alumnos/as de 5º e 6º de Educación Primaria na que podemos ver o gran de area que puxeron para contribuir coa natureza, realizando unha pequena plantación.

A través da educación ambiental, os nenos e nenas poden aprender a ser responsables co medio ambiente e a desenvolver actitudes positivas cara á natureza. Isto permitiralles comprender a importancia de preservar os recursos naturais, reducir o consumo de enerxía e diminuír a contaminación ambiental.

Dámoslle a benvida á primavera!

Ven, 24/03/2023 - 11:14 — Pablo Sanchez

Esta semana celebramos a chegada da primavera amosando a creatividade do alumnado de 1º e 2º, a través dunha actividade interdisciplinar de lingua inglesa e expresión plástica e visual.

Colorear aporta diferentes beneficios ao desenvolvemento dos nenos e nenas fortalecendo a capacidade de concentración, aumentando a autoestima e axudando á relaxación entre outras cousas.

Ademais, ao colorear estimúlanse ambos hemisferios cerebrais; equilibrando o modo de pensamento, a mente e as habilidades asociadas a cada un de ditos hemisferios.

Aquí compartimos con todos vós o noso resultado, no que o alumnado reflectiu as cores que máis asocia con esta estación do ano. Como nos gusta a primavera!

Coñecemos a Andy Warhol!

Ven, 03/03/2023 - 13:16 — Pablo Sanchez

Andy Warhol é coñecido polo seu traballo na técnica da arte pop, utilizando principalmente a serigrafía para reproducir imaxes da cultura popular. Tamén traballou con outros medios, incluíndo pintura, debuxo e cinema.

A obra de Andy Warhol é unha excelente ferramenta para introducir aos nenos no mundo da arte e a cultura popular. O seu estilo distintivo e o seu enfoque en temas da vida cotiá son accesibles e atractivos para os nenos en idade escolar.

Traballar cos nenos na obra de Warhol pode axudarlles a desenvolver habilidades de observación e análise, xa que lles convida a examinar as imaxes coidadosamente e a pensar críticamente sobre o seu significado. Ademais, a técnica de serigrafía que utilizou Warhol é fácil de entender e pode ser ensinada aos nenos de maneira accesible.

Compartimos este mural feito polos alumnos de 1º e 2º de Educación Primaria.

Lembramos a figura de Gandhi cunha actuación teatral

Mér, 01/03/2023 - 23:33 — Pablo Sanchez

O teatro é unha ferramenta moi valiosa para a educación primaria xa que ten múltiples beneficios para o desenvolvemento dos nenos e nenas.

O teatro promove a creatividade, a imaxinación e a expresión de emocións e sentimentos. A través do xogo teatral, os nenos e nenas poden explorar diferentes roles e situacións, e así desenvolver a súa capacidade de empatía e comprensión dos demais.

Os alumnos de 5º e 6º de Educación Primaria, exemplificaron unha actuación teatral recordando a vida de Mahatma Gandhi.

Gandhi foi un líder pacifista que loitou pola independencia de India utilizando métodos non violentos. El defendía que a paz non se logra a través da forza, senón a través do diálogo e a comprensión mutua.

Tamén promoveu a idea da non violencia como un estilo de vida, que incluía a non violencia cara a un mesmo, cara aos demais e cara ao medio ambiente.

Festival do Entroido!

Ven, 17/02/2023 - 17:53 — Pablo Sanchez

No día de hoxe pasámolo en grande. Toda a Comunidade Educativa gozou dunha xornada festiva. 

Os alumnos e alumnas foron caracterizados de Natureza, destacando a importancia de coidar a nosa contorna. Todos puidemos desfilar para mostrar as nosas fermosas vestimentas. 

Ademáis, grazas á colaboración da ANPA, estivemos a merendar deliciosos doces de Entroido nunha fermosa tarde na que todos xuntos puidemos bailar e gozar dunha música moi "carnavaleira".

Na galería de imaxes poderedes ver máis instantáneas.

 

 

Ramiro este ano veu ao colexio cun enorme tractor!

Mér, 15/02/2023 - 13:08 — Pablo Sanchez

Como ben sabedes, no entroido deste ano imos caracterizados de Natureza, e un dos grupos irá disfrazado de gandeiros/as. Por iso, este ano o Meco Ramiro chegou montado nun tractor xigante. Na entrada do CEIP A Castellana podemos ver a Ramiro ao lado deste tractor.

A maior sorpresa é que dentro deste tractor estamos todos e todas. Na cabina atópase o equipo que guía o camiño de todos os nenos e nenas do centro.

No remolque podemos ver todos os alumnos/as do colexio.

Quedou moi fermoso! 

Compartimos tamén unha actividade que fixeron os alumnos/as de 5º e 6º de Educación Primaria sobre o Entroido na Comunidade Galega, traballando por provincias os atuendos de antroido máis tradicionais.

 

Distribuir contido


by Dr. Radut