Bo día rapazada!
Como vai? Espero que esteades a sacar o máximo partido destes días na casiña, colaborando nas tarefas do fogar, axudando e dándolles moito agarimo a papá e mamá, e coidando moito dos avós e demais familia.
Agardo tamén que aproveitedes o tempo de lecer e esteades a entretervos e a xogar moito. Por se alguén se aburre (que non o creo 
) vou poñer noutra publicación unha morea de suxerencias para facer estes días na casa; pero tamén temos que seguir mantendo a rutina e dedicar un pouquiño a repasar contidos do cole, facer contas, escribir, debuxar, ler... Sobre todo lembrade ler un pouco todos os días, pois "un libro é unha porta aberta a novos mundos".
Hoxe propoño continuar repasando xeografía de España:
Na anterior publicación lembrábamos que o territorio de España se organiza en 17 comunidades autónomas e dúas cidades autónomas (Ceuta e Melilla). Cada unha destas comunidades divídese en provincias. Hai comunidades que teñen varias provincias, e outras tan só teñen unha. Por exemplo, a nosa comunidade autónoma, Galicia, está formada por catro provincias: A Coruña, Lugo, Ourense e Pontevedra.
Á súa vez, cada provincia divídese en municipios, como o de Cerdido, que xunto a Cedeira, Ortigueira, Ferrol, As Pontes, Moeche, Carballo, Muxía, Oleiros, e moitos moitos máis, forman a provincia da Coruña.
COMUNIDADES AUTÓNOMAS > PROVINCIAS > MUNICIPIOS
No seguinte mapa podemos ver onde se localizan todas as provincias:
Para repasar e aprender xogando podedes facer click nas seguintes ligazóns:
E se queredes ver fotos, ou saber máis de cada provincia, tamén podemos "viaxar sen saír da casa" buceando un poquiño por internet. Eu atopei esta páxina: https://provinciasdeespana.com/
Lembrade que podedes deixar comentarios ou mandarme correos electrónicos contándome como vos vai. Encantaríame lervos.
Unha aperta moi forte!
Marisol
soledl@edu.xunta.es
