BENVIDAS/OS Á WEB DO CEIP A SANGRIÑA
Plantación no Tegra
Invitados pola Comunidade de Montes de Camposancos, os nenos e nenas do cole subiron ao Monte Tegra, concretamente á zona do Campo de Chans para plantar árbores autóctonas.
A primeira hora da mañá, recibiron unha pequena charla por parte dun membro da Comunidade que lles amosou mediante uns vídeos o que ían facer e como facelo.
Inmediatamente despois comezaron a subida, o frío era moito, pero as ganas de plantar eran tantassss.
Xa na zona, fixéronse grupos de catro alumnos, maiores con pequerrechos e... cada grupo recibía as súas árbores e... a plantar!
Despois de plantar máis de cen árbores: nogueiras, castiñeiros, cerdeiras, sobreiras e carballos, os rapaces puxéronlles os seus nomes nas estacas que as van guiar.
E para rematar: un zume e unha chocolatina!
Grazas á Comunidade de Montes por esta xenial experiencia!