Clica para ir á Galería de Imaxes 

O Concello de Vilalba presenta a XII Carreira das Letras Galegas, que se celebrará o próximo venres 20 de maio no pista de atletismo do estadio da Madalena a partir das 10:30.

O Concello de Vilalba busca con esta proba fomentar uns hábitos de vida saudables entre a poboación máis nova do municipio, á vez que se conmemora unha data moi significativa para a lingua galega.

As inscricións, de balde para todas as categorías, abriranse o próximo 25 de abril e pecharanse o día 5 maio no centro. Será posible inscribirse na web ww.championchipnorte.com, no centro CEIP ANTONIO INSUA BERMÚDEZ  inscribirémonos a través dos docentes de Educación Física dos centros educativos (ou no seu caso, no titor/a da aula). Os docentes contarán cunha folla de rexistro para cubrir todos os datos dos participantes o día 5.

As categorías serán mixtas e distribuiranse en función do ano de nacemento: pitufos, 2018-2017; Chupete, 2016; Prebenxamíns, 2015-2014; Benxamín, 2013-2012; Alevín, 2011-2010; Infantil, 2009-2008; Cadete, 2007-2006.

Os participantes recibirán unha auga e unha peza de froita, polo que se deben de indicar as intolerancias no momento da inscrición, tamén se realizará unha entrega de medallas. Cada centro educativo disporá do seu propio espazo no estadio, coa fin de agrupar ao alumnado facilmente.

Os pais, nais ou titores/as legais dos participantes deberán de cubrir a correspondente declaración responsable para autorizar ao neno/a a participar.

Fonte: páxina web do Concello de Vilalba. 

2ª PROBA CLASIFICATORIA ATLETISMO ESCOLAR  BENXAMÍN E ALEVÍN. Domingo 24 abril 2022 ( de 9:45 a 2:00 pm)

Clica para ver a Galería de Imaxes da 2ª Clasificatoria Benxamín e Alevín domingo 24 abril 2022

RESULTADOS en DIRECTO: http://ranking.atletismo.gal/online/2022/LUGO/Xogade/index.html

LUGAR DA PROBA: Estadio Atletismo Gregorio Pérez Rivera de Lugo, xunto ao Pavillón Novo do Breogán, na zona Universitaria de Lugo. Enlace de Google Maps na web do Insua. 

HORARIO: Non temos transporte desde Vilalba. Debemos estar 20 minutos antes de cada proba, vide con tempo para coller dorsal e estar na cámara de chamadas para cada proba. Controlade as vosas probas, marcádeas no horario e contade cos 20 min antes da cámara de chamadas. Enlace para ver as series, resultados na web da FGALugo

XORNADAS COMPETICIÓN 

•Domingo 24 de abril 2022 – 2ª Xornada Clasificatoria Categoría Benxamín e Alevín.

•29 de maio 2022 – Campionato Provincial e Combinadas Benxamín e Alevín.

EQUIPACIÓN DO INSUA: levade a equipación do Insua se a tedes. Camiseta do Insua e lembrade devolvela ao final dos campionatos de atletismo.

COMPORTAMENTO: agárdase comportamento exquisito de tódalas persoas deportistas, representamos ao Insua Bermúdez e calquera acción que perxudique a imaxe do centro educativo, levará a non contar coa persona infractora en próximas ocasións. Na pista soamente poden estar atletas participantes na proba e entrenadores, resto gradas ou detrás valados.

SERIES DE SAÍDA E RESULTADOS: Enlace para ver as series, resultados na web da FGALugo     WhatsApp Suso616501003.

  BASES DO XXIII CERTAME BENXAMÍN PAZ DE NARRATIVA, POESÍA E DEBUXO

PRIMEIRA.-
Poderá́ concorrer ao Certame todo o alumnado de Educación Infantil e de Primaria pertencente a centros educativos da Terra Chá.

SEGUNDA.-
Establécense tres modalidades: POESÍA e NARRATIVA, para Educación Primaria, e DEBUXO, para Educación Infantil.

TERCEIRA.-
Os traballos de Poesía e Narrativa (PRIMARIA), de temática libre, estarán escritos en lingua galega conforme á normativa vixente. Os textos deberán ser inéditos e totalmente orixinais. Cada participante pode presentar o número de traballos que estime convinte en ámbalas dúas modalidades. Poderán presentarse a ordenador ou manuscritos, en papel DIN A-4, por unha soa cara. Enviarase SOAMENTE O ORIXINAL, figurando na parte traseira do folio os DATOS PERSOAIS, O CICLO, O COLEXIO E A MODALIDADE á que concorre. (PRÉGASE NON GRAMPAR)

CUARTA.-
Os Debuxos (INFANTIL) presentaranse en cartolina formato DIN A-4. Poderá́ empregarse calquera técnica e a temática será́ libre. Os DATOS PERSOAIS, O NIVEL e O COLEXIO figurarán na parte posterior da cartolina.

QUINTA.-
Os traballos serán dirixidos a:

CEIP “Antonio Insua Bermúdez”, Rúa Cuart de Poblet, s/n,
27800 Vilalba

SEXTA.-
O prazo de admisión de traballos rematará ás 15 HORAS DO DÍA 20 DE MAIO DE 2022.

SÉTIMA.-
O Certame estará dotado cos seguintes premios:

MODALIDADE POESÍA E NARRATIVA (Primaria)

1º e 2º  de Ed. Primaria: Lote de material e diploma.

3º e 4º  de Ed. Primaria: Lote de material e diploma.

5º e 6º  de Ed. Primaria: Lote de material e diploma.

MODALIDADE DEBUXO-PREMIO DAVID DÍAZ VÁZQUEZ (Infantil)
Infantil 3 anos: Lote de material e diploma.
Infantil 4 anos: Lote de material e diploma.

Infantil 5 anos: Lote de material e diploma.

OITAVA.-
O Xurado, se o estima oportuno, poderá declarar os premios desertos, distribuír a contía dos mesmos ou aumentalos con accésits. En calquera caso a súa decisión será inapelable e polo feito de concorrer ao Certame así deberá aceptarse.

NOVENA.-
O Xurado estará formado por persoas de recoñecida competencia nas materias ás que se refiren as presentes Bases. A súa composición ha ser dada a coñecer xunto coa emisión do resultado.

DÉCIMA.-
O ditame do Xurado será difundido a través dos distintos medios de comunicación. A entrega de premios efectuarase nos centros educativos no mes de  xuño.

CLICA NA IMAXE OU NESTE ENLACE PARA VER OS RESULTADOS DA XORNADA BENXAMÍN E ALEVÍN XOGADE de ATLETISMO

Clica para acceder á Galería de Imaxes

Modificación do Horario de Atletismo na Xornada Inaugural de Atletismo XOGADE Benxamín e Alevín

LUGAR DA PROBA: Estadio Atletismo Gregorio Pérez Rivera de Lugo, (Clica para ver a localización en Google Maps) xunto ao Pavillón Novo do Breogán, na zona Universitaria de Lugo. 

HORARIO: Debemos estar 30 minutos antes de cada proba, vide con tempo para coller dorsal e estar na cámara de chamadas para cada proba.Controlade as vosas probas, marcádeas no horario e contade cos 20 min antes da cámara de chamadas.

XORNADAS COMPETICIÓN

• 27 de marzo 2022 – 24 de abril 2022 – Xornadas Clasificatoria Categoría Benxamín e Alevín.
• 29 de maio 2022 – Campionato Provincial e Combinadas Benxamín e Alevín.

EQUIPACIÓN DO INSUA:levade a equipación do Insua se a tedes. Camiseta do Insua e lembrade devolvela ao final dos campionatos de atletismo.

COMPORTAMENTO: agárdase un comportamento exquisito de tódalas persoas deportistas, representamos ao Insua Bermúdez e calquera acción que perxudique a imaxe do centro educativo, levará a non contar coa persona infractora en próximas ocasións.

ANTICOVID: Certificado Vacunación obligatorio ou no seu caso un certificado test negativo antíxenos farmacia realizado o día anterior,  para retirar o DORSAL na Secretaría. Mandade por correo a susoabuin@edu.xunta.gal e axilizase a retirada. Se non o facedes levade o certificado e retirade vós o dorsal EN SECRETARÍA, ide con tempo  pola posible cola.  CONTACTO:  SUSO 616501003.

CAMBIO HORARIO: Ollo co cambio Horario que entra na noite do sábado 26 de marzo ao domingo 27 de marzo.

Clica no enlace para ir á Galería de Imaxes do Evento

Queridos alumnos/as e familias!

Como xa sabedes o entroido está a piques de comezar. Un ano máis, o noso Meco encargarase de ambientar o noso centro. De luns a xoves, todos/as aqueles que queiran, terán que traer o complemento que o Meco lles indique. Este ano, as ordes do Meco estarán relacionadas co noso proxecto da biblioteca. 

O venres 25 poderedes vir disfrazados como máis vos guste, intentade non traer disfraces que den demasiado medo ou obxectos que poidades perder con facilidade. 

Aquí vos deixamos os carteis coas ordes para a vindeira semana:

 Descargar imaxe 19250 x 10718 pixels 54 megas

Descargar imaxe 27225 x 15180 100megas

O Departamento de Orientación conmemora o 3 de decembro, Día da Diversidade, cantando "Convivindo" do disco "As que mais molan" do grupo galego María Fumaça, editado e publicado pola editorial Galaxia en 2017. Agradecemos a participación e implicación do alumnado e comunidade educativa dos seguintes centros:

• EEI Vilalba.
• CEIP Antonio Insua Bermúdez.
• CEIP Manuel Mato Vizoso.
• Centro Ocupacional de Vilalba Terra Chá.
• CEIP Monseivane.
• CEIP Terra Chá.

Contamos coa colaboración especial de Bárbara Cerviño Expósito na Tradución e interpretación á LSE.

Agradecemos tamén a colaboración dos Equipos de Biblioteca, de Normalización e de Novas Tecnoloxías. Grazas a todas e a todos!

O vindeiro venres 5 de novembro celebraremos o Tradicional Magosto do noso cole, para podelo levar a cabo pedimos a vosa colaboración para que cada alumno/a traia unha PRESA DE CASTAÑAS ADENTADAS, antes do venres.

O venres poderemos vir caracterizados de castañeiros e castañeiras e na merenda poderemos degustar uns boliños preñados (proporcionados polo cole) e as castañas asadas.

A Agrupación XOTRAMU achegaranos aos XOGOS POPULARES e TRADICIONAIS GALEGOS.

Clica na Imaxe para acceder á Galería de Imaxes do Evento