CEIP A. Insua Bermúdez

A partir do DÍA 3 DE OUTUBRO –LUNS-, entra en vigor neste Centro o novo horario coa seguinte distribución:

ENTRADA XORNADA LECTIVA: 9,30 horas
SAÍDA XORNADA LECTIVA: 14,30 horas
HORARIO COMEDOR (para os usuarios): 14,30-15,30 horas
SAÍDA DO TRANSPORTE: 15,30 horas
ACTIVIDADES EXTRAESCOLARES (voluntarias): 15,30-16,30 horas

Consideracións a ter en conta:

O transporte sairá do Colexio ás 15.30 horas.
O alumnado que se apunte ás actividades da tarde ten que ser recollido no Centro polos pais/nais ou titores ás 16,45 horas.
O alumnado que non asista ás actividades da tarde non poderá permanecer no centro a partir das 15,30 horas.

Os períodos lectivos serán:

1º:  9,30 - 10,25
2º: 10,25 - 11,20
3º: 11,20 - 12,15
RE: 12,15 – 12,45
4º: 12,45 – 13,35
5º: 13,35 – 14,30

As visitas de pais/nais serán os martes de 16,30 a 17,30

Este martes, 20 de setembro, a maior parte do profesorado deste centro -25 de 27- levou a cabo un paro de brazos caídos, de 10 a 10,30 horas, en protesta polas últimas decisións da Consellería de Educación. Nese tempo, o alumnado estivo atendido en todo momento, acordándose por parte do profesorado, saír en silencio á pista polideportiva. Ás 10,30 horas, todos volveron subir ás súas respectivas aulas e continuaron coas súas tarefas.

O martes, 20 de setembro, o Grupo de Corda do Conservatorio de Vilalba levou a cabo unha visita ao noso Colexio para ofrecer ao alumnado do 2º e 3º Ciclos de Prima-ria uns pequenos concertos didácticos. O alumnado dividiuse en dous grupos: os de  3ºe 4º de Primaria, por un lado, e os de 5º e 6º, por outro. Todos pasaron un rato moi agradable e ameno coas pezas interpretadas polo Grupo de Corda. O concerto estivo fantástico e os nenos e nenas saíron satisfeitos das sintonías que ían escoitando e adiviñando: Mary Popins, O Libro da Selva, O Último Mohicano, A Sireniña. Seguro que moitos deles seguirán os seus pasos no Conservatorio.

Clica na imaxe para acceder ao álbum de fotos da xubilación

Tino e Inés, dúas persoas que foron exemplo a seguir no seu traballo docente, fonte inagotable de inspiración, de transmisión de afecto, sensibilidade, bo humor, e sobre todo, de amistade. Dúas persoas, dous grandes profesionais, dous MESTRES, con maiúsculas, que deixan o Colexio por xubilación, pero que nunca se irán realmente del. Seguirán exercendo a súa mestría en cada sitio que frecuenten, porque, por moito que se xubilen, nunca deixarán de ser o que sempre foron: mestres. E, por suposto, seguirán sendo para sempre  MESTRES DO COLEXIO INSUA BERMÚDEZ.
Tino, Inés: grandes mestres, grandes persoas, grandes amigos. Desexámosvos o mellor. Sede felices, coidade dos vosos netiños e non esquezades nunca que aquí tedes a vosa casa.

Logo de celebrar no primeiro trimestre co gallo do Magosto deste curso académico, o equipo de biblioteca coordinado co equipo de actividades extraescolares e o de Normalización lingüística quedaron en recoller as recetas da "Cata de produtos do Magosto" e elaborar un libro que presentaremos en formato físico e en versión e-book, O libro en versión dixital pode verse nesta nova.

Agradecemos a colaboración a todas aquelas persoas implicadas que o fixeron posible desde os alumnos, pais, profes, cociñeiras, conserxe... e emplazamosvos ao ano que ven para tratar de melloralo e superar ao deste ano, que deixou o listón ben alto.

Parabéns e grazas a todos os colaboradores.

O equipo de Biblioteca do CEIP A. Insua Bermúdez.

RELACIÓN LIBROS TEXTO 2011-2012

INFANTIL

1º CICLO PRIMARIA

2º CICLO PRIMARIA

3º CICLO PRIMARIA

RECOLLIDA DO VALE PARA AXUDAS LIBROS CURSO 2011-2012

Os VALES poderán ser recollidos os días 30 de xuño e 1 de xullo, de 11 a 13 horas na Secretaría do Centro, tanto para o alumnado de 1º, 2º, 5º e 6º de Primaria, coma para os de 3º e 4º -só libro de Matemáticas-.

SOLICITUDE PRAZA NO COMEDOR ESCOLAR PARA O ALUMNADO NON USUARIO DE TRANSPORTE ESCOLAR OFICIAL 2011-2012

Fíxanse, provisionalmente, os días 24, 27 e 28 de xuño, de 11 a 13 horas, para a presentación de solicitudes de praza por parte do alumnado matriculado neste Centro para o vindeiro curso 2011-2012 e non usuario do transporte escolar oficial. Deberán acompañar a declaración da renda do ano 2010, así como calquera outra documentación que acredite calquera circunstancia que se alegue (familia numerosa, discapacidade, situación socioeconómica desfavorable, etc...).   

FORMALIZACIÓN DE MATRÍCULA NOVO ALUMNADO CURSO 2011-2012

Recórdaselles aos pais/nais do alumnado que presentou solicitude de admisión neste Centro para o curso 2011-2012 e foron admitidos, que teñen que formalizar a matrícula no prazo estipulado ao efecto: do 20 ao 30 de xuño de 2011, na Secretaría do Colexio.

 CALENDARIO ESCOLAR 2011/2012

NOTA INFORMATIVA AXUDAS LIBROS 2011-2012

AXUDAS LIBROS TEXTO 2011/2012 (INFORMACIÓN XERAL)

      * AXUDAS PARA LIBROS DE TEXTO ALUMNADO DE 1º-2º-5º-6º (+ORDE DOG)
                       ** ANEXO I

      * AXUDAS PARA LIBROS DE TEXTO ALUMNADO DE 3º-4º (+ORDE DOG)
                       ** ANEXO I

clica nesta ligazón para ver a revista na nosa biblioteca virtual on-line máis grande a toda cor ou descargala

Nestes días o CEIP “A. Insua Bermúdez” edita un novo número da revista escolar A PRAVIA, coincidindo co mes das Letras Galega, e que fai o número 62. 

Os principais temas que aparecen na mesma son: un traballo sobre o escritor homenaxeado este ano, Lois Pereiro, que inclúe pasatempos e cómic sobre a súa figura; unha entrevista a Alejandra Vázquez Noche, presidenta da Banda de Música; unha ampla reseña do XV Certame Benjamín Paz; os traballos das aulas; as noticias do Cole; os nosos murais; a páxina de APA; un traballo de investigación; o homenaxe a dous mestres do Cole que se xubilan: Tino Fernández, director e titor de 5º, e Inés Lagüela, titora de 6º; o apartado de recensións de libros lidos por membros do equipo de redacción e que leva por título “Que lindo é ler!”, e un recordo especial para David Noche, alumno de 4º deste Centro que nos deixou para sempre no mes de marzo.

A revista repártese a tódolos membros da comunidade educativa, aos centros educativos da bisbarra, ás institucións e aos organismos públicos, asociacións culturais, medios de comunicacións, etc.

CEIP “A. INSUA BERMÚDEZ” DE VILALBA

ACTO DE ENTREGA DE PREMIOS DO XV CERTAME LITERARIO BENJAMÍN PAZ

Premiados en el Certame Benjamín Paz (Foto. Cristina Pérez)

O venres, día 27 de maio de 2011, ás 19,30 horas, no Salón de Actos do Centro Cultural e Recreativo de Vilalba, o CEIP “Antonio Insua Bermúdez”, organiza o acto de entrega de premios do XV Certame Literario e de Debuxo Benjamín Paz, que convocou coa colaboración da Asociación de Minusválidos “Benjamín Paz” e o propio Centro Cultural Recreativo, e que ten como fin primordial e fundamental o de lembrar a figura de Benjamín Paz Cordal.
O acto entra dentro tamén das actividades que o noso Colexio programa co gallo das Letras Galegas tendentes a fomentar a creatividade artística e literaria, por un lado, e a potenciar o idioma galego cara a consecución da súa plena normalización, por outro.
Para comezar o programa o Grupo de Teatro da ANPA do Colexio, dirixido por Estrella Naseiro, porá en escea a obra “Historias do Parque “.
A continuación darase lectua á acta do Xurado e levarase a cabo a entrega de premios. Complétase o programa cun pequeno recital poético a cargo de alumnos e alumnas gañadores no Certame.

RELACIÓN DE PREMIADOS

ACCEDER A ENTREGA PREMIOS XV CERTAME BENJAMIN PAZ E EDICIÓN REVISTA A PRAVIA

O Consello Superior de Deportes CSD celebrou o II Encontro Nacional de Centros Escolares Promotores da Actividade Fisica e do Deporte en Serra Nevada.

Fomos elixidos xunto co CEIP da Gándara de Monforte para representar á Comunidade Galega en Granada nestas xornadas.

Os 5 nenos e nenas que alí levamos do noso cole disfrutaron en grande dunha experiencia que quedará no seu cerebro para moito tempo. Unha viaxe en bus de 13 horas cheo de ledicia, musica, xogos e emocións. Chegada ao Albergue da estancia e tres dias de madrugóns para aproveitar as horas de neve para aprender a esquiar. O pulso acelerado cando iamos no telecabina porque se achegaba a primeira vez que puñamos mono de ski, botas, os primeiros skis e un profe persoal para cada 10. Se vedes as suas caras de ledicia na imaxes do album poderedes achegarvos a entender esas maravillosas sensacións. Ao final logo de tres clases de 4 horas cada unha sairon cun nivel de ski bo para eses días.

Tamén tiveron tempo para ocio lúdico na estación de Serra Nevada, nas atraccións de Mirlo Blanco, xogando coa biciski, co trineo ruso, cos roscos ou na pista de paninaxe e tempo de ocio cultural, No Parque das Ciencias de Granada: coas suas exposicions de pintura e xeometría, o corpo humano ou animais disecados... ou de ocio cultural deportivo ao visitarmos as magnificas instalacións do Centro de Alto Rendemento Deportivo de Serra Nevada.

Gracias a todos os que fixeron posible esta aventura, ao nenos por participaren en masa no Deporte Escolar aos mestres Teresa e Suso por facer posible a súa participación e aos outros mestres; Inés, Tino Elena, por nos acompañar con choiva e en tempo non lectivo e demais papás e mamás que axudaron, xente de Deportes de Lugo Xose Manuel Rozas, Carlos, Juan Somoza por pensar en nós.

Clica na imaxe para ir ao album da actividade