O noso centro

Secretaría

Outras actividades

Xornada de xogos alternativos

Mér, 05/06/2024 - 18:15

Novamente, en colaboración co alumnado e profesorado do CIFP Politécnico de Lugo, gozamos dunha xornada orientada aos deportes alternativos. Distribuídos en diferentes estacións, tivemos a sorte de poder coñecer outras variantes dos deportes máis tradicionais. Unha xornada solleira onde mestres e alumnado descubrimos novas actividades e, como non, pasámolo moi ben.

O noso agradecemento ao CIFP Politécnico de Lugo pola súa desinteresada colaboración. Moitas grazas!

Álbum: Curso 2023-2024 -> Xogos alternativos

Visita á I Feira de Educación de Lugo

Ven, 24/05/2024 - 21:08

O alumnado de 4º, 5º e 6º de E.Primaria visitaron a I Feira de Educación, Formación e Emprego, organizada polo concello de Lugo en colaboración coa Xunta de Galicia, onde puideron achegarse a distintas ofertas educativas que poderán ter ao seu alcance nun futuro non moi lonxano: tecnolóxicas, científicas, lingüísticas, artísticas, sanitarias, deportivas, culinarias...

Álbum: Curso 2023-2024 -> Feira de educación

Abracadabra!

Mér, 15/05/2024 - 13:39

O alumnado de E.Infantil asistíu a unha sesión de maxia a cargo do "Mago David", que deixou abraiados a nenos/as e profesorado.

Viron como se separaban aros entrelazados que non tiñan apertura; atónitos quedaron cando o papel converteuse en billetes, o poliño volveu ser ovo, coa luz de cada neno/a iluminouse a Torre Eiffel, e xa para rematar, algún dos nosos, transformouse por un intre, en Harry Potter.

Unha sesión na que xogaron, fantasearon e participaron en experiencias máxicas que fixeron as delicias de todos/as os presentes.

Álbum: Curso 2023-2024 -> Sesión de Maxia

Mundo bichos

Xov, 09/05/2024 - 18:54

O alumnado de 1º e 2º de Educación Primaria, tiveron a sorte de poder asistir ao obradoiro "Toca Toca", pertencente ao proxecto "Mundo Bichos", no que puideron observar e tocar con total seguridade, distintas especies de invertebrados como insectos pau, arañas ...

Ademáis de coñecer as características morfolóxicas e funcionais dos mesmos e a importancia dos invertebrados nos ecosistemas, aprenderon a expresar e manifestar emocións co contacto dos animais. Sen dúbida, unha actividade moi interesante difícil de esquecer!

Álbum: Curso 2023-2024 -> Mundo Animal

Visita ao Castro de Viladonga

Mér, 01/05/2024 - 15:49

O alumnado de 3º curso de E.P, desprazouse ao Castro de Viladonga onde fixeron un percorrido pola historia do mundo castrexo e a arqueoloxía do lugar. Ademáis, realizaron un obradoiro de cerámica.

Despois de coñecer as técnicas e tipoloxías de traballar coa arxila, fixeron con barro "verdadeiras obras de arte", tomando como modelo, pezas atopadas no castro.

Álbum: Curso 2023-2024 -> Visita ao Castro de Viladonga

Our school 2024

Lun, 15/04/2024 - 18:32

Visita ao Vello Cárcere de Lugo

Ven, 12/04/2024 - 16:36

O alumnado de 6º curso de EP visitaron o "Vello Cárcere" de Lugo, onde puideron coñecer a historia que encerra este emblemático edificio do século XIX da nosa cidade.

Álbum: Curso 2023-2024 -> Visita ao Vello Cárcere

Visita ao Anxo Carro

Mér, 20/03/2024 - 20:40

O alumnado de sexto curso de EP, foi convidado a pasar unha xornada no Estadio do CD Lugo, "Anxo Carro". Ao longo da mañanciña, visitaron as instalacións, observaron como entrenan os xogadores, interactuaron con Nabic, a mascota, e participaron nun sorteo de agasallos.

Achegamos os nosos agradecementos ao CD Lugo pola súa invitación a esta xornada tan amena. Grazas!

Álbum: Curso 2023-2024 -> Visita ao Anxo Carro

Gústame o meu río

Ven, 15/03/2024 - 18:00

O alumnado de 5º curso de EP, participa no proxecto "Gústame o meu río" organizado pola Confederación Hidrográfica do Miño-Sil. Trátase dun programa educativo baseado no fomento do valor medioambiental dos ríos e a concienciación sobre a importancia da protección e conservación dos ecosistemas fluviais.

Álbum: Curso 2023-2024 -> Gústame o meu río

Visita das xogadoras do Ensino CB

Mar, 20/02/2024 - 20:12

O alumnado de sexto de EP, recibíu a grata visita de Ane Olaeta e de Blanca Millán, xogadoras de Ensino Lugo CB. Destacaron a importancia de apoiar ao deporte feminino e convidáronnos á asistencia do derby galego que xogarán contra o Celta CB baixo o lema "FAINO POR TI, POR ELAS E POR TODAS", o vindeiro 24 de febreiro.

MOITA SORTE ENSINO LUGO CB!