" DO TRADI AO TRAP " é o título desta actividade levada a cabo na aula de 5º de E.Primaria na que Branca Villares , de Tradiescola , nos ofreceu unha interesantísima charla sobre : abuso sexual,  intimidación, reclamo publicitario sexista, cousificación publicitaria da muller, hipersexualización etc. Os datos son escalofriantes !

Dita actividade foi promovida pola ANPA do cole, MOITAS GRAZAS !

O pasado 25 de abril o alumnado de 3º de E.Primaria saiu de excursión a Samos para realizar un tramo do Camiño de Santiago e varias actividades de Scape Room e Xogos Tradicionais.

Para ver o vídeo resumo picade na seguinte ligazón : 

                              https://youtu.be/i_xwBdNW1yI

Unha vez máis o noso cole participou na Festa dos Maios organizada polo Concello de Monforte.

Este ano o maio foi a representación dun ourizo elaborado con todas as variedades de flores que aportou o alumnado baixo o lema :

                   "A Gándara a súa horta terá e eu serei quen a coidará ".

                             Moitas grazas ás familias pola colaboración.

O 15 de marzo foi o DÍA MUNDIAL DOS DEREITOS DOS CONSUMIDORES E CONSUMIDORAS. E que mellor cousa que vivilo e realizar un consumo responsable. 

O alumnado de infantil saímos ás rúas a comprar pero, previamente, as familias tiveron que anotar en que tenda e que produto querían que mercásemos co presuposto máximo de dous euros. Así foi que fomos de tendas: librería, pastelería, mercerías, tendas de lambonadas, xogueterías e, no mercado de abastos, ademais de mirar na peixería, queixería, polería e carnicería, mercamos na panadería e na froitería. 

A todo isto hai que sumarlle que nos invitaron a degustar diferentes produtos e a observar distintos alimentos. Unha vez máis, resultou un experiencia para repetir. Graciñas a todas e todos!!!

O pasado mércores 29 de marzo, os nenos e nenas de 6º de E.Infantil foron de visita ao supermercado Familia. Alí ensináronlles o funcionamento do súper e as súas seccións.

Na peixería puideron ver a diversidade de peixes e así consolidar un pouco máis o seu :

                                                 Proxecto do Mar