Despois da petición feita no curso pasado  polos responsables do colexio ao concello, e tras moitos intentos para eliminar as pintadas que hai nas paredes exteriores do colexio, durante a semana pasada a brigada de obras, Protección Civil e Siro, o conserxe do colexio, intentaron unha vez máis eliminar por completo as pintadas, e aínda que se pode apreciar que o seu traballo dou resultado,  a súa eliminación por completo segue resultando moi dificultosa ao igual que ocurriu noutras ocasións.

Este tipo de actos vandálicos son moi difíciles de controlar e facemos un chamamento para que se respeten os espazos do colexio e impere o civismo. 

Desde o equipo directivo  queremos agradecer de novo a colaboración e o interés amosado neste tema polos responsables e traballadores municipais.