A Consellería de Educación organiza un acto para acoller aos auxiliares de conversa que se incorporarán aos centros galegos para o presente curso

O vindeiro mes de outubro a Consellería de Educación e Ordenación Universitaria realizará o acto oficial de acollida para os novos auxiliares de conversa que este curso apoiaran aos estudantes e profesores galegos na aprendizaxe de idiomas.

Na recepción, que se celebrará en Santiago de Compostela, estarán presentes o conselleiro de Educación, Xesús Vázquez Abad, e o director xeral de Educación, Formación Profesional e Innovación Educativa, José Luis Mira, así como diversos membros da consellería. Todos eles darán a benvida aos novos auxiliares de conversa, que asistirán acompañados por membros dos equipos dos diferentes centros educativos receptores. Os auxiliares de conversa recibirán información sobre o Plan de Potenciación de Linguas Estranxeiras impulsado e desenvolvido por esta administración a prol da mellora das competencias idiomáticas por parte dos estudantes galegas, e que xa tivo un gran éxito o ano pasado.

Cómpre recordar que este ano o número de auxiliares nativos que chegarán ás aulas galegas ascende a 361, dos que 339 serán de conversa, 18 seniors e o resto froito duns convenios de colaboración asinados pola Consellería e outras entidades estranxeiras. Todos eles que colaboraran nos centros de ensino de Galicia para que tanto o alumnado como o profesorado mellore as súas competencias en linguas estranxeiras, un 438 % máis das que había ao inicio da lexislatura.

Auxiliares de conversa

Así, o número de auxiliares que este ano desenvolverán a súa labor nos centros plurilingües públicos de Galicia, nas seccións bilingües e nas Escolas Oficiais de Idiomas, e superior ao do ano pasado chegando a 339, e incrementándose nun 30%,

Ademais no presente curso os centros plurilingües do rural galego volverán ter neste este ano o apoio de mestres xubilados que desempeñan nestes colexios e institutos a función de apoio á aprendizaxe, fundamentalmente, do inglés.

Convenios de colaboración

Unha novidade para este ano académico é que grazas a distintos convenios de colaboración acadados por esta Consellería incorporáranse profesores estadounidenses visitantes, que prestarán o seu apoio ao ensino do inglés en centros educativos galegos durante todo o ano académico. Ademais grazas ao convenio coa a Academie de Amiens tamén se reforzará o francés.

A aposta polo aprendizaxe de linguas estranxeiras

Entre os principios fundamentais que guían as actuacións do Plan Galego de Potenciación das Linguas Estranxeiras a formación de todas as galegas e galegos para a mellora das súas competencias en outros idiomas, independentemente do seu lugar de residencia e dos seus recursos económicos. Deste xeito a Consellería, a través da creación e desenvolvemento de diversos programas, demostra a súa aposta pola educación pública de calidade e unha formación que oferte más posibilidades a todas a galegas e galegos.