Título node Learning object

O Programa de Axudas REINA LETIZIA PARA LA INCLUSIÓN convocado polo Real Padroado de Discapacidade, dependente do Ministerio de Saúde Consumo e Benestar Social pon en marcha a I edición dun programa de axudas para estudantes con discapacidade a partir de 16 anos.  O programa REINA LETIZIA PARA LA INCLUSIÓN pretende mellorar as condicións formativas e profesionais das persoas con discapacidade, facilitando recursos económicos e de apoio suficientes para desenvolver a súa actividade educativa e formativa. O fondo para estas axudas está dotado de: 1.039.000 euros.

As axudas son para o curso académico 2019/2020.

Establecéronse seis modalidades de axudas:

1. Axuda para a asistencia persoal e todas as necesidades de apoio no proceso educativo (logopedia, terapia ocupacional, terapeutas, intérprete lingua de signos, etc). Para estas axudas hai 300.000 euros en total e a solicitude máxima individual poderán chegar ata os 10.000 euros.
2. Axudas ao estudo de posgrao e master. Para todos os estudantes matriculados nalgún posgrao ou máster. Son axudas de 3.000 euros por estudante.  Para estas axudas hai destinado un fondo de 300.000 euros.
3. Axudas á mobilidade nacional. Para todos os universitarios que cursen estudos en universidades fóra do seu domicilio habitual. Son axudas de 3.000 euros por estudante. Para estas axudas establécese un fondo de 99.000 euros.
4. Axudas á mobilidade internacional. Para todos os universitarios que realicen estudos no estranxeiro.  Establécense axudas máximas de 6.000 euros por estudante. Este fondo está dotado de 60.000 euros.
5. Axudas para o doutoramento. A dotación máxima individual de 10.000 euros. Dotouse unha cantidade de 130.000 euros para esta modalidade de axudas.
6. Axudas á investigación, establecidas en 25.000 euros máximo individual. A dotación total para este fondo é de 150.000 euros.

Prazo de solicitudes

O prazo para presentar as solicitudes ao programa de axudas REINA LETIZIA PARA LA INCLUSIÓN é ao longo do mes de xullo.

As solicitudes deberán presentarse de maneira telemática a través do portal electrónico do Ministerio de Sanidade, Consumo e Benestar Social.  Atoparase toda a información en en a seguinte ligazón, Seleccionar PROGRAMA REINA LETIZIA PARA LA INCLUSIÓNCódigo SIA 687850.

Ou tamén enviando a solicitude cuberta coa documentación requirida a: Secretaria Xeral do Real Padroado sobre Discapacidade. Rúa Serrano, 140. 28006 Madrid.