Ficha técnica 2025/26

1. Institucións das que depende: Consellería de Cultura, Lingua e Xuventude / Instituto da Lingua Galega da Universidade de Santiago de Compostela (USC).

2. Ámbito: Promoción do patrimonio e da lingua galega.

3. Presentación do programa:

O programa consiste no desenvolvemento dun proxecto relacionado co fomento e a divulgación do coñecemento da cultura patrimonial a través do léxico tradicional. Os centros promoverán a elaboración dun traballo en equipo no que o alumnado terá que recoller léxico patrimonial mediante a realización de entrevistas e organizar e analizar a información obtida que será enviada ao Instituto da Lingua Galega para a súa introdución no Tesouro do Léxico Patrimonial Galego e Portugués . Poderán realizarse outras actividades complementarias relacionadas coa cultura patrimonial.

4. Alumnado ao que vai dirixido o programa: Educación Secundaria Obrigatoria / Bacharelato / Ciclos formativos /Ensinanzas de persoas adultas.

5. Participación:

• Límite de centros participantes: 12
• Límite de docentes participantes por centro: Non hai límite.
• Limite de alumnado participante por centro: Non hai límite.

6. Criterios de selección: Calidade do proxecto presentado e que a recolla de léxico patrimonial sexa o obxectivo principal ou un deles e non un aspecto secundario.

7. Persoas responsables:

• Nome: Marta Negro Romero
• Departamento / Servizo: Instituto da Lingua Galega da USC
• Teléfono: 8818 12816
• Correo electrónico: marta.negro@usc.gal

8. Obxectivos do programa:

1. Recoller léxico patrimonial no medio en que vive o alumnado,
favorecendo o seu coñecemento, conservación e transmisión.

2. Promover o uso da lingua galega e o interese polo patrimonio material
e inmaterial, fomentando a inmersión do alumnado na sociedade e a
súa interacción e diálogo coa veciñanza, sobre todo con persoas
doutras xeracións.

3. Aprender a organizar, tratar e analizar a información obtida.

9. Palabras clave: Patrimonio material, patrimonio inmaterial, léxico, lingua galega, interxeracionalidade.

10. Metodoloxía e temporización:

1.ª Fase (1.º trimestre):
- Formación do programa.
- Entrega do material didáctico por parte do persoal responsable do
programa.
- Elaboración por parte dos centros dos respectivos plans de traballo
e remisión dos mesmos aos responsables do programa.
2.ª Fase (2.º trimestre):
- Traballo de campo do alumnado.
- Tratamento e análise da información recollida.
3.ª Fase (3.º trimestre):
- Entrega dos resultados por centro.
- Divulgación dos materiais (páxinas web do centro, do proxecto, dasinstitucións participantes, medios de comunicación, etc.)
- Avaliación dos resultados.

11. Actividades e recursos ofertados:

Recursos materiais: Proporciónase material en distintos formatos (manuais, guías, cuestionarios etc.), tanto para o profesorado coma para o alumnado, consultable no blog https://ilg.usc.gal/palega/.

Obradoiros: Ofrécense charlas para o alumnado e/ou obradoiros prácticos sobre o estudo do léxico patrimonial. Estas actividades deberán ser previamente acordadas segundo o calendario de traballo dispoñible.

Saídas: Os centros que o desexen poden realizar unha visita ao ILG para coñecer os proxectos do Instituto a través dunha actividade lúdica (neste caso, os gastos do desprazamento do alumnado irán por conta

do centro educativo).

Webs de referencia: https://ilg.usc.gal/palega/

Concursos / Premios: non se contempla

Formación: Realizarase no 1.º trimestre unha xornada informativa de carácter voluntario e nela proporcionaráselle ao profesorado as instrucións para a recolleita, tratamento e envío do léxico rexistrado. Tamén se

ofrece asistencia por correo electrónico ou por vídeochamada ao longo de todo o ano lectivo.

12. Orzamento: non se contempla.

13. Produto final

14: Criterios de avaliación:

• Criterios xerais do Plan Proxecta+

1. Creación dunha rede de traballo cooperativa na comunidade
educativa entre alumnado, profesorado, familias e/ou institucións da
contorna. Valorarase especialmente a participación activa do
alumnado no desenvolvemento do proxecto (toma de decisións,
realización do produto final etc).
2. I nterdisciplinariedade (achegas desde distintos departamentos didácticos,
disciplinas ou materias) e transferibilidade do proxecto.
3. Impacto e difusión do proxecto. É imprescindible incorporar na
memoria, a través de ligazóns (páxinas web, blogs etc), evidencias
gráficas e/ou documentais do traballo realizado que permitan
constatar o desenvolvemento do proxecto.

• Criterios xerais do programa:

1. Calidade e riqueza dos materiais léxicos entregados (léxico
recollido, información proporcionada sobre el, material
complementario etc.)
2. Calidade na presentación dos resultados (respecto ao formato
solicitado, claridade, orde, facilidade de consulta posterior, redacción
das definicións etc.).
3. Actividades educativas e de difusión desenvolvidas no marco do
proxecto. Valorarase, de xeito especial, a orixinalidade e calidade das
actividades realizadas polo centro.