Obradoiro de Oratoria no ámbito educativo
Actividade dirixida a profesorado que imparte a materia de Oratoria, profesorado de centros que impartan esta materia ou interesados en implantalo no vindeiro curso e/ou profesorado CTIM (STEM)
REFERENCIA
LUGAR DE CELEBRACIÓN
Centro de formación e Recursos de Lugo
DATAS
29 de febreiro e 2, 7 e 9 de marzo.
HORARIO
18 a 21 horas
DURACIÓN
12 horas
OBXECTIVOS
Apoiar na implantación da materia de Oratoria nas aulas a través dun programa de capacitación e motivación para docentes.
Melllorar as habilidades de divulgación científica e potenciación das vocacións STEM.
RELATOR
Juan Marcos Pérez Gulín (Fundación GALICIA SUSTENTABLE)
METODOLOXÍA
Transversal. Na concepción de que a oratoria ten un carácter transversal, proponse a creación de grupos de participantes heteroxéneos no que se refire ás materias das que son responsables que contribúa a romper estereotipos que relacionen o desenvolvemento das competencias en oratoria con ámbitos estritamente lingüísticos.
Práctica. A oratoria entendida como capacidade de utilizar a palabra para nos comunicar, require que a translación de contidos sexa feita dunha perspectiva eminentemente práctica.
Orientada a resultados. Desde o primeiro momento as e os participantes terán como orientación a realización dunha exposición pública de curta duración que contribuirá a que cada participante busque a súa motivación para acadar un obxectivo claramente definido: unha exposición pública atractiva.
Imaxe Creative Commons CC0 https://pixabay.com/es/micr%C3%B3fono-hablar-conferencia-704257/