Consellería de Educación, Universidade e Formación Profesional

Convocatoria do proxecto de mobilidade Academia 2015

Ven, 17/10/2014 - 11:55

Academia é un proxecto europeo anual de mobilidade, dirixido aos profesionais da orientación profesional encadrado dentro do programa Erasmus+ . Está organizado polo Ministerio de Educación, a través do Centro Nacional de Recursos para a Orientación Profesional (CNROP), en colaboración coas comunidades autónomas.

Na presente edición a Comunidade de Galicia ten asignadas dúas prazas, unha en Estonia e outra en Romanía.

O prazo de solicitudes remata o día 31 de outubro de 2014.