Eventos
Continúa o campionato escolar de Badminton. 15 alumnos de ESO acudirán o próximo martes á Serra de Outes para participar nel, acompañados polo profesorado do departamento de Educación Física
O equipo de debate do noso IES xa está en plena preparación da fase zonal que se celebrará en Abril. Moita sorte á profesora María Blanco e ao alumnado. Por preparación e dedicación non vai quedar!
Castro Romero, María de 4º ESO B e Cuns Iglesias, Alba de 2 ºESO A, clasificadas para a fase intercomarcal do torneo escolar de bádminton infantil/cadete celebrado no Pavillón Polideportivo da Serra de Outes. Parabéns as dúas promesas do bádminton en Negreira.
O vindeiro venres, día 23, o alumnado de 2º de ESO realizará unha visita ao complexo medioambiental do Barbanza, organizada polo Departamento de Física e Química. Sairán en dous turnos, un primeiro á primeira hora, con volta ao redor das 11 (2º A e B) e un segundo saíndo ás 11:35 e con volta a última hora (2º C e agrupamento).
O noso agradecemento á Asociación de Nais e Pais do instituto " A Barcalesa" pola doazón dunha mesa de tenis de mesa que quedará instalada no exterior do centro e ampliará a oferta de actividades lúdicas para o alumnado.
Desde este martes, hai máis dunha decena de científicas galegas e outras tantas do resto do mundo que xa son un pouco máis visibles. A ‘Editatona’, unha xornada de traballo impulsada pola Biblioteca Universitaria e a Oficina de Igualdade da USC, e que contou coa colaboración da Asociación de Mulleres Investigadoras e Tecnólogas de Galicia (Amit-Gal), para editar e mellorar os artigos da Galipedia sobre as científicas galegas, conseguiu crear ou ampliar 23 novas páxinas.
http://www.gciencia.com/ciencia/cientificas-galegas-galipedia/
Terá lugar os sábados de 10:00 a 13:00 h, e a duración será de 20h, cun precio de 15 € que se reducirán a 5€ para os socios. Máis información en conserxería.
O IES espera lograr o apoio dos concellos de Negreira e A Baña para solicitar a implantación do novo ciclo de Atención a Persoas en situación de Dependencia no noso IES, algo que beneficiaría enormemente ao alumnado da comarca e que ten unha ampla demanda social.
O luns 26 de febreiro os tres 3º de ESO acudirán ao Auditorio de Galicia para participar na actividade de Didácticos Audiovisais "Libres e DIversos". Sairán ás 11:15 e volverán a última hora.
O diario "El Correo Gallego" adícalle unha páxina enteira á publicación do libro "Xente e Terra de Barcala", á venda no propio IES.
Video da viaxe a Italia, realizado no Entroido de 2018. Elaborado por Candela Fernández, alumna daquela de 2º de Bacharelato, viaxeira do grupo que fomos coa SEEC Galicia. Pola miña parte só me resta dicir que foi un auténtico pracer acompañar ao alumnado do Ies Xulián Magariños, un ano máis, nesa inmersión no Mundo Clásico in situ.
https://www.facebook.com/margarita.gilmurio/videos/10216243396134072/
O vindeiro 1 de marzo o alumnado de 1º ESO asistirá en Santiago a unha representación de teatro musical organizada polos departamentos de Música e Lingua Española. Sairán ás 11 e regresarán as 14:25.
IMPORTANTE: Ábrese o prazo de presentación de solicitudes de admisión en centros docentes sustentados con fondos públicos.
O prazo abrangue do 1 ao 20 de marzo de 2018
Relación de prazas vacantes no IES Xulián Magariños
NOTAS:
O formulario normalizado (ED550B) será facilitado gratuitamente nos correspondentes centros docentes e tamén estará dispoñible na sede electrónica da Xunta de Galicia, na aplicación «admisionalumnado» (https://www.edu.xunta.es/admisionalumnado) e na páxina web da consellería de educación.
As solicitudes de admisión, dirixidas á dirección dos centros públicos e á titularidade dos centros privados presentaranse mediante o formulario normalizado a través da aplicación de xestión do proceso «admisionalumnado» (https://www.edu.xunta.es/ admisionalumnado). Tamén se poderán presentar de forma presencial no centro docente indicado como primeira opción e, ademais, en calquera dos lugares e rexistros establecidos na normativa reguladora do procedemento administrativo común utilizando o formulario normalizado.
Normativa reguladora do proceso de admisión:
- ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
- ORDE do 25 de xaneiro de 2017 pola que se modifica a Orde do 12 de marzo de 2013 ...
Botáde unha ollada aos novos vídeos elaborados polo noso alumnado na sección de vídeos de Dinamización
Tralo éxito da "Historia das nosas avoas", o vindeiro luns, día 5 de marzo teremos a honra de recibir no noso instituto a varias das avoas de alumnado do centro que virán a charlar sobre as súas experiencias de vida cos grupos de 1º e 2º de ESO.
Os vindeiros 6 e 8 de marzo a fundación Arela impartirá unhas charlas a todo o alumnado de ESO sobre prevención de condutas disruptivas na mocidade.
Actualización: a actividade prevista para o día 8 queda posposta ata novo aviso.
Hoxe inauguramos dúas mostras de carteis adicados a excepcionais figuras femininas no mundo da técnica e da ciencia. Mulleres que foron pioneiras nos seus campos e que na maioría dos casos careceron do xusto recoñecemento no seu tempo. Quen dixo que as tecnoloxías e as ciencias non son cousa de mulleres?
(podedes descargar unha imaxe dos carteis clicando en adxuntos)
Co gallo da celebración do 8 de marzo, o Departamento de DInamización Lingúística organizará o visionado da curtametraxe "Matria" de Álvaro Gago, e un posterior coloquio co director. Terá lugar o mércores día 7 no centro sociocultural de Negreira para o alumnado de 3º, 4º ESO e 1º BAC, e ocupará a terceira e cuarta horas.
https://www.verkami.com/projects/16751-matria
Matria, premiada co gran premio do xurado no festival de Sundance
O prazo para solicitar as axudas para participar en actividades de formación en linguas estranxeiras remata o 7 de marzo. Estas axudas subvenionan entre o 50% e o 85% do custo real da actividade. Dende 70 € (en función da renda e circunstancias familiares) se pode realizar un curso de 2 semanas de inglés. Tamén hay posibilidade de solicitar cursos de francés e portugués.
Tedes toda a información na web da Consellería https://www.edu.xunta.es/axudasle/
Reseña no diario "El Correo Gallego" sobre Álvaro Gago que tivo a xentileza de mostrar en primicia o seu premiado corto " Matria" ao alumnado do noso instituto e debatir con eles, con motivo do día da muller.
O profesorado e alumnado do CM de Comercio mostran ao alumnado interesado os pormenores do Ciclo Medio de Comercio
"A historia das nosas avoas" recolle unha serie de relatos onde o alumnado de 3º de ESO plasma a infancia e as vivencias das súas avoas, o que lle permite comparar as condicións de vida actuais coas de hai 60 anos. Como ben dí a coordinadora do traballo, Nuria Araújo:
"Sen elas a historia sería outra. A do país e especialmente a nosa. Co seu traballo cotián, sen vacacións, conseguiron sacar adiante as súas familias e darlles o que elas apenas tiveron: varios pratos diferentes de comida ao día, educación en escolas todo o tempo necesario, asistencia médica, tempo de lecer... E máis que nada a posibilidade de facer na vida o que se desexa de verdade. De todo iso foron privadas, ou renunciaron para que hoxe nós teñamos máis ao alcance da man os nosos desexos.
E nós queixámonos, de case todo. De madrugar, de estudar, de facer mínimas tarefas sen movernos case da casa, dunha casa con todas as comodidades que elas non disfrutaron. E con demasiado tempo de lecer que parece que aproveitamos cada vez peor, mergullados nun mundo que nos contan outros a través de todo tipo de pantallas. Xa non nos gusta a vida en directo. Esa que elas protagonizaron.
Ao tempo que traballaban arreo, falaban cos amigos e veciños, con toda a familia, dispostas a colaborar no que fixese falta, aquí e ás veces moi lonxe, en Suíza, Venezuela, Colombia... Coñeceron moitos mundos nos seus propios escenarios, sobre o terreo, non por imaxes retransmitidas por outros en soportes dixitais. Viviron e moitas viven para ensinarnos a ir en persoa a aqueles lugares que soñamos.
E para que non se nos esqueza que debemos andar paso a paso o noso propio camiño, aquí están algunhas das viaxes delas. Quixemos recuperalas porque foron protagonizadas polas nosas auténticas heroínas, non polas dos filmes, que xamais foron reais. Estes guións semellan de película, mais non o son. Están escritos desde a verdade do que aconteceu nas nosas casas. Que a luz e a calor das nosas vellas lareiras nos guíen nos camiños que debemos percorrer. Por elas."
O próximo domingo 18 de marzo tedes a oportunidade de asistir ao concerto FFF en apoio á viaxe do alumnado de 1º de bacharelato a Dublín.
Actuarán os grupos Lost in the woods, Os atrevidos de Barcala e Limagoia.
A entrada terá un custo de 3€, para contribuir aos custos da viaxe.
Animádeos. Quedamos no salón de actos do IES Xulián Magariños, o domingo 18 ás 18:30 horas, e disfrutaremos dun magnífico concerto de música para escoitar, cantar e bailar!
Este curso a excursión de 4º de ESO cambia de lugar. Despois de varios anos visitando Asturias e Cantabria o alumnado de 4º escolleu Portugal, en concreto Lisboa e arredores como destino. Serán 45 rapaces e rapazas acompañados dos profesores Nuria Araujo, Margarita Gil e José Luis Mateos os que disfrutarán desta viaxe. Moita sorte e que o pasedes moi ben.
Algunha foto (todas dispoñibles no Facebook)
No miradoiro Cristo Rey
Aquí tedes algúns simuladores en liña recomendables para reforzar os contidos impartidos nas materias tecnolóxicas
ELECTRICIDADE -ELECTRÓNICA
Este curso a excursión de 4º de ESO cambia de lugar. Despois de varios anos visitando Asturias e Cantabria o alumnado de 4º escolleu Portugal, en concreto Lisboa e arredores como destino. Serán 45 rapaces e rapazas acompañados dos profesores Nuria Araujo, Margarita Gil e José Luis Mateos os que disfrutarán desta viaxe. Moita sorte e que o pasedes moi ben.
Algunha foto (todas dispoñibles no Facebook)
No miradoiro Cristo Rey
Este curso a excursión de 4º de ESO cambia de lugar. Despois de varios anos visitando Asturias e Cantabria o alumnado de 4º escolleu Portugal, en concreto Lisboa e arredores como destino. Serán 45 rapaces e rapazas acompañados dos profesores Nuria Araujo, Margarita Gil e José Luis Mateos os que disfrutarán desta viaxe. Moita sorte e que o pasedes moi ben.
Algunha foto (todas dispoñibles no Facebook)
No miradoiro Cristo Rey
O día 15 de marzo, publicouse no DOG a Orde do 27 de febreiro de 2018 pola que se convocan os premios extraordinarios de bacharelato correspondentes ao curso 2017/18.
O prazo de presentación de solicitudes será dun mes contado a partir do día 2 de maio de 2018.
Este curso a excursión de 4º de ESO cambia de lugar. Despois de varios anos visitando Asturias e Cantabria o alumnado de 4º escolleu Portugal, en concreto Lisboa e arredores como destino. Serán 45 rapaces e rapazas acompañados dos profesores Nuria Araujo, Margarita Gil e José Luis Mateos os que disfrutarán desta viaxe. Moita sorte e que o pasedes moi ben.
Algunha foto (todas dispoñibles no Facebook)
No miradoiro Cristo Rey
Este curso a excursión de 4º de ESO cambia de lugar. Despois de varios anos visitando Asturias e Cantabria o alumnado de 4º escolleu Portugal, en concreto Lisboa e arredores como destino. Serán 45 rapaces e rapazas acompañados dos profesores Nuria Araujo, Margarita Gil e José Luis Mateos os que disfrutarán desta viaxe. Moita sorte e que o pasedes moi ben.
Algunha foto (todas dispoñibles no Facebook)
No miradoiro Cristo Rey
Un grupo de 10 alumnos e alumnas de 3º ESO, 1º BAC e 2º BAC participará na V Olimpiada Filosófica que se celebrará en Santiago. Podedes ver o programa aquí.
