Skip to Content

Protocolo COVID IES de Vilalonga

Pódese consultar aquí o novo Protocolo COVID, atendendo ás directrices da Consellería de Sanidade do 20 de abril de 2022.

PUBLICADAS AS LISTAXES PROVISIONAIS DE PERSOAS ADMITIDAS E NON ADMITIDAS CURSO 22-23

Informamos de que están publicadas as listaxes provisionais de persoas admitidas e non admitidas no IES de Vilalonga para o curso 2022-23 e que poden consultarse na aplicación admisionalumnado e no taboleiro do centro.

DIRECTRICES SOBRE O USO DA MÁSCARA NO ÁMBITO EDUCATIVO EN GALICIA (21/04/22)

A Consellería de Sanidade publicou no día de hoxe unha serie de directrices sobre o uso da máscara no ámbito educativo na comunidade autónoma de Galicia.

Podes consultar a información na seguinte ligazón.

PROBAS DE ACCESO A CICLOS FORMATIVOS DE GRAO MEDIO

Podedes pinchar na seguinte ligazón para obter a listaxe definitiva de solicitudes e a resolución definitiva de exencións para as probas de acceso a ciclos formativos de grao medio na convocatoria ordinaria 2022, así como as instrucións e asociación de centros e sedes para a realización da proba.

MODIFICACIÓNS DAS PROGRAMACIÓNS DIDÁCTICAS PARA ADAPTALAS Á ORDE DO 25 DE XANEIRO DE 2022 (revisado 11/05/22)

Publicamos as modificacións das programacións de ESO e Bacharelato esixidas pola publicación da ORDE do 25 de xaneiro de 2022 pola que se actualiza a normativa de avaliación nas ensinanzas de educación primaria,de educación secundaria obrigatoria e de bacharelato no sistema educativo de Galicia.

 

AVISO INTERRUPCIÓN AULA VIRTUAL 12 ABRIL

O próximo martes 12 de abril de 2022 ás 8:00 horas comezarase un proceso de actualización do Moodle das aulas virtuais no proxecto Webs Dinámicas á versión 3.9.13. Actualizaranse ademáis algúns dos engadidos instalados.

Estímase que este proceso teña unha duración aproximada de 8 horas.

Para que este proceso de actualización non se vexa afectado polo acceso dos usuarios á aula virtual, esta permanecerá fóra de servizo ata a finalización do mesmo. A páxina web e a galería de imaxes permanecerán dispoñibles en todo momento.

PROCEDEMENTO E PRAZOS PARA A PRESENTACIÓN E A TRAMITACIÓN DAS RECLAMACIÓNS EN CICLOS DE FORMACIÓN PROFESIONAL

Conforme o establecido no artigo 13.4.º do Real decreto 732/1995, do 5 de maio, polo que se establecen os dereitos e os deberes do alumnado e as normas de convivencia nos centros, os alumnos e as alumnas, no caso de seren maiores de idade, ou os seus pais e as súas nais, así como os seus titores e as súas titoras legais, no caso de non selo, poderán reclamar ante a dirección do centro as decisións e as cualificacións que se adopten como resultado dos procesos das avaliacións finais.

No caso de ciclos formativos de 2.000 horas de duración, o dereito de reclamación será
extensivo a aquelas avaliacións parciais en que se propoña o acceso á realización do módulo de formación en centros de traballo en período ordinario, logo de finalizada a docencia dos módulos de formación no centro educativo.

As referidas reclamacións deberán basearse nalgún dos seguintes aspectos:

a) A reclamación presentarase por escrito ante a dirección do centro, no prazo máximo
de dous días lectivos contados desde o día seguinte a aquel en se produza a comunicación da cualificación final ou da decisión adoptada.

b) O director ou a directora do centro trasladará a reclamación ao departamento correspondente para que emita o oportuno informe sobre os aspectos sinalados no punto anterior, no cal deberá formularse proposta de ratificación ou rectificación na cualificación outorgada.

Logo de recibido o dito informe, o director ou a directora do centro emitirán resolución
ao respecto. Este proceso estará rematado nun prazo máximo de cinco días naturais, incluída a comunicación ao alumnado, contados a partir do seguinte ao da presentación da reclamación.

c) Contra a resolución do director ou da directora do centro, a persoa solicitante poderá
presentar recurso de alzada perante o xefe ou a xefa territorial no prazo máximo dun mes a partir da súa notificación; a dita resolución esgotará a vía administrativa. No caso de que o recurso se presente no centro, a dirección deste tramitarao xunto cunha copia da programación do módulo profesional correspondente, dos informes elaborados no centro e dos instrumentos de avaliación que xustifiquen a información recollida durante o proceso de avaliación do alumno ou a alumna e utilizada para obter a cualificación outorgada.

ADXÚNTASE O MODELO DE CENTRO PARA A PRESENTACIÓN DA RECLAMACIÓN

COMUNICACIÓN CONXUNTA DAS CONSELLERÍAS DE EDUCACIÓN E SANIDADE (01/04/22)

As Consellerías de Educación e Sanidade veñen de publicar un comunicado conxunto sobre a nova estratexia e control do SARS - COV 2 na etapa de transición no eido educativo en Galicia.

De acordo coa nova estratexia e control, as recomendacións preventivas para casos sospeitosos, confirmados e contactos poden consultarse aquí.

 

Tal como se recolle nas "Medidas de prevención, higiene y promoción de la salud frente a COVID 19 para centros educativos" nas que participan as CCAA, no referente ás actuacións ante síntomas do alumnado compatible coa COVID-19 ou doutras enfermidades potencialmente transmisibles, estase a redomendar continuar coa medida que estaba en vigor antes da pandemia; é dicir, que o alumnado non acuda ao centro ata que melloren os seus síntomas.

 Pica na imaxe para máis información.

 

ABERTO O PRAZO DE SOLICITUDE DE BOLSAS PARA O ENSINO POSTOBRIGATORIO

 

 

Hoxe abriu o prazo da convocatoria de bolsas de estudos para niveis postobrigatorios (estará aberto ata o 12/05/2022).

É importante que o alumnado interesado solicite a bolsa en prazo, aínda que non coñeza todavía que tipo de ensinanza cursará e onde vai estudar o vindeiro curso.

Podedes consultar toda a información en http://xuventude.xunta.es/

ADMISIÓN 1º DE BACHARELATO: ABERTO PRAZO PRESENTACIÓN CRITERIOS BAREMO

Dado que temos recibido MÁIS SOLICITUDES DE ADMISIÓN QUE PRAZAS OFERTADAS PARA 1º DE BACHARELATO, tanto na modalidade de Ciencias como de Humanidades e Ciencias Sociais, teremos que proceder á baremación das solicitudes. Como esta situación era previsible, coas solicitudes xa se entregou a documentación para este fin. De todos os xeitos, A PARTIR DE MAÑÁ XOVES 24 DE MARZO E ATA O 7 DE ABRIL PODERASE PRESENTAR NOVA DOCUMENTACIÓN PARA O BAREMO. Recordamos que o listado provisional publicarémolo o 25 de abril.

Poden consultar prazos, normativa e máis imformación no cabeceiro desta páxina web que leva por título: PROCEDEMENTO DE ADMISIÓN DE ALUMNADO NO IES PARA O CURSO 2022/2023

 

Distribuir contido


by Dr. Radut