BENVIDOS AO ESPAZO WEB DO IES VALLE INCLÁN

 Recreación da fachada do Instituto, de Isidro Cortizo, a partir dun linóleo feito por ex-alumnos de 4º da ESO (fachada de Primavera)

Entra virtualmente ao Paraninfo do Instituto. Animación feita por ex-alumnos de 4º ESO

 

ENTREGA DE NOTAS AO ALUMNADO DE 2º DE BACHARELATO DE ADULTOS

O alumnado de 2º de Bacharelato de adultos recollerá as súas notas da avaliación ordinaria o martes 18 de maio ás 10 da noite.

PLAN PROXECTA POR 365 DÍAS DE RESPECTO E IGUALDADE

Dentro do Plan Proxecta por 365 días de respecto e igualdade o alumnado de 4º de ESO tivo unhas charlas impartidas por Ángela Fraga (da cooperativa "Feitoría verde") co título "Diversidades Sexo-xenéricas e afectivo-sexuais". Pica na imaxe para ver máis fotografías.

PLAN PROXECTA: FROITA NA ESCOLA

Ao longo desta semana continua desenvolvendose no marco do plan proxecta e o programa froita escolar, coordinado polo Departamento de Educación Física, a entrega dunha froita distinta cada día ao alumnado no recreo. Pica na imaxe para ver as froitas desta semana.

O COIDADO NOS CONTOS DE PARDO BAZÁN

O 12 de maio de 1921 falecía Emilia Pardo Bazán, unha das máis importantes escritoras de finais do s. XIX. Un século despois, coma homenaxe desta efeméride, o alumnado  de 4º ESO reflexiona sobre o coidado en algúns dos seus contos. Pica na seguinte imaxe para ver o vídeo.

 

LISTAXES DEFINITIVAS DE ALUMNADO ADMITIDO PARA O CURSO 2021/2022 E DATAS DE MATRÍCULA

Pica na imaxes para ver respectivamente a información sobre a publicación das listaxes definitivas do proceso de admisión para o curso 2021/2022 e o cadro coas datas nas que debe realizarse a matrícula.

 

  

 

SEMANA DE EUROPA NO IES VALLE INCLÁN

Artigo publicado na edición dixital do Faro de Vigo

A Escola Mentora Embaixadora IES Valle-Inclán coordinada pola profesora Leonor Rodríguez Tato celebrou esta semana o día de Europa (9 de maio) desenvolvendo as seguintes actividades: 

1. O alumnado do Centro realizou concursos sobre a Unión Europea  nas clases para  dar a coñecer as cuestións básicas da UE:  Cantos países forman a UE?  Cantas son as  linguas oficiais? É o galego unha lingua oficial da UE?  Cal  é o órgano de goberno da UE? Que oito países non utilizan o euro? Cal é o país máis pequeno,  e o máis grande? O de máis densidade de poboación? Cal é a diferencia entre Consello e Consello Europeo ?. Pica na imaxe para ver máis fotografías.

 

 

2. INFOPOINT: Día  de  Europa con preguntas básicas con código QR e novas de maio da UE. Pica na imaxe para ver máis fotografías.

 

 

 3. O xoves  6 de maio o alumnado Embaixador de 1º Bacharelato tivo dúas videoconferencias organizadas por Europe Direct a Coruña  sobre bolsas ERASMUS.

O alumnado e exalumnos Erasmus falaron dos seguintes puntos:

  • Certificación de idiomas para bolsas Erasmus
  • Bolsas da Xunta e do Ministerio 
  • Organizacións como ESN que axudan a estudantes Erasmus 
  • Materias convalidadas 
  • Podcast: Destino Erasmus 
  • Países aos que pedir destino dependendo do perfil do alumno

 Pica na imaxe para ver máis fotografías.

 

  

4. O venres 7 de maio alumnos Embaixadores desprazáronse ao colexio Alvarez Limeses para falar da UE cos mapas entregados por Europe Direct A Coruña co fin de que o alumnado poidese comentar os símbolos de cada país e debuxar a súa visión da UE. Tamén entregaron e explicaron nos colexios San Xosé e Barcelos estes mapas. Pica na imaxe para ver máis fotografías.

 

 

A UNIÓN EUROPEA: SABERÍAS CONTESTAR?

Pica na imaxe e proba os teus coñecementos sobre a Unión Europea.

OBRADOIRO "POESÍA E COIDADOS" CO ALUMNADO DE 2º DE ESO

Este luns e martes 3 e 4 de maio tivo lugar o obradoiro coa temática "Poesía e Coidados" para o alumnado de 2º de ESO. Este obradoiro de reflexión e escrita creativa impartido pola escritora Elvira Ribeiro Tobío é unha actividade do Club de Letras do Centro. Pica na seguinte imaxe para ver todas as fotografías.

CALENDARIO DE EXAMES DA AVALIACIÓN FINAL DE PENDENTES DE ESO

Na seguinte imaxe tedes o calendario de exames da avaliación final de pendentes de ESO.

Distribuir contido