BENVIDOS AO ESPAZO WEB DO IES VALLE INCLÁN

 Recreación da fachada do Instituto, de Isidro Cortizo, a partir dun linóleo feito por ex-alumnos de 4º da ESO (fachada de Verán)

Entra virtualmente ao Paraninfo do Instituto. Animación feita por ex-alumnos de 4º ESO

 

LIGAZÓN DE ACCESO ON LINE AO ACTO DE RECOÑECEMENTO DOS MELLORES EXPEDIENTES ORGANIZADO POLA UNIVERSIDADE DE SANTIAGO DE COMPOSTELA

Unha vez máis desde o Programa “A Ponte entre o Ensino Medio e a USC”  organizan o Acto de recoñecemento ao mellor alumnado de Centros de Ensino Medio de Galicia.

Para este recoñecemento o alumnado ten que ter unha nota superior a 9 na fase xeral da ABAU.

O acto terá lugar o xoves, día 24 de xuño, ás 17:00 horas no Salón Nobre de Fonseca da USC.

As circunstancias non permiten que sexa un acto multitudinario presencial pero iso non vai impedir celebrar un acto conxunto no que se faga chegar os parabéns da USC ao estudantado que acadou resultados sobresaíntes nas ABAU.

O acto estará presidido polo reitor da USC e contará coa presenza do alcalde de Santiago e da alcaldesa de Lugo, acompañados por unha representación do Equipo Reitoral e dos Decanos e Directores dos centros da USC. Tamén estarán presentes un grupo de 20 estudantes acompañados dos seus pais ou titores e será retransmitido en streaming a través da canle Youtube da USC.

O acto deste ano está preparado para emitirse por streaming a través da canle Youtube da USC a partir das 16:30 horas na dirección:

https://youtu.be/TkMbtPmsXLo

Tamén podedes conectaros a través do Enlace para  Directos  do canle YouTube da USC  (só para Navegador) :

 https://www.youtube.com/user/UniversidadeUSC/live

 

AS ALUMNAS PAULA DOMÍNGUEZ CON 13,82 E SARA VARELA CON 13,77 MELLORES NOTAS DA ABAU NA CIDADE DE PONTEVEDRA

As alumnas de 2º de Bacharelato Paula Domínguez Barreiro con 13,82 e Sara Varela Martínez con 13,77 acadaron as dúas mellores notas da ABAU na cidade de Pontevedra. Parabéns e moita sorte na vida universitaria que agora comezades.

Picade nas ligazóns inferiores para ver a entrevista realizada ao alumnado da cidade de Pontevedra que levou as mellores notas na ABAU no Diario de Pontevedra e na Voz de Galicia.

 

Noticia publicada na edición dixital da Voz de Galicia

Noticia publicada na edición dixital do Diario de Pontevedra

ÁLVARO BARBAZÁN E EVA LAGO RECOLLERON OS SEUS PREMIOS DA OLIMPÍADA DE TRADUCIÓN DE TEXTOS CLÁSICOS

Este Martes 22 de xuño tivo lugar no Salón de Graos da facultade de Filoloxía de Santiago de Compostela a entrega de premios da VI Olimpíada de tradución de textos clásicos na que o alumno Álvaro Barbazán Dominguez obtivo o primeiro premio na modalidade de Lingua Grega e a alumna Eva Lago Cobas o segundo premio na modalidade de Lingua Latina. 

O acto estivo presidido polo Presidente de SEEC-Galicia, o Director do Departamento de Filoloxía Clásica, Francesa e Italiana da USC  e o Decano da facultade de Filoloxía da USC. 

Parabéns ao noso alumnado e aos seus profesores Juan Gil e Luisa Budiño que os acompañaron no acto.

Pica na imaxe para ver máis fotografías.

XA TEMOS GAÑADORAS DO V CONCURSO DE RELATOS VALLE-INCLÁN

Xa temos gañadoras do V Concurso de Relatos Valle-Inclán nas categorías B (3º-4ºESO) e C (1º-2ºESO), en Bacharelato o premio quedou deserto. A continuación tes os seus nomes e podes picar na imaxe inferior para ver máis fotografías do acto de entrega de premios que tivo lugar hoxe pola tarde no paraninfo do Centro.

 

 

 

A ALUMNA DE 4º DE ESO ALMUDENA SUÁREZ RUIZ RECIBIU O PREMIO "PROTAGONISTAS DEL MAÑANA 2021" DO ROTARY CLUB DE PONTEVEDRA

O pasado venres 18 de xuño a alumna de 4º de ESO D Almudena Suárez Ruiz recibiu no Liceo Casino o premio "Protagonistas del mañana 2021" que foi convocado polo Rotary Club de Pontevedra. O premio foi concedido polo seu labor e servizo realizado a través da honradez, a solidariedade e o espíritu emprendedor que a converten nun exemplo para a mocidade e a sociedade actual.

No acto participaron o Presidente do Rotary Club, o Vicerreitor da Universidade de Vigo e o Concelleiro de Educación de Pontevedra. Almudena estivo acompañada pola súa familia, o Vicedirector do IES Valle Inclán e a profesora que lle animou a presentarse, María de los Santos Gago.

Artigo publicado na edición dixital do Faro de Vigo

Pica na imaxe para ver máis fotografías

 

AS ALUMNAS ALICIA DOPAZO CENDÓN E PAULA FARIÑA MARTÍNEZ GAÑADORAS DO BEN VEÑAS MAIO NAS CATEGORÍAS DE CURTAMETRAXE E NARRACIÓN CURTA RESPECTIVAMENTE

A alumna de 1º de Bacharelato C Alicia Dopazo Cendón acadou o primeiro premio no certame Ven Beñas Maio 2021 na categoría de Curtametraxe. Así mesmo a alumna de 2º ESO C, Paula Fariña Martínez obtivo o primeiro premio na certame de Narración Curta, categoría A (ata 14 anos) pola obra "Naceu e morreu sendo galego". 

As nosas artistas recibiron no paraninfo do Centro os seus premios. A profesora Élida Abal Santorum entregoulle o galardón a Paula Fariña e o Vicedirector do Centro Francisco Suárez entregou o premio a Alicia Dopazo. No acto tamén participou a Coordinadora do Equipo de Dinamización Lingüística da Lingua Galega, a profesora Ana Salgado  Domínguez.

Pica no seguinte texto para ver todos os premiados e na imaxe para ver máis fotografías.

Premiados Ben Veñas Maio 2021

PLAN PROXECTA: PONLLE PILAS AO TEU BOCATA

No marco do plan Proxecta o departamento de Educación Física continua promovendo hábitos alimentarios de vida saudable no alumnado. A última actividade foi "Ponlle pilas ao teu bocata" desenvolvida os pasados xoves e venres na biblioteca do Centro. 

Pica na imaxe para ver máis fotografías.

 

 

EXPOSICIÓN VIRTUAL DE TRABALLOS DAS MATERIAS DE EDUCACIÓN PLÁSTICA E VISUAL E DEBUXO TÉCNICO DO ALUMNADO DA PROFESORA SELO BLANCO

No seguinte vídeo tedes unha selección de traballos do alumnado nas materias de Educación Plástica e Visual e Debuxo Técnico desenvolvidos ao longo do curso 2020-2021 coa profesora de debuxo Selo Blanco.

 

Distribuir contido