Skip to Content

Bolsas e Axudas

Becas e axudas

Axudas para a realización de actividades de formación en linguas estranxeiras no ano 2020

Xov, 27/02/2020 - 05:58
   

  Publicación no DOG do día 26 de febreiro, da Orde do 10 de febreiro de 2020, pola que se convocan axudas para a realización de actividades de formación en linguas estranxeiras no ano 2020, destinadas ao alumnado dos centros docentes sostidos con fondos públicos, en réxime de concorrencia competitiva, xúntase cartel informativo.

    O prazo de presentación de solicitudes comeza o día 27 de febreiro e remata o día 26 de marzo.

   A información sobre este programa, así como a aplicación "en liña" que se menciona na convocatoria, atoparase nesta páxina web.

          Cartel informativo

Admitidos e excluídos no fondo solidario de libros de texto para o curso 2019-20

Ven, 13/09/2019 - 08:03
   

       Procédese á plublicación das listaxes definitivas do alumnado admitido e excluído no Fondo Solidario de libros de texto para o curso 2019-20.

                    Fondosolidario-DOGA

Fondo solidario para libros de texto e material escolar 2019

Mér, 10/07/2019 - 10:47
   

       O 11 de xullo publicarase no taboleiro de anuncios do centro:

1- Listaxe provisional de persoas beneficiarias de libros de texto do fondo solidario e vales para material. Aquí

 2- Listaxe provisional de solicitudes excluídas, indicando a causa de exclusión. Aquí
 
3- Relación provisional de solicitudes de axudas para adquirir libros de texto e material escolar en que se detecten deficiencias, indicando a deficiencia detectada e a documentación da que carezan. Aquí

    As persoas interesadas poderán reclamar nos dous (2) días seguintes á publicación da listaxe provisional: os días 12 (venres) e 15 (luns) de xullo.

                    Fondosolidario-DOGA

Convocatoria dos premios extraordinarios de ESO, 2018/19

Mér, 29/05/2019 - 06:06
   

       Hoxe, 29 de maio, publicouse no DOG a Orde do 20 de maio de 2019 pola que se convocan os premios extraordinarios de educación secundaria obrigatoria ao rendemento académico correspondentes ao curso 2018/19.
     O prazo de presentación de solicitudes comezará o día 6 de xuño de 2019 e rematará o día 5 de xullo de 2019.
    As solicitudes (anexo I) subscribiranas directamente as persoas interesadas e  presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia.
    A celebración da proba terá lugar o día 5 de setembro de 2019.

Remata o plazo de solicitude dos Premios Extraordinarios de Bacharelato 2019.

Lun, 27/05/2019 - 05:44
   

    Lémbrase ó alumnado que reúne as condicións para solicitar os Premios Extraordinarios de Bacharelato que mañá, día 28 de maio, finaliza o prazo de solicitude.

    O día 11 de abril publicouse no DOG a Orde do 28 de marzo de 2019  pola que se convocan os premios expraordinarios de bacharelato correspondentes ao curso 2018-2019.

    A estes premios pode optar o alumnado que obtivese unha nota media do bacharelato igual ou superior a 8,75.

    Hai vinte premios extraordinarios cunha dotación global de 20.000 euros. Cada premio estará dotado con 1.000 euros.

                                       máis información

Axudas para a adquisición de material escolar

Mar, 21/05/2019 - 03:57
    

     Abrese o prazo para solicitar as axudas á compra de libros de texto e material escolar ou acceder ao fondo público

    1-  As familias dispoñen de prazo ata o 21 de xuño para presentar nos centros educativos as correspondentes solicitudes.

    2- Poderá acceder ao fondo solidario de libros de texto o alumnado matriculado en 3º e 4º de ESO.

O alumnado matriculado en 1º e 2º de ESO, cursos incluídos no proxecto educación dixital (E-DIXGAL), está excluído da participación no fondo solidario de libros de texto e das axudas para adquirir libros de texto. No obstante, poderá solicitar a axuda para adquirir
material escolar cando reúna os requisitos establecidos na orde.

    3- A maiores establécese un vale de 50 euros para a compra de material escolar, destinado a familias cunha renda per cápita familiar igual ou inferior a 5.400 euros.

                    máis información e descarga de solicitudes

Convocadas axudas para actividades formativas STEM en lingua inglesa, STEMweek, no ano 2019

Ven, 26/04/2019 - 12:11
   

     Ven de publicarse no Diario Oficial de Galicia a Orde do 4 de abril de 2019 pola que se convocan axudas para a realización das actividades formativas STEM en lingua inglesa, STEMweek, no ano 2019, destinadas ao alumnado dos centros docentes sostidos con fondos públicos, en réxime de concorrencia competitiva.

    O prazo para a presentación de solicitudes será desde o 30 de abril ao 30 de maio de 2019, ambos os dous incluídos.

Premios extraordinarios de bacharelato

Ven, 26/04/2019 - 11:40
   

    O día 11 de abril publicouse no DOG a Orde do 28 de marzo de 2019  pola que se convocan os premios expraordinarios de bacharelato correspondentes ao curso 2018-2019.

    A estes premios pode optar o alumnado que finalizase os estudos de bacharelato no curso 2018/19 nun centro docente da Comunidade Autónoma de Galicia, que fose proposto para o título na convocatoria ordinaria do dito curso e obtivese unha nota media do bacharelato igual ou superior a 8,75.

    Hai vinte premios extraordinarios cunha dotación global de 20.000 euros. Cada premio estará dotado con 1.000 euros.

    O prazo de presentación de solicitudes será dun mes; comezará o día 29 de abril de 2019 e rematará o día 28 de maio de 2019.

                                       máis información
Distribuir contido


by Dr. Radut