O alumnado que pertence aos Clubs de Lectura, ao Equipo de Normalización Lingüística (EDLG) e ao Comité de Igualdade, realizou unha visita á illa de San Simón, lugar tristemente ligado á memoria histórica, e posteriormente acudiu ás Salinas de Ulló en Vilaboa, para coñecer unha importante mostra do patrimonio cultural que conservamos preto de Pontevedra. Durante a visita guiada á Illa, alén de coñeceren as diferentes edificacións e posteriores restauracións e creacións de César Portela ou a vexetación endémica do lugar, aproveitouse este idílico escenario para que o alumnado realizase u unha lectura de poemas organizada por Anxos Rial.
