Como ben sabedes, o alumnado colaborador co Comité de Igualdade, foi de visita ao Salón do Libro acompañado polos compañeiros e compañeiras de dinamización, e dos clubs de lectura. Todos e todas asistiron a un concerto sociolingüístico no que membros de Zënzar amosaban diferentes cancións deles e doutros grupos que cantan na nosa lingua, ao tempo que facían reflexionar sobre o seu uso. Por outra banda, unha compañeira da veterana banda chamada LAURA ROMERO, achegounos un proxecto feminista propio MÚSICAS GALEGAS ILUSTRADAS (https://musicasgalegasilustradas.com/), que xorde da necesidade de encher un baleiro ben significativo, o das mulleres que se dedican á música, para visibilizalas e poñelas en valor. Actividade redonda!!!!
