A mañán do luns 11 de marzo, unha pequena representación dos nosos clubs de lectura (1º e 2º de ESO) asistimos á Festa dos Clubs de lectura organizado polo Salón do Libro de Pontevedra.
A esta festa acudimos os clubs dos centros de ensino medio de Pontevedra e tamén os de Cuntis e de Poio. Fomos recibidos polo persoal do Salón que nos deu a benvida e logo o escritor e músico Lois Pérez foi o condutor da festa coa súa poesía e a súa música:
A POESÍA É COMA A NEVE
A NEVE É ALGO PARECIDO Á POESÍA
A NEVE MÁRCHASE
A POESÍA DESAPARECE NA POESÍA
O TEMPO DESAPARECE NO TEMPO
Estes foron algúns dos versos-proclamas cos que nos agasallou Lois Pérez. Cantamos con el e desfrutamos dos seus músico-poemas:
A POESÍA ESTÁ NA PERIFERIA, NAS MARXES, E SEN EMBARGO... PRECISÁMOLA.
Logo da actuación do poeta realizamos a presentación dos nosos clubs e das obras que lemos este curso. A seguir houbo un sorteo de libros tras responder a preguntas relacionadas coas nosas lecturas. Ningún centro se foi coas mans baleiras.
Agradecemos ao Salón do Libro que nos convidase a participar nesta gran festa.
Pica na foto para ver o álbum
