DÉCIMA SESIÓN DO TALLER DE MATEMÁTICAS: A AGULLA DE BUFFON

Co gallo da celebración do DÍA DE PI o vindeiro 14 de marzo, dedicamos esta sesión a calcular pi usando probabilidades.

A agulla de Buffon é un experimento proposto polo Conde de Buffon en 1777. Consiste en deixar caer unha agulla sobre unha superficie dividida en partes iguais e anotar as veces que a agulla cruza algunha das liñas. Despois de lanzar a agulla moitas veces comprobou que o seu experimento estaba relacionado co número pi.
Pódese demostrar que, se a lonxitude da agulla é igual á separación entre as liñas, a probabilidade de que a agulla corte a liña é 2/pi.