Plan Proxecta. O papel da muller na ciencia.

Mary Somerville naceu o 26 de decembro de 1780 en Escocia. Recibiu unha educación puramente “feminina”. Os seus pais nunca apoiaron o seu interese polas matemáticas, polo que estudaba ás agachadas. Nunca tivo unha educación formal, todo o que aprendeu fíxoo de forma autodidacta.

Olga Taussky -Todd naceu o 30 de agosto de 1906 en Olomouc. Cando tiña tres anos, ela e a súa familia trasladáronse a Viena onde padeceron a fame que provocou a I Guerra Mundial.

Na última sesión do taller de matemáticas deste trimestre seguimos coñecendo máis aspectos da vida de Ada Lovelace: aprendemos que hai unha linguaxe de programación que leva o seu nome, ADA, ou que Google lle dedicou un doodle no 2012:

Durante as primeiras semanas de novembro, co gallo da celebración do Día da Ciencia en Galego e dentro do Plan Proxecta "Donas de si", puidemos ver a exposición A muller innovadora na ciencia e traballar co alumnado cun cuestinario proposto polo EDLG.

Charlotte Angas Scott é, probablemente, unha das máis descoñecidas das matemáticas que trataremos neste curso.

Destaca como figura clave no acceso das mulleres á formación e á carreira de matemáticas.

O noso alumnado descubriu que, en Cambridge, ata 1948, as mulleres non podían obter a titulación con honores tal e como a recibían os homes.