CONCERTO DIDÁCTICO DA OSG NO PAZO DA ÓPERA DA CORUÑA PARA ALUMNADO DE 2º DE ESO
O venres 19 de xaneiro de 2024 o alumnado de 2º de ESO acudiu ao Pazo da Ópera da Coruña para asistir ao concerto didáctico "Xogo de espellos" desenvolvido pola Orquestra Sinfónica de Galicia (OSG) nunha actividade organizada polo Departamento de Música do IES Monte das Moas.
En "Xogo de Espellos", a través dunha estética actual, con música para piano de compositores coñecidos como Chopin, Beethoven, Bach e outros, Javier Otero establece un xogo coa música electrónica no que pregunta: Que teñen en común Lady Gaga coa música do Romanticismo? Teño oído musical? Hai que saber de música para gozar de Beethoven?
A música electrónica pode establecer pontes coa música“clásica”, pero tamén Bach pode establecer nexos coa música electrónica.
Todo isto en directo e participando do proceso creativo.
No transcurso da actividade a nosa alumna Amanda López Puñal (2º ESO C) tivo un destacado papel e demostrou os seus coñecementos e destrezas musicais.
