Desde hai uns anos vimos celebrando no 24 de febreiro o Día da Poesía, para homenaxear a Rosalía de Castro na data do seu nacemento. Consideramos que é a poeta máis coñecida internacionalmente e máis destacada das nosas letras, polo que debemos sumarnos a esta celebración.
Preparamos un recital poético que, por motivos organizativos, celebraremos o 1 de marzo e no que participa o profesorado, o alumnado e o persoal non docente. Cada persoa pode escoller o poema que queira, de Rosalía ou doutros autores e na lingua que prefira, iso si, só textos poéticos para conmemorar esta data.
Durante unha sesión todo o instituto estará gozando da poesía ou ben recitando ou ben escoitando as palabras dos distintos creadores nas voces dun dos nosos compañeiros. Será unha hora distinta, unha hora dedicada á palabra poética que non deixará indiferente a ningún de nós.
Podedes ver aquí as fotos de varios participantes:
Se queredes escoitar os poemas pinchade no nome da cada un dos participantes:
Ariadna, alumna de 4º, recitando a Vicente Huidobro
Daysi, alumna de 2º, recitando a Rosalía de Castro
David, profesor de Historia e Lingua Galega, recitando a José Martí
Elda, profesora de Educación Física, recitando a Antón Tovar
Fátima, alumna de 2º, recitando a Celso Emilio Ferreiro
Iria, alumna de 4º cun poema de Ramón Cabanillas
Lara, alumna de 3º a Cristina P. Rossi
Lucita, profesora de Pedagoxía Terapéutica recitando un poema-trabalinguas "O pato" e "A garota de Ipanema"
María José, Orientadora, que recita a Ángel González e a Gustavo Adolfo Bécquer
María, profesora de Educación Plástica e Visual, recitando a Ángel González soa, ou coa axuda de Pedro Guerra
Marisol, alumna de 2º, recitando a Rosalía de Castro
Martina, alumna de 2º, recitando a Curros Enríquez
Miguel, alumno de 1º, recitando a Miguel Hernández
Modesto, profesor de Historia, recitando a Miguel Hernández
Nerea, alumna de 2º, recitando a Bécquer
Xosé Manuel Pose, profesor de Matemáticas, recitando a Celso Emilio Ferreiro
Raquel, profesora de Tencoloxía, recita a Ramón Cabanillas
Renée, profesora de Lingua Francesa, recita a Konstantin Kavafis e a Jacques Prévert
Tamara, alumna de 3º, recita a Luis Alberto de Cuenca
Tania, alumna de 4º, recita a Avilés de Taramancos
Verónica, a administrativa do centro, recita a Federico García Lorca
Xosé, profesor de Lingua Inglesa, recita en latín a Catulo
Xurxo, alumno de 1º, recita a Juan Ramón Jiménez
Zoé, alumna de 2º, recita a Rosalía de Castro.
Aquí podedes escoitar un programa de radio monográfico sobre esta data, emitido coma sempre no espazo dos venres de O Son da Biblioteca.
Se queredes coñecer mellor a obra de Rosalía, vide á biblioteca buscar algúns dos seus libros ou discos que conteñen poemas musicados ou recitados por diferentes autores.
A Asociación de Escritores en Lingua Galega organiza nesta data unha lectura simultánea de textos rosalianos en moi diversos lugares de Galicia. Animámosvos a participar nalgún destes eventos para coñecer aínda mellor a súa obra.
Podedes ver imaxes e datos sobre a súa vida e obra nesta presentación elaborada polos compañeiros dunha biblioteca de Santiago, aos que agradecemos por compartila con todos.
Tamén podedes ver o que fixemos o ano pasado.
