A partir do luns 18 de outubro, o alumnado de Bacharelato que porte carné poderá saír do centro durante os períodos de lecer.
O Consello Escolar do IES Isaac Díaz Pardo, en sesión ordinaria celebrada o 29 de setembro de 2021, acordou:
Autorizar as saídas voluntarias nos períodos de lecer do alumnado de ensino non obrigatorio. Esta autorización está limitada ao alumnado que curse ensinanzas de Bacharelato.
O centro recadará as correspondentes autorizacións dos proxenitores do alumnado menor de idade non emancipado, para o cal remitirá información completa ás familias. As autorizacións deberán ser entregadas na Secretaría do centro, con data límite 15 de outubro de 2021.
O alumnado de ensino non obrigatorio maior de idade e menor de idade que conte con autorización dos proxenitores para a saída do centro nos períodos de lecer deberá portar carné expedido polo centro aos efectos de facilitar a identificación ante o profesorado de garda.
O alumnado deberá observar en todo momento as medidas de seguridade previstas nos protocolos e recomendacións sanitarias e retornar á actividade lectiva en tempo.
As condutas contrarias á convivencia que se poidan producir no tempo que o alumnado pase fóra do centro rexeranse polo establecido na Lei 4/2011, do 30 de xuño, de convivencia e participación da comunidade educativa.
