Xeografía e historia

Visita Parque Arqueolóxico de Campo Lameiro.

 

Saída ao Parque Arqueolóxico de Campo Lameiro.
Alumnado de 1º da ESO.

  • Obradoiro 1 sobre a metade silenciada: As mulleres na Prehistoria.
  • Obradoiro 2 sobre a caza na Prehistoria.
  • Visita á reconstrución dun poboado da Idade dos Metais.
  • Visita aos petróglifos que se conservan na contorna do parque.
  • Roteiro.


Profesorado acompañante: Diana,Toño e máis Olalla.

IV Gala dos Premios á Xuventude - Deputación de Pontevedra

O sábado día 19 celebrouse a IV Gala dos Premios á Xuventude no Pazo Provincial da Deputación de Pontevedra. Os Premios á Xuventude premian os traballos presentados en oito categorías distintas por mozos e mozas da provincia de entre 16 e 35 anos, aínda que no caso do apartado de Educación en Valores están dirixidos especificamente aos centros educativos. Nesta edición o noso centro obtivo o segundo premio neste apartado.

Queremos felicitar ás alumnas e alumnos de 4º de ESO do pasado curso 2019/2020 e ao profesorado que coordinou o proxecto Podcast: "Unha historia digna de contar".

Nomeadamente queremos destacar o entusiasmo e a organización de Diana e Quique e a colaboración das familias na elaboración destes contidos que podedes volver a experimentar no seguinte enlace:

Proxecto Podcast: Unha historia digna de escoitar

Presentación e síntese didáctica das materias do departamento XeH

Presentacións e proposta didáctica das materias:

  • 4º ESO Historia 
  • 4º ESO Economía 
  • 4º ESO Iniciación a actividade emprendedora e empresarial 
  • 3º ESO Xeografía e Historia 
  • 2º ESO Xeografía e Historia 
  • 1º ESO Xeografía e Historia 

III Olimpíada Galega de Historia

Queremos render unha homenaxe á nosa representación na III Olimpíada Galega de Historia.

Antía Novas Arribas, Carla Moital Fernández, Paula Fernández Cruz e Sara Soliño Iglesias formaron o equipo que se denominou Wollstonecraft.

Estas campioas de 4º de ESO obtiveron un espectacular cuarto posto a nivel galego no certame organizado pola Universidade de Vigo.

Á gala de entrega de premios que se celebrou na Facultade de Historia do Campus de Ourense, acudiron acompañadas pola súa titora/adestradora Diana Vilas Meis.

Os nosos parabéns a estas esforzadas deportistas do coñecemento!

https://www.lavozdegalicia.es/noticia/ourense/ourense/2020/07/11/pandemia-historia/0003_202007O11C12991.htm

https://www.farodevigo.es/portada-ourense/2020/07/11/premio-olimpico-alumnos-galicia-historia/2312575.html

https://www.laregion.es/articulo/ourense/mas-saben-pasado-suben-podio/20200710225309959278.html

 

PRESENTACIÓN NO AUDITORIO DE BUEU

29/02/2016 16:30
29/02/2016 17:25
Etc/GMT+1

Presentación da UNIDADE DIDÁCTICA "  A NENEZ GALEGA A TRAVÉS DOS ANTEOLLOS DE CASTELAO"

4º ESO na Pontevedra de Castelao

O xoves día 3 estivemos no Museo de Pontevedra visitando as dúas salas dedicadas a Castelao. Grazas ás fichas que nos deron, confrontamos a moi variada obra plástica deste artista: debuxos (de negros, da guerra, da vida cotiá, etc.), linóleos, cadros, carteis, etc. Ademais disto, tamén había revistas, fondos dixitalizados e ata as máscaras orixinais de Os vellos non deben de namorarse. O equipo de guías do museo estivo en todo momento pendente nosa e axudounos a localizar e entender as diferentes obras.

Máis tarde, fomos a unha visita pola zona histórica de Pontevedra, onde o guía, que fixo o paseo moi ameno cunha chea de anécdotas, nos ensinou os espazos que tiñan relación con Castelao e nos fixo comprender moitísimos aspectos do pasado e da evolución da cidade, algúns deles moi pero que moi sorprendentes. Algún quedou ata abraiado ao comprobar o fácil que é "inventar" a historia.

Uf, aínda menos mal que non nos choveu! Para ser unha mañá, quedou ben completa.

Presentación no Culturgal

04/12/2015 19:00
04/12/2015 20:00
Etc/GMT+1

Presentación do libro do noso compañeiro Óscar !

 

 

O vindeiro venres 4 de decembro dentro da programación do Culturgal (Feira das Industrias Culturais de Galicia, que se celebra no Pazo da Cultura de Pontevedra), terá lugar ás 19.00 h no Espazo foro a presentación do libro "A nenez galega a través dos anteollos de CASTELAO", dos autores: Diana Vilas Meis, Óscar Rodríguez García, Laura Carpente Tielas e Manuel Rodríguez Conde. Colabora: Gabinete didáctico do Museo de Pontevedra. Publica: Deputación de Pontevedra.

 

Roteiro Castelao

03/12/2015 09:00
03/12/2015 14:25
Etc/GMT+1

 

En Pontevedra con Castelao

 

O alumnado de 4º ESO desprazarase este xoves día 3 ata Pontevedra para saber máis

deste insigne persoeiro da cultura galega, cuxa obra deben estudar no presente

trimestre. Visitarase o espazo Castelao do Museo de Pontevedra, que tanta relación

ten co rianxeiro, onde terán a oportunidade de realizar actividades a partir da súa

obra gráfica. Máis tarde e acompañados por un guía do Concello, efectuarase o

Roteiro Castelao, o cal consiste nun paseo pola parte histórica da cidade visitando

todos aqueles lugares relacionados con este pontevedrés de adopción.

 

 

 

 

Distribuir contido