O pasado luns 17 de outubro arrancamos unha nova edición do club de ciencias do IES A Guía. Nesta ocasión o alumnado participante de todos os cursos da ESO e do Bacharelato, levou a cabo experimentos relacionados coa reciclaxe de papel, a aviación, a teoría de xogos, os modelos atómicos ou as forzas intermoleculares. Aquí podedes ver unha mostra dos experimentos da reciclaxe de papel.
O alumnado de 4º ESO e de 1º e 2º de bacharelato puido converterse en persoal científico do CINBIO investigando a composición de 3 tipos de zumes coa análise do contido de glicosa, pH e incluso cunha medida espectrofotométrica.
O venres 3 de xuño, o alumnado de 3º e 4º de ESO visitou as instalacións de Aula Newton no Parque Tecnolóxico de San Cibrao das Viñas. A visita englóbase dentro das actividades do club de ciencia, grazas á colaboración dos departamentos de Educación Física (conceptos básicos de orientación), Matemáticas (cálculos e medidas de distancias e ángulos) e Física e Química (cálculos de velocidade e distancias) para trazar unha ruta de voo que logo levaron á práctica nun simulador.
A semana pasada, o alumnado de 1º de ESO actuou ao estilo "GOT TALENT" con cancións adaptadas á Bioloxía e Xeoloxía, de elaboración propia. Un xeito diferente de aprender 
O luns 2 de maio, o alumnado foi quen de atopar 3 chaves agochadas nos arredores do IES A Guía, tras unha rolda de 3 preguntas científicas, para acadar a posibilidade de facer a proba final contestando a todas as preguntas do trivial.
O alumnado de 1º de ESO empezou a construír un disco de Newton, capaz de combinar as cores para xerar luz branca. Do mesmo xeito, observaron como se pode descompoñer a luz branca nas correspondentes cores.
Theme by Danetsoft and Danang Probo Sayekti inspired by Maksimer
