Queres aprender a facer un tetraedro de origami para xuntalos todos nunha árbore de Nadal?
Axudar cos adornos de Nadal?
Viches xa o reto matemático na cafetería? Sabes como resolvelo?
Anímate a participar!!!
Máis información e bases para participar en:
https://www.edu.xunta.gal/centros/iesguia/aulavirtual/course/view.php?id=589
Este 14 de decembro, o persoal da Escola de Enxeñaría de Minas e Enerxía da Universidade de Vigo desprazouse ao IES A Guía para a realización dun obradoiro de recoñecemento de minerais, dirixido ao alumnado de 4º de ESO e 1º de Bacharelato que cursan Bioloxía e Xeoloxía. Moitas grazas por visitarnos!
+
Este xoves 24 de novembro, o alumnado de 2º de bacharelato estivo preparando disolucións dunha molaridade concreta de ácido clorhídrido e de hidróxido de sodio para adquirir as destrezas e coñecementos para as probas de ABAU.
Este luns 14 de novembro tivo lugar unha nova quedada do club de ciencias do IES A Guía. Nesta ocasión, o alumnado participante rematou a reciclaxe de papel e continuou cos xogos matemáticos ademais de introducirse no mundo da cristalografía empregando distintas temperaturas para levar a cabo a cristalización do azucre.
O alumnado de 1º de Bacharelato de Ciencia e Tecnoloxía do IES A Guía está entre os 5 mellores equipos científicos do reto Challenge STEM, organizado pola Universidade da Coruña.
Ao longo do mes de outubro, case 270 estudantes de bacharelato e da Formación Profesional de toda Galicia competiron para resolver desafíos e enigmas dun buque de metano, o Mozah. Para a resolución do reto, demostraron coñecementos de Matemáticas, Física, Química, Tecnoloxía e de Ciencias en xeral.
Dende o IES A Guía queremos felicitar ao profesorado participante, e por suposto, e moi especialmente ao noso alumnado. PARABÉNS!!!!
Theme by Danetsoft and Danang Probo Sayekti inspired by Maksimer