Terceiro trimestre

Aló polo mes de febreiro varios alumnos e alumnas do Faro das Lúas participaron no VI Certame de Relato Curto da Fanpa de Pontevedra e cinco deles quedaron finalistas entre os case mil cen participantes desta edición. Parabéns a todos e especialmente a Wisam, Damien, Alba, Victoria e Javier.

Este luns, 11 de xuño, celebrouse o acto de entrega de premios no Pazo da Cultura de Pontevedra e alí foron os cinco acompañados polos seus pais e irmáns. O acto incluíu unha homenaxe ao autor Antonio García Teijeiro que lles dedicou unhas palabras de agradecemento e admiración aos participantes e que lles asinou os libros ao final. Tamén puideron gozar da magnífica actuación do coro do IES Xunqueira I e como non, todos recibiron un diploma acreditativo, un libro agasallo da editorial Kalandraka e, o máis importante, un exemplar do libro no que aparecen publicados os seus relatos.

Sabemos que xa están pensando no certame do ano que vén, así que ánimo e moita sorte, rapaces!

Máis fotos na galería

Os rapaces e rapazas de 2º ESO, aproximadamente uns 36 alumnos e alumnas, acompañados por tres profesores do Instituto saimos o venres 1 de xuño desde a praia de Espiñeiro na Illa de Arousa cara o illote de Areoso acompañados por tres monitores. O tempo non acompañaba especialmente pero o máis importante é que non facia vento e cos neoprenos non tivemos ningún problema: ata pasamos calor.

O illote de Areoso atópase a 2 kms da praia de Espiñeiro. Todos saímos en Kaiaks de dous e en grupos mixto.

De camiño ao illote paramos nunha batea onde a a monitora explicounos a importancia do cultivo do mexilón nas nosas Rías

Unha vez chegados ao illote os rapaces e rapazas bañáronse na praia e xogaron a diferentes xogos propostos polos monitores que nos acompañaban.

O illote do Areoso é un espacio natural protexido. Fai pouco tempo descubríronse restos arqueolóxicos que desgraciadamente non pudimos chegar a ver debido ao aniñamento que impedía o acceso.

Máis fotos na galería