O Día das Letras Galegas celebrouse por primeira vez en 1963, con motivo do centenario da publicación de Cantares Gallegos de Rosalía de Castro, que é a obra máis importante do noso Rexurdimento cultural, ademais de ser a primeira escrita integramente en galego.

O 17 de maio figura na primeira edición de Cantares Gallegos como agasallo de cumpreanos de Rosalía ao seu marido, Manuel Murguía, que a animara a escribir en galego eses poemas; e un dos fundadores da nosa nación, homenaxeado co Día das Letras no ano 2000.

Este ano quérese recoñecer a obra e o labor en prol da cultura galega de Xosé María Álvarez Blázquez, escritor polifacético que cultivou a poesía, a narrativa e o ensaio, ademais de arqueólogo, investigador e editor.

Podedes atopar material sobre o Día das Letras Galegas e o Centenario do nacemento do pintor Urbano Lugrís nas seguintes páxinas elaboradas polo grupo de traballa da Biblioteca, o Equipo de Normalización e o Departamento de Galego.

Páxina 1  Páxina 2  Páxina 3  Páxina 4

No IES Ponteceso estamos facendo un esforzo para mellorar a biblioteca e convertila nun lugar atractivo de traballo e tamén de lecer. Temos xa un fermoso espazo e imos mellorando os nosos fondos pouco a pouco.

Coincidindo co DÍA DO LIBRO (23 abril) unímonos ao programa "mochilas viaxeiras" de BIBLIOTECAS ESCOLARES DE GALICIA para achegarvos parte da nosa biblioteca á casa. Esperamos que disfrutedes con este material e que vos animedes a visitarnos.

Gustaríanos que as familias ás que cheguen as mochilas, nos désedes a vosa opinión sobre este proxecto, e tamén sobre o material que seleccionamos na libretiña que vai na mochila.

Un saúdo desde a biblioteca.